ملف الاطباق الساخنة التقليدية والغير تقليدية بالخطوات المصورة "متجدد دائما" ..

MonaAG • 19 سنة

غرومة.. :

وااااي ياقلبي انت ، عطيني عنوانج وارسلج اياه يالغلا ,, والسمج الصغيرة صبور والثانية هامور .. تسلمين حبيبتي ممكن ياقلبي أي نوع مو شرط ، بس القصد الحشوة عشان جذي استخدمت السمكة الكاملة ، والصوص صلصة الصويا المعتدلة .. وحياج يالغلا :26: ..

وااااي ياقلبي انت ، عطيني عنوانج وارسلج اياه يالغلا ,, والسمج الصغيرة صبور والثانية هامور...

غرومة يا عسل

يعطيك ألف عافية حبيبتي عن جد شغلك بفتح النفس

استمري متابعين معاكي :42:

غرومة.. • 19 سنة

برياني روبيان مع مرق هامور ودقوس والمعبوج ، جد واااااااااااااااااااااااااااو :21: ..
كل هالاطباق سهلة وسريعة والله أخذوا مني 40 دقيقة بس..

برياني الروبيان ..

المقادير:
روبيان مقشر ومنظف
ك طماطم
ك فلفل اخضر
1/4 ك فلفل اخضر حار "مو لازم للي ما يحب الحار"
1/2 ك بصل
2 م ك ثوم مهروس
م ك بهار سمك وم ص فلفل اسود و م م بهار تندوري و م ص كركم وملح
وماي
وصلصلة طماطم
2 م ك زيت
2-3 ك رز
بهارات الرز الصحيحة "هيل ومسمار ودارسين ورشة ملح"
ماء مغلي للرز

الطريقة:
اسلقي الرز بالماء الحار والبهارات الصحيحة لمدة 10-12 دقيقة بس..

احمسي الروبيان مع البصل والثوم اول عشان ينشف ماي الروبيان شوي ثم ضيفي الزيت والبهارات ..

ضيفي الفلفل الاخضر البارد والحار ثم الطماطم وقلبي ثم ضيفي الماء والصلصة وخلي يغلي غلوتين ..

صفي الرز من الماي والبهارات وضعي طبقة منه في قاع الجدر..

ثم ضعي الروبيان والخضار بدون الصلصة كطبقة ثانية ..

+2

غرومة.. • 19 سنة

اخلطي الرز مع الروبيان والخضار وشوفي جم يحتاج صلصة "مرق الروبيان" ، انا احتاج 4 م ك مرق روبيان ، واخلطيه عشان جذي اخذ الرز اللون الاحمر ..

غلفي الجدر بالقصدر عشان تضمنين انه يستوي على البخار وغطيه وخليه على نار هادية 15-20 دقيقة ..

ثم قدمية مع رشة بقدونس للتزيين وبالعافية ..

مرق الهامور ، وااااااااااااااااااااي جد لذيذ ..

المقادير:
3 ك صلصة أو مرق الروبيان اللي سويناه قبل شوي
1\2 كيلو سمك هامور
م م بهار سمك وم ص تندوري وملح
1\4 ك كزبرة مفرومة
1-2 ك ماء مغلي "على حسب سمك المرق المفضل
علبة صلصة طماطم
زيت لقلي السمك

الطريقة:
احنا اخذنا كل الخضار والروبيان اللي بالمرق للبرياني ، فراح يكون المرق عندنا جذي..

بهري السمك واقليه بزيت غزير ..

ضيفي الكزبرة للمرق وخليه على نار هادية لحد ما يستوي السمك ..

بس يبدا يغلي المرق ضيفي قطع السمك ..

غطيه وخليه على نار هادية لحد ما يستوي الرز "15-20 دقيقة" ..

وهذا المرق جاهز للتقديم ، لاحظوا شلون رايب وحلو ..

+5

العفه • 19 سنة

مشكووورررررررره وتسلم يدينك حبيبتى
وجزاك الله خيرا

غرومة.. • 19 سنة

المعبوج..
ابوي فديت عمره اشترى هالصلصة اللي من ماركة الديج على انها حارة ، والله يابنات تلوع الجبد :11: " الله يديم النعمة" باردة وايدة وطعمها كلش مو حلو ، قعدت فترة بالثلاجة ومحد فكر ياكلها وحرام ارمي النعمة خصوصا ان الوالد الله يحفظه يايب 4 علب الحجم العائلي ، فقمت وغيرت فيها والله طلعت رهيييييييييبة ألحين اخواني يشترونها عشان اسويلهم المعبوج هذا :23: ..

المقادير:
علبة صلصة ريد روستر
8 حبات ثوم
4-8 حبات فلفل أخضر حار
2 بصل كبير
2 م ك صلصة طماطم
ملح وفلفل أسود
2-4 م ك ماء "عشان تليين الخليط"
م م زيت زيتون

هذا الصلصة ..

الطريقة:
حطي كل المقادير بما فيهم علبة صلصة بمحضرة الطعام واطحنيهم لحد ما يوصلون للمرحلة هذي ..

حطيهم بالجدر على النار وخليهم يطبخون لحد ما ينشف مايه ، مع التقليب ..

ويصير شكله جذي ..

وحطيه بالعلب وهو حار "انا استخدمت نفس العلبة "لانها زجاج" ..

وعلى الوجه ضيفي الزيت جذي ، لانه حار راح يتشربه ..

وبس يبرد غطيه واحفظيه بالثلاجة ، و واي على طعمة مع الاكلات الدسمة ..

+3