شوربة العدس كمان معتمدة عندى واحلى من المطاعم
بغسل العدس واصفيه واحطه فى حلة مع بصلة كبيرة وجزرة وبطاطساية وطماطماية كله بقطعة كبير نصين او ثلاثة ومعاهم شوية كمون حلويت ومكعب ماجى وفلفل اسود واحط مية كتير واسيبه يغلى بس متغطيش الحلة اول ما يبتدى يغلى عشان ميفورش
سيبيه حوالى ثلث ساعة او اكتر حسب حبة العدس ومتخليش ميته تنشف كل ما تحسيه تقل وميته هتختفى من على الوش زودى شوية مية
اطفى عليه وسيبيه يهدى شوية وبعدين اضربيه فى الخلاط ورجعيه الحلة تانى وزبطيله الثقل والملح
فى حلة تانية قدها اعملى زى التقلية يعنى حمرى بصلى متوسطة وفصين ثوم مدقوقين خليها تبقى بنى شوية بس متحرقيهاش وحطى طبعا البصل الاول وبعدين الثوم عشان الثوم ميتحرقش وتروحى صبة عليه العدس وقلبى تقليبة وخليه يغلى مرة واحدة واطفى

سلطة المكرونة
اسلقى مكرونة اى نوع صغير وصفيها من ميتها واشطفيها
تكونى محضرة بصلة صغيرة قوى مقطعاها ناعم وفلفل رومى وجزر ومشروم وذرة صفرا وقلبيهم على النار شوية يتشوحو بس من غير ما البصلة تصفر وبعدين حطيلهم شوية مية صغيريهم وخليهم على نار هادية 5 دقايق عشان يدبلو ويطرو شوية ميبقوش بيقرشو واطفى وصفيهم من المية وخليهم على جنب يبردو
الصوص مثلا لو هتعملى كيس مكرونة يبقى تحطى للصوص 5 معالق مايونيز كبار و10 معالق زبادى وسن ثوم مفروم (اختيارى) وملح وليمون ومعلقة خل
حطى كله على بعضه وقلبيهم بحيث تبقى السلطة فيها صوص مش ناشفة وغطيها ودخليها التلاجة شوية لغاية ما تبرد خالص هتلاقى المكرونة شربت جزء من الصوص واستمتعى
انا اوقات بعملها وبتغدى عليها هى بس

نورا نفس طريقة العدس المعتمدة عندى بس انا التقلية بتوم بس من غير بصل عشان بكسل بس احمر بصل مش اكتر :)

الان بسرعه علي قناة المحور الكبيبه الشامي .

المقلوبه طريقتها كلاتى بقلى البتنجان واسيبه على جنب وبعدين بكونمقطع البصل شرايح طوليه واشوحهم مكان البتنجان واضيف فصين كبار تو او اربع فصوص صغيرين و البهارات ملح وفلفل وكركم وقرفه وكباب صينى واحط حمص ومعلقة صصه وشويه شوربه فراخ او لحمه وبس اسيب الخلطه دى على جنب واكون سلقه اللحمهاو الفراخ وابداء اعمل طبقات فى قاع الحله برص شرايح بطاطس جزر وبعد كده برص اللحمه او الفراخ وبعدين شويه من خلطة البصل بعدين البتنجان بعدين شرايح فلفل الوان او رومى اخضر يعدين طبقة تانيه من خلطة البصل بعدين الرز اللى بكون غسلاه كويس وبعد كده بحط طبق تقيل شويه وانزل بالشوربه على الحله بالراحه زى ما باعمل فى ورق العنب لحد فوق الرز بشويه مش كتير عشان يطلع الرز مفلفل مش معجن واحط الحله على النار لحد ما يتشرب الرز الشوربه اوطى عليها خالص واسبها تستوى براحتهالحد ما تستوى بطفى عليها واسيبها تهدى والاحسن اسيبها مده علشان تنزل مقلوبه زى التورته طبقات ومش تنزل منعكشه وبس كده كلو احلى مقلوبه عرايشى بطريقة مامتى حبيبتى طبعا انا عارفه كتير بيعملوها بطرق مختلفه ودى طريقتنا فى البيت يارب تجربوها وتعجبكم

انا هنا مصبرتش عليها وعلى طول قلبتها فطلعت منعكشه شويه بس هيا احلى بكتير لو صبرتو عليها شويه

ماشاء الله يااماني وبالهنا والعافيه عليكم يارب
الان علي قناة صفا برنامج فقه العبادات كيفيه الوضوء برنامج ممتاز .