ام حازم حبيبتى منوره يا قمر وحشانى كتير
انا الحمد لله تمام ويوسف كمان الحمد لله بخير
انتى اخبارك ايه وازى حازومه الشقى

كهرمانتى الجميله تسلمى على الوصفات يا حبيبتى ان شاء الله اجربها وادعيلك

معلش اتاخرنا في الرد عليكي هي بتلزق في بعضا لان اللزق اللي هو الدقيق والميه بيخرج بره لان حضرتك بتكتريه يعني مسحه بسيطه ويا ريت متكونش علي طرف السمبوسه وهي مش هتلزق معاكي باذن الله.





غظيني غظيني انت وسماح هاه الكوبايه اللي عملتي بيها اد ايه يا جدعان .

واغيظك ليه بس ياجميل دة انا بغيظ نفسي مانا زيك بتفرج بس لكن لازم اكون دقتها علي طرف لساني برضو عشان اعرف طعمها لكن والله منتظمة في تجويع بطني
وكيك الشاتوه الي هو صوصها منها فيها انتي عملتيها قبل كدة

قوليلنا بقي علي كيكة الزبادي دي الي بتتسقي بالشربات؟؟؟؟
وفكرة ام مرام حلوة اوي كل واحد يحط كيكته المعتمدة

معلش يا بنات وعلي السريع عشان ورايا واجبات قد كده بصو دا كرواسون و باتيه عملته النهارده بطريقه جديده .

هكتبلكو المقادير دلوقتي والطريقه ولو في اسئله هرد عليكو قبل ما انام معلش انا اسفه والله بس فعلا لجين عندها واجب كتيير وورايا مليون حاجه اعملها المهم .

المقادير نصف كيلو دقيق عليهم معلقه صغيره خميره عليهم 2 معلقه سكر عليهم نصف معلقه ملح هننخل دول مع بعض ولو في محسن خبز حطي 10 جرام .

1 بيضه.

وتكون محضرين 275 ج زبده بارده مقطعه مكعبات صغيره(انا حطيت 250 ج بس)

حلو كده وكوبايه وربع ماء مثلج او حسب ما ياخد العجين معاكي.

الكوبايه المعياريه او مج الشاي اللي معندش ميزان هيحط 3 وربع دقيق .

الطريقه بقي هتنخلي المقادير الجافه مع يعضها وتعملي حفره في النص تكسري فيها البيضه وتقلبي باديكي لحد ما تختلط مع كل المقادير كويس وتحسي انها دابت في الدقيق خالص تحطي الزبده وتكون خارجه من التلاجه هنا بقي اشتغلي بسرعه جدا من غير ما ايدك تسخن حاولي معلش.

هتحطي الزبده وتحطي نصف كميه الماء البارد وخدي باللك انت مش بتعجني لا انت بتلمي العجين لمي العجين براحه وبسرعه وباطرف ايدك يعني مش ببطن ايدك ارجوكي عشان الزبده مش تسيح ولو اتلمت معاكي كان بها متلمتش حطي شويه شويهمياه لحد ما تتيلم معاكي العجينه وهتلاقي الزبده باينه فيها زي ما هي ايوه انا عاوزاها كده اوقفي العجن لفيها في بلاستك فيل وعلي التلاجه لمده ساعتيين .

حطي النشابه في الفريزر واول ما تطلعي العجينه افرديها من جوه لبره في اتجاه واحد ومتقسيش عليها قوي يعني الضغط من نصف العجينه لبره وهكذا اول ما تتفرد معاكي اقفلي الججنب اليمين لنصف العجينه والجنب الشمال شرحه هتبقي زي الكتاي غطيها بفوطه وعلي التلاجه سبيها ساعه وطلعيها وافردي في نفس الاتجاه مره وطبقيها نفس الشي.
ودخليها التلاجه نصف ساعه وخرجيها افرديها اخر مره يعني 3 مرات بس مش اكتر ودخليها نصف ساعه ولما تخرج افرديها وقطعيها مثلثات او مربعات واحشيها اللي انت عاوزاه لفه الكراوسون طبعا معروفه وسبيها تخمر ساعه وبعدين ادهني الوش صفار بيض مع حليب عليهم حبه فانليا عشان الظافره او نسكافيه سخني الفرن علي 200 وسبيه يسخن حطيها 10د من تحت وبعدين اطفي وولعي من فوق وبس

هرجع تاني بس اخلص ارد علي الاسئله لو في سلام مؤقت



دول سبتهم اتحمروا شويه

حنون حبيبتى ايه الجمال ده تسلم ايدك ولو انك بجد بتصعبى عليا ان كل حاجه بدقيها على طرف لسانك الله يعينك على الحاجات الجميله دى ويصبرك بس والله جدعه وماشاء الله ارادتك قويه ربنا يقويك وتوصلى للى انتى حباه وعايزاه
بس انتى وسموحه شجعتونى اعمل كب كيك بس هاعملها بكيكتى المفضله كيكة اللبن الساخن ربنا يسهل بس
تعرفو يا بنات انا اتعقدت من المخلالات اتضح انى فاشله اوى فيها شوفتو الخيبه مع انها بتتظبط مع الكل الا انها معايا ابدا مش عارفه ليه تحسو فى تكه كده غايبه عنى اهو يعنى ماحدش احسن من حد انتو عمال تشتكو من الكيكه مش بتنجح معاكم وانا اهو بعترف ان المخلالات بانواعها بتفشل معايا لسه عامله الخيار المخلل بطريقة دينا وروشانا وللاسف النتيجه غير مرضيه كمان عملت اللمون المخلل وبرضه حاسه انه فى حاجه ناقصه مش زى اللى بناكله بره بس زى ما احنا متفقينا هايتاكل يعنى هايتاكل مفيش عندنا دلع ولا حد هايجرؤ يتنفس مش كده ولا ايه هو تعب وخساره لااااااااااااا لاممكن ابدا
بسوم يا قمر تعرفى انك بخفة دمك دى بتفكرينى بواحده حبيبتى اوى وغاليه عندى اوى اسمها شيمو الصبر يارب بجد وحشانى موت ووحشتنى خفة دمها بس زعلانه منها اوى بالرغم من الاعذار اللى بتقولها بس برضه زعلااااااااااااااانه منك يا شيموووووووووو يا وحشه وبجد وحشااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااانى
اه صجيح سلام مربع مخصوص للباشمهندسه سماح القمر طلع كلامك فى محله ماشاء الله عليكى استاذ ورئيس قسم ربنا يحميكى