استشارة للعيد الكبير السنة اللى فاتت شاركنا مع مجموعة فى عجل وطلع نصيبنا بعد ما اتقسم بالدهن بكله لما حسبناه طلع الكيلو واقع ب 50 جنيه وواحده قريبتى نصحتنى انى اوديها للجزار يقطعها ويظبطها خد مبلغ محترم بيحاسب على الكيلو بدهنه بكله برضه والله اعلم فى عرق كامل اتسرق او تاه فى وسط اللحمة عنده عشان مظلمش حد

فجوزى بيفكر السنة ده ان شاء الرحمن نشوف المبلغ اللى دفعناه كام ونشترى بيه لحمة متقطعة وجاهزة ومتوضبة وفى اطباق مغلفة من عند الجزار وتتوزع عادى زى الاضحية بس نبقى وفرنا تعب ومجهود و مشاوير


ايه رايكم؟؟

يعني مثلا العرق البرازيلي الي في اولاد رجب ده ....بيتعمل بيه احلي لحمة برده في الدنيا...و بيطلع زي الفل...و طعمه رهيب..بس انت بتاكل لحمة برازيلي و يتخليك مقلق منها...كمان عايزة اسأل هي اللحوم البرازيلي دي و الكبدة البرازيلي اخاف ان ابني يكلها و لا برده بيكون فيها فايدة الحمة العادية البلدي؟؟؟؟

و الله يا روشانا كده اوفر و احسن و الحاجة بتشوفيها بعنيكي ...توكلي علي الله

بصو يا بنات هقلكو اللي اعرف في موضوع اللحمه ده اللحمه البرازيلي لحمه زي اي لحمه المشكله فينا احنا هنا في الشحن والتخزيين والطريقه اللي البياع بيبيع بيها اللحمه كاننا زباله وبيحطولنا لحمه انا مره في السعوديه كنت في سوبر ماركت كبير وكان حاطط عرق لحمه واشتريته من غير ما ابص علي التكت ولما روحت سويته واكلناه انا وجوزي وكان تحفههههههههههههه المهم قبل ما اسويه ببص لاقيته برازيلي في الاول مكنتش هعمله بس قلت اتكل علي الله واعمله المهم يا بنات لما رحت تاني لاقيت قسم البرازيلي هناك والله زيه زي اللحم الهندي واللحم البلدي بتاع البلد تفتكروا ده راجع لايه وعلي فكره اللحمه هناك مش مجمده لا مبرده زيها زي اللحم العادي هنا بقي واقسم بالله اني شفتها بعيني وحصل معايا الموقف ده رحت اولاد رجب اللي في مصطفي النحاس واقيت الناس بيموتو يعض علي البرازيلي ولما سالت واحده قالتلي البرازيلي بجيبه بعمل بيه حوواوشي المهم قلت اجرب الفرانك فورتر طلبت من الراجل كيلو وكان تقريبا بيخلص تخيلو ايه اللي حصل نزل في قلب التلاجه وغرف بايده مايدل علي انه مرمي في التلاجه كده بدون كرتونه او تغليف وكبش كبشه بايده الحلويين وادهملي المهم وانا ببص في الفرانك فورتر لاحظت ان بعض الصوابع فيها اخضر طبعا رجعته وسكت دا يدل علي انه بعضها معفن مش عيب في اللحمه ولكن سوء زفت تخزيين لان من فتره حصل معايا كده في فراخ ناجتس اطياب اشترتها من المحمل ولما روحت البيت لاقيتها معفنه بجد معلش انا اسفه اني بقرفكو بس عاوزه اقلكو ان احنا اللي نع الاسف بنعامل الحاجه باسواء معامله وده علي اعتبار اننا زباله وشعب بياكل اي حاجه وهي دي الخلاصه بس حسبي الله ونعم الوكيل.


روشانا انا كنت سمعت مره موضوع الفراخ ده بس الله اعلم بس فعلا ماما كانت بتقولنا كده زمان كلو الفراخ الامهات.


وبالنسبه لموضوع اللحمه ايوه اشتري احسن من الجزار وهو يوضبهاللك وعلي فكره في جزارين بتفاصل او ممكن تروحي تجيبي من بتاعت القوات المسلحه وتديهم مبلغ وهيعملك اللي انت عوزاه.

بالنسبه لموضوع الكبده حزاري يا بنات رجوكو الكبده البرازيلي ليه لا بس لمعلماتكو ان اي مرض في الدبيحه بيصيب الكبد اول حاجه فبلاش الكبده ممكن اللحم المفروم وعلي فكره في حتت بيبعوه مجمد وانت تطلبي فرمه

والله عندك حق يا رشا :(
حسبي الله ونعم الوكيل فى اولى الامر اللى ماسكين البلد ومش هامهم صحة الناس ومسممين اكلنا والكانسر عمال ياكل فى الناس كبير وصغير مبيرحمش حد