السلام عليكم حبايبى الغاليين



انتو عارفين حبايبى ان السحوره فى رمضان ما ينفعش من غير الفوووووووووووووول :23: لازم فول فى السحور عشان الواحد يبقى فول تانك :42: ويقدر يصوم طول اليوم وفى ناس كمان طبق الفول اساسى عندهم فى الفطور كمان :cook:


يلا نبدا مش عايزه اطول عليكم


انا باذن الله هبدا بكتابه الفهرس فى الاول وبعدين نكتب طريقه التحضير وده عشان يسهل عليكم البحث



يلا اتفضلوووووو عشان ان خلص الفول انا مش مسؤؤؤؤؤؤؤؤؤؤؤل




اتفضلو معانا

الفهـــــــــــــــــــــرس

- طريقه تدميس الفول البيتى (( فول ام جيجي ))
- اسرار نجاح الفول والحصول على الطعم المظبووووووط
- فول اسكندرانى
- فول بالبيض
- فول بالسمن البلدى + طريقه عمل السمن البلدى
-فول بالزبد
- فول بالطماطم
- فول بالزيت الحار
- فول بالفلفل المخللل المخصوص + طريقه تخليل الفلفل
- فول بالحمص والثوم
- فول بالجبنه البيضه والمش + طريقه عمل المش البيتى على اصووووله
- فول بالطحينه
- فول بالبصل
-فول سودانى هوا مش سودانى بس احنا بنسميه كدع !! مش عارفه ليه !!
- سندوتشات فول ام جيجي
- سندوتش حبشتكنات
- بيتزا الفول
- الفوليه بالخضره
- موقيلى بصلصه الطماطم والارز
- طريقه عمل الفول النابت
- شوربه الفول النابت مع الخبز المحمص بالزبد
- فته الفول النابت بالخل والثوم
-البصاره
- عجينه الطعميه البيتى
- عجه الطعميه
- طعميه محشيه بالبصل المقلى
- مقالى شعبيه (( هديه من عندى فوق البيعه ))
- حمص الشام الحار
- وبليله كمااااااااااااان مش خساره فيكوا
لالالالالالالالالالالالالا كده بقى الموضوع كبر وانا جوعت جدا ويلا نبدا نعمل الفووووووول



ياريت اخواتى المصريات اللى عندها طريقه فول جديده غير دول تضيفها عشان اخوتنا الحلوين يكلوا فول ينبسطووو ولكم جزيل الشـــــــــــــــــــــكر

- طريقه تدميس الفول البيتى (( فول ام جيجي ))


المقادير
كوب فول مصرى (( نقوا الفول الكبير ويكون لونه فاتح مش بنى غامق ))
نصف كوب فول مقشور (( اللى هوا الفول المتقشر ومقسوم نصين مش عارفه بتشموه ايه )) احنا بنسميه مدشوش
ربع كوب عدس احمر مغسول ومصفى
ماء
نصف ليمونه

طريقه التحضير

يغسل الفول والفول المجروش جيدا وينقع لمده يوم كامل او لحد ما الفول ينفش

نصفى الفول المنقوع جيدا ونضعه فى دماسه فول ومعه العدس واليمون والماء

نتركه يغلى على النار وبعد الغليان ننقله على سخان كهربائى صغير وهادئى الحراره ومغلف بورق فويل ونترك الفول الى ان ينضج جيدا والنضج على حسب رغبه وذوق كل شخص

وهوا غالبا بياخود من 4 الى 5 ساعات
____________________________________________________

اسرار نجاح الفول والحصول على الطعم المظبوط


اهم حاجه فى الفول التوووووووابل لازن نهتم بيها كويس جدا

اولا اساسيات الفول
الكزبره والكمون

لازم تشتريهم حصى وبعدين فى البيت تحمصى الكزبره جيدا لحد ما ريحتها تطلع وتتحمص وبعدين تطحنيها وكذلك الكمون


الشطه الحمرا المطحونه برضوا ضروريه فى الفول وهيا عموما مش بتبقى حاره اوى وبتشتريها مطحونه جاهزه


انواع الزيوت

الاساسى زيت الذره او عباد الشمس او الكانولا او الزيت الحار

اما زيت الزيتون ليه بعض طرق مخصوصه مثل الفول بالحمص والثوم

فى انواع الفول اللى بالزبد او السمن
لااااااازم سمن بلدى طبيعى او زبده طبيعيه ما ينفعش اى نوع تانى غييييييييير

الثوم لازم يدق بالهون مايتعملش فى الخلاط او هراسه الثوم اليدويه
البصل كذلك لازم يتقطع باليد مش بالقطاعه او المبشره
ودمتــــــــــــــــــــــــــــــــــــم لو افتكرت حاجه تانى هقولهالكم

_____________________________________________________

- فول اسكندرانى


المقادير

مقدار من الفول المدمس السابق او علبه فول مصفيه ومغسوله
طحينه بيضا
كمون وكزبره وملح وليمون وشطه حمره حسب الرغبه
بقدونس وطماطم وبصل اخضر مفرومين
زيت ذره او عباد الشمس

الطريقه

سخنى الفول جيدا
ضيفى كل المكونات وقلبى جيدا واهرسى الفول حسب الرغبه

وبالف هنا وعافيه

____________________________________________________

فول بالبيض

المقادير

مغرفه فول مدمس
ثلاث ملاعق زبده طبيعى انكور
بيضه
فلفل اخضر مكعبات
فلفل اسود وملح وكمون وكزبره

الطريقه
سيحى الزبده ضيفى الفلفل قلبى قليلا ثم ضيفى البيضه والفلفل الاسود انتظرى دقيقه لحد ما تجمد قليلا ثم قلبى البيضه وبعدين ضيفى الفول والكمون والكزبره والملح واهرسى الفول حسب الرغبه
وبالف هنا وعافيه


نكمل وقت تانى :23::27:

تسلم ايدييييييييييييييييييييييييييييينك
بس انا عندي سوال لما اشتري الفول من الفوار احيانا يكون حلو واحيانا لا بس ابسالك عن الصلصه الي يحطونها فوق مثل بهارات او زيت او لبن ممكن تقولين لي

ايه الابداع ده كله يابنت بلدى احلى طبق فول مصرى ببلاش 0000تسلمى روشه وموضوع جيد الاختيار 0000000وبالهنا على قلوب كل اللى يحب الفول////

رووووووووووووووعه