لوليتا v :

اه عاوزة اقولكم فى ملف هند كيكات كتير اوى حد جرب حاجه منها وايه ايلى جربتوه وطلع وحش منها ؟؟؟؟؟؟؟؟؟؟؟؟؟ وانا دورت فى الملفات القديمة على كيكة دون المعتمدة واهى الكيك (دون) ( يوجد للكيك حلة مدورة مخرومة من النص اسمها فورمة دى مقدار البيض بتاعها 5 بيضات __ ويوجد قالب طويل استنلس او تيفال او من الفويل بيتباع فى اى سوبر ماركت وهو شبه قالب التوست والصغير بياخد 3 بيضات و الكبير بياخد 4 بيضات . انابعمل ال 3 قوالب الكبار بياخدو نص كيلو ذبدة اول حاجة تعمليها تشوفى انتى حتعملى الكيكة فى اية ؟؟؟ مثلا فى قالب واحد كبير وانتى خلاص عارفة انه بياخد 4 بيضات يبقى تجيبى ال4 بيضات توزنيهم و شوفى طلعو كام؟؟ مثلا 200 جرام تجيبى الذبدة برضة توزنى نفس الوزن 200 جرام وتوزنى نفس الوزن سكر 200 جرام و هكذا مع الدقيق تمام ؟ وملعقة صغيرة فانيليا و ملعقة بيكنج بودر بتدهنى القالب سمن و ترشى رشة دقيق وبعدين تكبى باقى الدقيق الذيادة وكدة يبقى القالب جاهز لصب العجينة فية ( الكيكة ) لعمل 3قوالب كيك طويلة. 1/2 كيلو ذبدة _ 1/2 كيلو بيض _1/2 كيلو سكر _1/2 كيلو دقيق 2ملعقة صغيرة فانيليا _او 2كيس .كيس بيكنج بودر الطريقة فى الخلاط اضربى الذبدة كويس قوى حوالى 5 دقائق ضعى السكر على الذبدة و اضربى لحد ماتلاقيها بقيت خفيفة و هشة ضعى عليهم البيض واحدة لحد ماتختفى و بعدين نضع التانية وهذا لحد اخر بيضة نضع معاها الفانيليا لحد ما تلاقى العجينة ما شاءالله تخنت و زادت اطفى الخلاط ضعى البيكنج بودر على الدقيق و حطية شوية شوية على العجينة و يكون الخلط بالراحة قوى و فى اتجاة واحد فقط صبى العجينة فى القالب المدهون الى 3/4 القالب وتكونى مولعة الفرن قبلها ب5 دقائق تضعى القوالب ولاتفتحى عليها قبل 10 دقائق على حرارة متوسطة لحد ماتلاقيها عليت و مسكت و استوت طبعا بطرف السكينة خرجيها و اقلبيها على منخل سلك و سيبى القالب فوقها لحد ماتبرد طريقة حفظ الكيكة؛ قطعى قالب للاستخدام فى علبة بلاستيك باقى القوالب لفى كل قالب لوحدة بالفويل و ضعية فى الفريزر و عند الطلب علية خرجية من الفريزر قبلها بساعتين حيكون كأنك لسة عملاة

اه عاوزة اقولكم فى ملف هند كيكات كتير اوى حد جرب حاجه منها وايه ايلى جربتوه وطلع وحش منها...