التواقة للخير
تسلم ايدك ياقمرة على الكب كيك وبالف هنا عليكم
وفى انتظار التارت ده بعد اذن رشروش طبعا

بصرف النظر يا دودو عن الصور اللي انت حطاها وكان ممكن صوره الماكنه من غير شكل الوافل:mad: بصي يا ستي انت عاوزه راي لا متجبيهاش صريحه وضيحه ليه بقي هقولك انا البنت دي كويسه وانا بجيب منها حاجات لا جدال عليها بس اجهزه لا انا متعوده بصراحه اشوف الحاجه بعيني وافحصها عشان الفلوس في الزمن ده مبقتش يتيجي بسهوله دا اولا وثانيا يعني يا دودو هم اولادك بيحبو الوافل بس مش هيكلوه كل يوم يعني والاطفال بطبعهم ملولين انا هقولك علي اقتراح وان شاء الله يعجبك في طاسات بتتباع علي الفيس برده علي شكل ميكي ودبدوب واشكال تانيه كتيير ممكن تشتري واحده ودي بتبقي تيفال تمن الواحده 30ج واعملي فيها وشكلها جنان لو عجبتهم هاتي واحده شكل كمان وكده هيبقي اوفر كتيييييييييررررررررررر.



نيجي بقي سموحه اولا تسلم ايديكي علي الحاجات الجميله وبالنسبه للسبرنكلز انا دخت عليه في مصر وملقتش منه غير اللي بيتباع علي الفيس عند البنات اللي بيشتروا الحاجات اون لاين عمتا انا عندي اشكال هنزلهالكو بس قبل كل حاجه برده عاوزه اقلكو نصيحه انا بجيب الحاجات دي عشان الشغل لكن بصراحه لو هستخدمهم في البيت يبقي كفايه اجيب شكل او شكليين لان عالم السبرنكلز ده عالم واسععععععععععععععععععععععع ولا حدود له لا في الاشكال ولا في الفلوس .
عمتا انا بجيب ال91ج ب20ج.
ودي الاشكال



وفي اشكال كتيييييرررررررررررر اللي عاوز انزلها هنزلها .
البنت اسمها شمس عز الدين

وبالنسبه لموضوع التارت انا بهزر نزليه طبعا يا سموحه علي راي حنان يعني هو لا نبص ولا ناكل وبعدين انا عندي سدادان نفس عن الدنيا كلها اليومين دول متقلقيش

روش انت واخد حبوب الشجاعه ولا ايه بيتزا وكب كيك في اسبوع واحد عمتا كلنا ذاللك الشخص في الكيك عارفه كيكه الحليب الساخن دي اول مره عملتا طلعت روعه تاني مره طلعت قرص بيض اومليت:39:

حبوب شجاعة اية لا ده انا جامد اوىىىىىىى :(

مجبر اخالك يبنتى لا بطل

بنتى قالتلى فى الكافيتريا فى البريك بيبيعوا بيتزا ب 9 جنيه!!!!!!!!!!!! ومصممة عايزة تجيب منها
قولتلها قد بقى دى ان شاء الله قالتلى مش عارفة بس عمو بيحطها فى باكت البطاطس(حسبي الله ونعم الوكيل)

قولتلها لا يا حبيبتى انا هعملة احلى منها وعلى شكل فاس (اقتبست الفكرة منك يا روش جزاكى الله خيرا) وهعملك كتير ليكى ولاصحابك

شبطت الاروبة ومسكت فى الكلمة وقعدت تعدلى 11 واحدة اصحابها

قولتلها طيب على بركة الله فى الويك اند اعملهالك ان شاء الله بال 9 جنية دول هغرق بيتزا انتى واصحابك يا رب تطلع حلوة وتعجبهم


الكب كيك بقى بصراحة انتوا ما شاء الله عليكوا عمالين تحطوا صور عقدتونى وكبرتوا موضوع الكب كيك فى دماغى شكلة بيبقى جميل اوى ويا رب اعمله حلو ويعجب الهوانم ابقى لقيت بديل عن الساندوتشات اليومية عشان الزهق

شوفى يا روشانا
كده

يقضوا ال11
ولا لسه

ودى بقايا كيك بطريقة كهرمانه
كوب سكر خشن كوب لبن نص زيت
3 بيضه
كيس بيكنج بودر
وقشر برتقال من الفريز
وكوب ونص دقيق

وطبعا طريقه فراشه
فى التزين بالميل

كان نفسى الون الكريمه رحت حطيت عصير فرواله بودر
ماهو صناعى