بنات عندى كميه مانجو ملهاش طعم خااااالص مش عارفه اعمل بيها ايه عملتها عصير بس عشان يطلع طعمها حلو حطيت كميات هائله من السكر عاوزه فكره حلوه استغل بيها الكميه دى لانى مستحرمه ارميها

امبارح جربت حاجتين

عجينة العشر دقايق ومش فاكرة بطريقة مين للأسف بس طلعت هايلة هايلة عجينة طرية وجميلة وعملت منها بيتزا

المقادير

كيسين لبن بودرة على كوب ماء على ربع كوب زيت دوبتهم كويس في بعض

وبعدين 2 كوب ونصف دقيق وحسب ما ياخد تقريبا كده يعني عليهم كيس بيكنج بودر وذرة ملح ومعلقة كبيرة سكر المفروض احط 2 معلقة خميرة فورية مع معلقة بيكنج بس انا مشيتها بيكنج بس وحطيت الكيس الا معلقة تقريبا

المهم عجنتها لحدا ما لمت معايا وبقت مش بتلزق واتفرجوا على الجمال احلى عجينة عملتها والله

جربت كمان كيكة جديدة وشغالة يعني حلوة دي من اخت حطاها في مكان تاني بس عجبتني واعتمدتها خلاص

المقادير:
نصف كوب لبن
نصف كوب سمن او زيت او سمنة على زيت
كوب سكر بودرة
4 بيضة
فانيليا
كيس بيكنج بودر
2 كوب دقيق تقريبا يعني حطي بالتدريج لحد ما تظبط ممكن كوب ونصف كمان
دوبت السمنة في السكر كوس بالمضرب وبعدين ضفت البيض والفانيليا وانا شغالة ضرب
وبعدين ضفت اللبن مع الضرب وبعدين خلطت الدقيق على البيكنج كويس ونزلته بالتدريج
الكمية دي لقالب الكيك المتوسط وطبعا في الآخر خلطت منها شوية مع الكاكاو الخام وعملتها زي الماربل كيك جميلة جربوها اخدت تقريبا 40 دقيقة في الفرن الكهربا على 250 درجة

وعاوزة اقول لكم على معلومة

شركة دريم نزلت بيكنج بودر مضاف له محسن وانا جربته حلو جدااااااااااسمه محسن الخبز حاجة كده

حبيبه ابراهيم ....ما شاء الله الغريبه والكيكه المالحه شكلهم تحفه هاعملهم ان شاء الله ...

طمطومه وحشاني جدااااااااااااا....تسلم ايديكي العجينه طريقتها سهله قوي ....