ثم تغطى بطبق فل اخر وتغلف
اش هو طبق فل مش فاهمة
وهل اضع البهار الموجود عندي او لازم نكهات خاصة
انا اقول اكتبي عادي قصدي اكتبي بالخط الصفير عشان اقدر اركز في الكلام لان الكبير بيشتت الذهن

الخط الصصصصصصغغغغغييييييير فهمتني ربي يكبر ولدك وتشوفية عريس يارب واولادي كمان

السلام عليكم000حبيبتى روشه ممكن طلب الحاجات الغريبه الصينى اللى بتحطوها فى الاكل دى ليها بدائل مصرى يا عسل 000انا ما ناسيه اختى هوى شرقى وفى اقرب فرصه هنزل واسال بس خايفه اقول للجرسون الاسم ما يعرف والمشوار يطلع على فشوش اسالى الاخت هوى عن المكونات000سلالالالالالالالام يا عسسسسسسسسل

عزيزتي روشه طحن

الله يعطيك العافيه على هذا المجهود

والله انمي وايد معجبه فيك

رغم اني نصي مصري لكن ما اعرف اعمل هالطبخات

الوالده الله يرحمها متوفيه وما تعلمنا شي رغم انها كانت استاذه طبخ مصري

والكل يشهد لها ويحب اكلها

وان شاء الله يجعله في ميزان اعمالك

واذا ممكن طريقه الطعميه لاني اموووت فيها وانا ما اكلها الا في مصر

لاني اتمنى اني اتعلمها

وجزاك الله الف خير

السلام عليكم اخواتى الغاليات مورين واللهى تسلملى مشاركاتكم وتشجيعكم ربنا لا يحرمنى منكم امين يارب


الغاليه aboail
للاسف يا قلبى واللهى انا فى الامارات ومعنديش فكره عن وجود التمر فى السعوديه وحتى نا فى الامارات ما بلاقيه غير فى رمضان بس وحتى مش بيبقى حلو زى بتاع مصر
بس انتى عارفه ممكن تلاقيه كمان فى البقالات المصريه عندكم بالرياض
تسلملى اسم الدلع الحلوو رشروشه يا اخواتى على الجماااااال :32:



اختى Amarige
عنيا الاتنين ليكى ياعسل انتى تؤمرى بس لو عايزه اكله معينه بسرعه اكتبهالك فورا انا ديما بالخدمه


الغاليه Hawdah
يسلملى الكلام الحلوو والتشجيع عنيا الاتنين كل الاكل هعملوا قبل رمضان اذا ربنا ادانى عمر


اختى الغاليه حوته
تسلميلى ياعسل على الدعوه الحلووووه ربنا يخليك اولادك يارب
اقصد بالطبق الفل اللى هيا الاطباق المصنوعه من الفل الابيض اللى بتستعمل مره واحده شبه اللى بضعوا فيها اللحم وصدور الدجاج والكبد فى السوبر ماركت بس التانيه مدوره وخفيفه شويه تلاقيها فى السوبر ماركت جنب الاطباق القصدير

لااااازم البهار اللى انا ذكرته فقط اى بهار اخر هيغير الطعم ومش هيعطى طعم الكنتاكى
الكرسبى بتبقى صدور دجاج ومقطعه شرائح طويله والبوب كورن مقطعه قطع صغيره اكبر من حبه الفشار مثلا
وحاضر هبقى مش هكبر الخط عنيا الاتنين
وانشاء الله انا هنزل الصوره تانى وهعملكوا كمان البوب كورن والدنر بوكس والاجنجه والافخاذ اى خدمه اى استفسار تانى يا قمر انا حاضره

ام باسل حبيبتى الغاليه ( انتيمى فى المنتدى)
ربنا لايحرمنا منك ابدا ويديم المحبه امين يارب
طبعا فى بدائل للحاجات اللى مش موجوده فى مصر
الاجينوموتو = بودره مرقه الدجاج
الاناتو=ممكن ملون طعام لونه احمر ويمكن الاستغناء عنها خالص وتكتفى بالكارى او الكركم
والسمن = اى سمن نباتى (النخلتين اواللى طالعين جديد بزيت الذره او اى سمن نباتى وخلاص) مش لازم نحبكها اوى باذن الله هيدى نفس الطعم



اختى الغاليه المزروعيه
عنياى الاتنين يا احلى قمر نصفه مصرى الله يرحم والدتك يارب
وتسلملى الدعوه الحلوووووه واللهى كل ما اخت تدعيلى عنيا بتدمع من الفرح ربنا لا يحرمنى منكم ولامن دعواتكم :44: ( معلش الغربه مخليه الواحد حساس جدااااا سامحونى)

انشاء الله هاكلك احلى طعميه تحلفى بيها طول حياتك
اتفضلى



طريقه عمل عجينه الطعميه
المقادير
1 كوب فول مدشوش منقوع فى الماء 6 ساعات ومصفى
نصف كوب فول اخضر مجمد او طازج يكون افضل (لاتكترى من الفول المجمد لتسيب الطعميه عند القلى)
حزمه بقدونس وكزبره ومفرومين
بصل اخضر مفروم
كراث مفروم
توابل كزبره مطحونه وكمون وفلفل حار حسب الرغبه
ملح وبيكربونات
سمسم للوجه
زيت للقلى
طريقه التحضير
تخلط كل المقادير السته الاولى وتطحن جيدا بالمطحنه جيدا الى ان تصير عجينه
توخذ قطعه من العجينه ويوضع الباقى فى اكياس ويفرز فى الفريز لحين الاستخدام
توخذ القطعه وتتبل بالملح وزره بيكربونات وتشكل اقراص مناسبه ويوضع السمسم على الوجه وتقلى مباشرتا فى الزيت الحار جدا تقلى من الجنبين ثم تصفى من الزيت وتوضع فى مصفاه تحتها طبق فيه ورق مطبخ ماص للزيت
ثم ترص فى طبق التقديم وهى ساخنه
وبالف هنا وعافيه

يمكن ان تحشى بحشوه البصل

مقادير حشوه البصل
بصله مقطعه جوانح وفلفل اسود وكزبره وكمون وقرفه تاعمه وبابريكا وفلفل حاروملح ورشه كركم لتلوينها

تشوح ( الكشنه) البصله فى الزيت وتتبل وتحشى بها العجينه وتقلى
وبالف هنا وعافيه

السلام عليكم و رحمة الله و بركاته

بصراحة ...... عظــــــــــــــــــمة على عظمـــــــــــــــــــــة يا ســـــــــــــــــــــت

كفاية بقه حرام عليكي هتتحسدي يا بنتي ( ما شاء الله و لا قوة الا بالله ) .

تعرفي يا روشة أنا كنت بأفكر أكتب كام طبق في هذا الملف ( ده طبعا أول ما قريت العنوان ) لكن بعد ما دخلت الموضوع و شفت الشطارة ما شاء الله قلت لنفسي بلاش و أحترم نفسي أحسن .
و أنا اللي كنت بأحسب نفسي شاطرة:cook:و حريفة لكن بصراحة احنا جنبك :D ما نتكلمش و لا نفتح بقنا.

ربنا يخليك لزوجك و يخليه لك و يبارك لك في ابنك يارب و يرزقكم من حيث لا تحتسبوا أمين.