صباح الخير او مساء الخير ايه يا مهموهتي الحلاوه دي دا عربون صلح ولا تخن لا ازعلي يا مها وخلي جوزك يقعد طول النهار علي النت طيب انا بلعت التشيز ابو اربعين ج وقلت ماشي تقومي تدخلي علي بالاكل كمان وانا عامله رجيم وطول النهار اكل مسلوق في مسلوق شكرا شكرا خالص .

طاجن بامية
المقاديـــــــــــــــــــــر:

1/2 كيلو لحم مكعبات - كيلو بامية - 2 كوب عصير طماطم مسبكة - 2 فص توم مدقوق - 1 ملعقة كسبرة ناشفة - بصلة مبشورة - طماطماية - كسبرة خضرا - جزرة مبشورة - ورق لورا
الطريقـــــــــــــــــــــــــــــــــــــــة:
1- نتبل اللحمة بالاتي :
( نصف البصلة المبشورة - نصف الثوم - الجزرة المبشورة - ورق اللورا - ملح وفلفل - بهارات ) ونتركها على النار تتشوح

2- نتبل البامية بالاتي :
( نصف البصلة الاخر - نصف الثوم الباقي - الكسبرة الخضراء - الكسبرة الناشفة ) نتركها تتشوح على النار
3- نحضر طاجن ونضع فيه نصف كمية البامية ثم خلطة اللحمة ثم باقي البامية ونضيف عصير الطماطم المسبكة ونخليها تتخل البامية واللحمة .


4- نقطع فلفلة خضارء شرايح وطماطماية شرايح ونضعها على وجه الطاجن وندخلها الفرن الي ان يكتمل النضج

صباح الفل عليكم جميعا ربنا يسعدكم يارب وفرحت جدا بردكم علي واهم حاجه ان الجدول
والوصفات عجبتكم وان شاء الله يبقي عندكم كذا اختيار وانتوا كلكم ماشاء الله شطورات ربنا
يحفظكم يارب ام مرام انتي طلبتي طريقه الوصفات وانا والله احضرتها لك وكلها حلوة جدا جربي
كميه بسيطه لازمي تجربيها بنفسك وربنا معاكي وام كوكو ياقمر الحمد لله انك مبسوطه مني
وخلاص اتصالحنا طيب بعد الاكلات الروعه دي تعالوا نحلي بالشكولاته وحنونه وكل البنات يلا

ربنا يبارك لك يا مها بجد و الله انا عارفة انك تعتبتى ... ربنا يجعله فى ميزان حسناتك

و ان شاء الله هنقل الجدول و ابتدى اطبقه من الاسبوع اللى جاى على ما اجمع الطلبات

مرة تانية الف شكر و ربنا يجعله فى ميزان حسناتك