ملف الاطباق الساخنة التقليدية والغير تقليدية بالخطوات المصورة "متجدد دائما" ..

تمرسكري • 17 سنة

الله يعافيك 000مجهود تشكرين عليه

غرومة.. • 17 سنة

برغل بالحمص لذيذ وخفيف وسهل جدا ومايحتاج جهد ووقت..

المقادير:
2 ك برغل خشن "مغسول ومنقوع نص ساعة"
1\2 ك بصل جوانح
2 ك حمص حب مسلوق "انا استخدمت العلب"
ماجي ، فلفل اسود ، م ص كمون ، ملح
ماء سلق دجاج او لحم او ماء عادي بس يكون حار

هذا الكوب اللي استخدمته ..

الطريقة:
اقلي البصل بشوية زيت ، لحد مايبدا يتغير لونه ..

ثم ضيفي الحمص وقلبي عشان شوي يتحمش..

ثم البرغل بدون ماء النقع وقلبي عدل لما تشوفين بخار ، ضيفي الكمون وباقي البهارات..

ثم ضيفي الماء الحار وغطيه وخليه على نار عالية لحد ما يبدا ينشف مايه قصري النار وغطيه عدل وقلبيه بين فترة واخرى وخليه لحد ما يستوي ..

وقدميه مع دجاج مقلي أو مشوي "انا قدمته مع المشوي ألذ عندي :21: " ، وسلطة الخيار بالروب يمي يمي وبالعافية ..

شكل البرغل من قريب..

+3

غرومة.. • 17 سنة

الهريس ..
ترى ماصورتها من البداية لان امي اللي سوتها فديت عمرها ونست تناديني :22: ..

المقادير:

4 ك هريس مغسول عدل ومنقوع ليوم كامل
لحم عجل هبر بدون عظم "بس قولي لللحام ابي لحم للهريس راح يعطيج هالنوع"
4 لتر ماء
حبة بصل صغيرة مفرومة ناعم
3 م ك سمن
عودين دارسين ، م ص فلفل اسود
ملح

الطريقة:
قلي البصل ثم اللحم ويقلب لحد ما يتغير لونه ثم البهارات وقلبيه ثم الماي وخليه لحد مابيدا يغلي ثم نضيف الهريس المغسول ثم نحرك حتى يبدا في الغليان مرة اخرى ..

هذا اللحم..

وهذي شكل حبات الهريس بعد ما غلى أول مرة ..

نتركه على نار عالية مع التحريك المتقطع حتى تشعرين ان الماء يبدأ سطح الهريس يبين من السائل..
نغطي سطح القدر بقطعة من القصدير ثم نضع الغطاء ويجب استخدام قدر له غطاء محكم لاننا نبيه نطبخه البخار على نار خفيفة جدا لوقت طويل ..
نقصر على النار على اقل درجة ممكنة نضع قطعة من الحديد تحت قدر الهريس ونتركه لمدة ساعتين التقليب من فترة لأخرى..

لاحظوا سمك السائل بعد ما استوا وترى اللحم بدا يذوب ويتقطع بمجرد اللمس بالملعقة..

هذي شكل حبات الهريس بعد ما استوت ..

وهذا الهريس استوى..

بس يستوي حاولي تهرسين الهريس بملعقة خشب كبير او جهاز هرس الهريس مثل ما احنا نسوي..

عند التقديم حطي سكر و دارسين مطحونين ناعم وسمن أو زبدة وبالعافية على قلوبكم ..

يلا حياكم ..