ملف البرجر المنزلي يلا الكل يشارك

السلام عليكم ورحمة الله وبركاته

كلنا عارفين ان البرجر المثلج مافيه اصلا لحم وكله غضاريف كروش وشحم وعظام ودم ونسبه قليله جدا من اللحم .
اصلا انتشرت مؤخرا فضيحة شركات البرجر اللحوم المفرومه انهم اصلا يدخلون البقره
كااااااااااااامله حتى راسها معها في ألة الفرم وفتنفرم بمصارينها وعيونها ووسخها وعظامها ودمها وكل شي
وان الدجاج بعد شفته بعيني بالتلفزيون يدخلون الآله كامل براسه وبمنقاره وكل شي وع وع وع

وانتوا بعد عارفين ان عيالنا يحبووووووون البرجر يعني اذا ما شريناه من المطعم تلقين
الثلاجة مليانه برجر مجمد نسويه بالبيت على الأقل انظف من المطاعم !!

لكن بعد الفضايح هذي مستحيل اشتري البرجر المجمد :09:
يا بنات الأشياء هذي تسبب امراض خطيره انتبهوا !

فلازم يا بنات نسوي ملف فيه كل الطرق المختلفه لصنع البرجر المنزلي
شي فيه خردل وشي فيه شبت وشي فيه بقدونس وشي فيه بيض عشان الخلطه تتماسك
يا ليت اللي عندها طريقه ما تبخل فيها

بسم الله نبدأ

1- طريقة برجر لحم
لحم مفروم + بصلة مفرومه فرم ناعم جدا + 2 فص ثوم ناعم +2 م بقسماط + ملح وفلفل

تخلط جميع المقادير وتعمل اقراص وتدخل الثلاجه على ألأقل ساعتين ثم تقلى
وتحشى بالصمون مع الطماطم والخس والجبن والكاتشب وبالعافيه

2- برجر لحم بالخردل والكاتشب
نص كيلو لحم مفروم + فلفل بارد مفروم +بصل مفروم+ 1م مخلل مفروم+1م خردل +ملح وفلفل

تخلط المقادير جيدا وتقرص ثم تدهن بالكاتشب ثم تدخل الفرن .وبالعافيه

3- برجر دجاج
صدور دجاج + بصله مفرومه + فص ثوم + ملح وفلفل
تخلط بالخلاط لتصبح عجينه ثم تقرص ثم تدهن بالبيض ثم البقسماط وتدخل الثلاجه لتجمد
وشي طبيعي تقلى عند الأكل .

4- برجر بالأعشاب
نص كيلو دجاج مفروم+ ربع ك بقسماط +2م شبت مفروم+ نص م صعتر طازج او مجفف مفروم
+ ملح وفلفل
تحلط جميع المقادير وتقرص وتجمد بالثلاجه

ملاحظه مهمه لما اقول لحم مفروم مو الجاهز لأن الجاهز فيه بلاوي انا اقصد لحم هبر انتي تفرمينه
بالفرامه او تودينه محل يفرمه لج .

يالله يا بنات هذا اللي عندي انتظر مشاركاتكم
انا ودي بطريقه برجر لحم اللي فيها بيض بس ما لقيتها بالنت ! اللي عندها لا تبخل علينا

تشكراتي :26:
كوووووووووردي