يا حبيبتي يا عزة ربنا يفك كربك

زوزا صباح الفل عليكى وبالنسبه لتورته دى بالذات بحب اعملها واتفنن فيها والولاد بيبقو مبسوطين وهما بيتفرجو ويشاركونى فى المطبخ
والف سلامه على اختك شفاها الله وعفاها ربنا يطمنكم عليها حبيبتى
طمطم ازيك يا جميل يا رقيق انت وياسمينه بخير الحمد لله بس انتى عارفه اجازه مع شوية زهق ومحاوله لتنظيم الوقت ربنا يهديهم يارب
بالنسبه للمعجنات انتى قبل كده عملتى عجينة العشر دقايق ونجحت معاكى مش كده ؟ بصى حبيبتى انا بعملها ويتدينى مقدار كبير يعنى اكيد ما هما خمس كوبيات بيعملولك عجينه حلوه بقسمها تلات اجزاء جزء بفرده وبالقطاعه بعمل مينى بيتزا او افردها فى صينيه كبيره وعلى الوش صلصة بيتزا بكون مجهزاها وحطى المكونات اللى انتى عوزاها وبدخلها الفرن والجزء التانى بقسمه على شكل كرات كده وبفرد على شكل دايره وبقسمها بقطاعة البيتزا مثلثات يعنى الدايره بقسمها اربع ارباع وبحط على كل ريع شوية هوت صوص او شطه وفوقيها يحط تونه بكون مصفياها وعصر عليها لمونه ومقطعه عليها خيار مخلل صغير او زتون اخضر مقطع ووالف على شكل مينى كرواسون وادهن الوش لبن ورشة سمسم وعلى الفرن الجزء الاخير بقى من العجينه بفرده على شكل مستطيل وادهن شوية زيده وارش خلطة السكر المخلوط بالقرفه ولو عندك شوية بندق او عين جمل وتلفى العجينه رول وتقطعى بالسكينه ترنشاتوتبططى بايدك كل قطعه وترصيهم فى صينيه وتخلى بينهم مسافه صغيره تسيبى الصينيه تخمر شويه على بال ما تتخبز البيتز والكرواسون هتلاقيهم تخمرو وبقى شكلهم جميل تدهنى الوش بشوية لبن وتدخليهم الفرن وتحضرى الصوص الابيض ده عباره عن كميه من السكر البودره وتحطى عليهم لبن شويه شويه مع التحريك لحد ما يتكون معاكى صوص ابيض كريمى اول ما تتخبز الصينيه تطلعيها وتعملى خطوط بالصوص الابيض ده على كل حبة سينامون وبس وكلى وادعيلى يا طمطومه وبكده تكونى عملتى تلات اصناف بعجينه واحده بجد تحفففففففففففففففففه

عايزة يا بنات طريقة تدميس الفول ..بس خطوة خطوة عشان يطلع حلو...بس علي شرط انا معنديش سخان كهرابا عشان ادمس عليه الفول يعني الشغل كلة علي البوتجاز..و ينفع اعملة علي البوتجاز يعني و احط شياطة وكده؟؟؟؟؟

الله يخليكى يا زوزا



لا اله اللا الله ربنا يعفو عنها و يعافيها و يلبسها لباس الصحة و العافية اللهم آمين

زوزا ربنا يشفى اختك يارب انت الشافى المعافى تشفى نفيفين وتطمن اهلها عليها
زوزا ادعى دايما بالدعاء ده بعد كل صلاة
ياودود يا ودود يا ذو العرش المجيد
يا مبدئ يا معيد يا فعال لما تريد
اسألك بنور وجهك الذى ملأت به أركان عرشك
أسألك بقدرتك التى قدرت بها على جميع خلقك
اسألك برحمتك التى وسعت كل شئ
ان تشفى اختى نفيفين شفاء لا يغادر سقما او ادعيلها باى صيغة انتى عايزاها
لا اله الا انت سبحانك
يا مغيث اغثنى يا مغيث اغثنى يا مغيث اغثنى
وصلى اللهم وسلم وبارك على سيدنا محمد وعلى اله وصحبه وسلم تسليما كثيرا او تصلى على الرسول باى صيغة
وان شاء الله ربنا هيشفيها ويخفف عنها وخلى دايما عندك عشم فى الله لان ربنا بيقول انا عند ظن عبدي بي