ملف استشارة يوميه ...4

التواقة للخير • 15 سنة

صباح الفل يا مها
أنا هاخد ده بس أنا مش طماعة
وهاسيب الباقى لأخواتى
حرااااااااام إنتى بتعقدينا بالصور دى بس حلويين مووووووت

ROSHANA • 15 سنة

lolookasha :

ازيك يامدام...اولا اوسكار دا سوبر ماركت حلو في مصر الجدية لو تعرفي منطقة تيفولي الجديدة هو في نفس الشارع معلش سؤال يعني ايه ظطيها وارعسيها؟؟ انا اسمي كده ملخبط ماتاخديش في بالك.. ياروشي بصي هوصفلك وصفتنين.. اولهم لو انت جاية من ناحية الميرغني ووصلتي السبع عمارات تمشي مع شريط المترو شوية هتلاقيه على ايدك اليمين لو انت جاية من ناحية سيتي ستارز الباب الرئيسي كملي في الشارع دا هتلاقي نفسك لازم تحودي يمين مع الشارع تقومي تعملي يو تيرن وتكملي في شارع سيتي ستارز دا هتلاقي تيفولي على يمينك..تمشي حبة صغير هتلاقيه على شمالك سؤاااااااااااال رفيع جدا...جوزك ليه بقى بيقولك ماتبصيش بره العربية.. يعني ولا مؤاخذة بتبصي فين طول السكة ؟؟:35:

ازيك يامدام...اولا اوسكار دا سوبر ماركت حلو في مصر الجدية لو تعرفي منطقة تيفولي الجديدة هو في...

افضل بصة قدامى لا ابص يمين ولا شمال :)

لا شمال ممكن عشان هو على شمالى لكن يمين لأ

التواقة للخير • 15 سنة

tadoh :

مهموهتي مش معبراني ليه دا انت لو مرزعتنيش كيكتيين علي الصبح ازعل والله ام كريم انتي وحشاني جدا ومن عيوني ياقمر كيكات بس لا من كل لون ياقمر اتفضلي

مهموهتي مش معبراني ليه دا انت لو مرزعتنيش كيكتيين علي الصبح ازعل والله ام كريم انتي وحشاني جدا...

وأنتى طيبة يالومى ويجعلها سنة سعيدة على الكل يارب

وأنتى طيبة يا إيناس ولادى الكبيرة سلمى 5 إبتدائى
وعبد الرحمن 2 إبتدائى
ورقية آخر العنقود اللى قلبتلى حياتى بإذن الله هدخلها الحضانة

والله يا مها أنا باعشق الحلويات كلها بس آخد فرصة

أزيك يا روش هى مشكلة السندويتشات عشان بعملها وأنا مغمضة بابقى هامووووووووت
وعايزة أنام فى الوقت ده ومعاكى حق لسه هايرجعوا النهاردة بالطلبات والتجليد
ربنا يعينا كلنا يارب

الكيك ده طريقة ماما ومش باغيرها لما باحب أعمل حاجة سريعة

المقادير

م كبيرة بتاعة الغرف سمن( أو زبدة)
1كوب سكر
1و1/2 كوب زبادى أو 2
2كوب دقيق
كيس بيكنج بودر(كله)
3 بيضات + 3كيس فانيلا

الطريقة

السمن مع السكرو نضرب ثم الزبادى
وبعد كده البيض والفانيلا ونضرب
ثم يضاف الدقيق المنخول بالبيكنج بودر ورشة ملح للخليط على 3 دفعات
وتدهن صينية باسمن ورشة دقيق ويصب الخليط أو فى الكب كيك على طول

الكميه دى عملتلى اللى فى الصورة يعنى قالب و12 كب كيك
القالب حطيت عليه شوية زبيب مخلوط برشة دقيق على الوش
والكب كيك رشيت عليه فورماسيل
ودخلوا الفرن 180 درجة لمدة 1/2 ساعة

ومن طرق الكب كيك المضمونة جدا جدا ومش باستغنى عنها برضه وحلوين مووووووووووووووووت

](((((الما فن الرائع )))

طريقتين

الأولى بالموز

1 و1/2 كوب دقيق / ½ كوب سكر / 1م ص بكينج بود ر
1 م ص بيكنج صودا / بيضة / ½ كوب زيت / 4 موز كبير
]زبيب وجوز حسب الرغبة

التانية بالتمر والقرفة

نفس المقادير وبدل الموز كوب تمر حوالى 16 تمرة+ 1و1/2 م ص قرفة + ½ كوب لبن سائل
]الطريقة :
]نخلط المواد الناشفة معا فى بولة كبيرة
]ثم فى خلاط العصير نضرب البيضة مع الزيت ولما يختلطوا نضيف الموز ونضرب
ويخبز فى فرن 180 درجة لمدة 20 دقيقة[

وهى دى طريقتى فى المافن الأكتر من رووعة
إن شاء الله تعجبك

دى طرقى يا جميلة مش بستغنى عنهم أبدا أبدا والله هيعجبوكى وكمان الكمية بتاعتهم على مقاديرهم هايلة
يعنى بتعملك 12 واحدة فيهم البركة

وكل سنة وأنتى طيبة يا روش............

إيه رأيك يا أم مرام جربى وقوليلى ؟؟؟؟؟؟؟؟؟؟

داليا83 • 15 سنة

كل سنة ونتوا طييبن وحشني جميعا
يلا ايام الدراسة داخلة والقرف جاي
بقولكم عاوزوة اسالكم انتو بتعملوا سندوتشات او ايه مع اولادكم في المدارس عاوزة افكاركم الجميلة كل واحدة بتعمل لاولادها ايه
لاني اللي بعمله لاولادي مش بيكلوه وبيرجعوه في الشنطة مش عارفة اعملهم ايه
وجزاكم الله خيرا

ROSHANA • 15 سنة

صحيح يا بنات امبارح كنت عند ميدان الساعة ومشينا لاخر الشارع وطلعنا الكوبرى واول ما نزلت شوفت على اليمن محل كبير لسة بيتوضب مكتوب عليه ماكرو

ممكن يكون فرع سوبر ماركت ماكرو اللى بتقولو عليه فتح اللى يروح الحتة دى يتابع افتتاح المكان ويبلغنا بالاخبار