عين شيهانة :

بسم الله الرحمن الرحيم السلام عليكم ورحمة الله وبركاته اليوم راح اسرد لكم قصتي مع تجربة اطفال الانابيب سجلت موعد عند الدكتورة ثريا بناء على مدح بنات التجمع جيت للموعد الاول و لم تقابلني تحججوا بقرب العيد الموعد الثاني مافيه وقت عشان اجازة الربيع و الموعد الثالث كانت مسافرة مادري وش عندها حولوني على الدكتورة ريم الانصاري واستقبلتني و كانها تعرفني من عشر سنوات و كانت قمة في الاخلاق و التعامل و تكلمت معاي و فهمتني الخطوات اللي راح اتصير و اعطتني الابرة التحضيريه وبعد نزول الدورة اعطتني ابر التنشيط و كل شي ما شي تمام طبعا مع التصوير لمراقبة حجم البويضات و قالت لي اسبوع و بنشوف وبعده قالت حجمهم كويس بس راح اعطيك ابرتين زيادة وجيت للموعد قالت بعطيك ثلاث و ابرة التفجيرو المفروض عمليتي الثلاثاء او الاربعاء حسب كلامها و يوم الثلاثاء عطتني ابرتين وحدة المساء ووحدة الصباح و يوم الاربعاء الابرة التفجيرية الساعة ثنتين الفجر تخيلوا في حمد وزوجي المسكين عنده شغل الصباح طبعا العملية الخميس و من سبع موجودة و انا عمليتي الساعة وحدة وربع بعد الظهر لاني اخر وحدة رقم 13 خلصت قالوا الترجع يوم الاثنين ويوم الاحد دقوا علي بعد الظهر و قالوا لازم نسوي الترجيع اليوم و طبعا زوجي في الشغل دبرت عمري مع دريول من برى ورحت لهم وفي غرفة الترجيع تفجأت ان دكتورتي مسافرة و اللي راح يسوي لي الترجيع شحاته مع اني طالبه دكتورة مابي دكتور لان ما فيه ضرورة سالت دكتورة المختبر عن الاجنة قالت لي ممتازة طلعت و قالوا لي كلمي بعد ثلاثة ايام شوفي اذا فيه مجمد ولا لا كلمتهم قالوا مع الاسف ما فيه الاجنة غير صالحة للتجميد قلت الحمد لله و في فترة الانتظار جاتني حمى و حرارة ورحت لطوارى النساء و تنومت عندهم نصف يوم و سووا لي تحليل و ما بين معاهم شي و عطوني ادوية وقالوا تعالي على الموعد مال التحليل رحت لهم و كانت النتيجة سلبية طلبت اقابل الدكتورة عشان افهم وش اللي صار قالت لي بالحرف الواحد انتي اموركِ كانت تمام و بس مادري وش اللي حصل في المختبر يوم سويتي العملية انا كان مسافرة و كانت العمليات وايد و كان تعب على دكتور المختبر و على الاجهزه لان ما عندنا الا جهاز واحد واكيد كفأته بتقل مع الزحمة و الحرارة لانه شغال من الصبح و خيرها في غيرها ان شاء الله وراح كل شيء بكل سهولة لانهم يخلون العمليات في يوم واحد و هم ما عندهم الا جهاز واحد ودكتور مختبر واحد بس معقولة مستشفى بحجم مستشفى حمد ما عندهم اجهزة ولا كوادر و الحين مسجلة موعد عند الدكتورة مريم فيلامرزي في شهر خمسة والله كريم يرزقنا الذرية الصالحة و يغنينا عن غيره و اعذروني على الاطاله

بسم الله الرحمن الرحيم السلام عليكم ورحمة الله وبركاته اليوم راح اسرد لكم قصتي مع تجربة...

code :

الله المستعان .. وين وصلتي في العلاج ؟؟؟! الله يعوضج خير ان شاء الله .. و عادي اصلا القسم يستقبل اكبر من امكانياته بوايد .. و صراحة انا افضل دكتور الاجنة الاردني على الدكتورة القطرية مالت الاجنة .. انا كان يفكلي الاجنة كلها بدون مشكلة و هي لما فكتلي قالت بس بقى واحد و اثنين اختربوا .. و كل اللي كانوا معاي نفس اليوم و يسون مجمد ما بقالهم الا واحد . القسم محتاج تطوير كبير .. يعني حمد بدل ما يصرفون عن الكراسي و الستاير الفخمه .. يجيبون اجهزة احسن .. :06: الشكوه لله .. حتى هم في القسم متضايقين و ادارة المستشفى ما تتساعد معاهم .. انا لما رحت لرئيستهم قالت اشتكوا ..ابي اوراق شكاوي مكتوبه علشان اضغط على الادارة و انا اقول لكل البنات اللي معانا في التجمع ... في صندوق شكاوي جنب الصيدلية .. مب لازم تحطين اسمج او بياناتج خليها من مجهول .. و اكتبي شكواج .. على العموم الله يعوضج خير ان شاء الله ويتلافون الاخطاء المرة الجاية .... و اغلب الناس اول محاولة ما تنجح.. و ان شاء الله الثانية تكون ناجحة يارب

الله المستعان .. وين وصلتي في العلاج ؟؟؟! الله يعوضج خير ان شاء الله .. و عادي اصلا القسم...

code :

روز مافي نسبة محددة بس متوقع ما تكون مرتفعة وايد ..لان الحمل للحين في اوله .. حسب موقع http://www.betabase.info/ في حالة الحمل بطفل واحد ممكن في اليوم ١٣ من السحب ( التبويض) يكون الهرمون بين ١ و 1746 و المتوسط ٦٣ اممم بشري ؟؟؟!

روز مافي نسبة محددة بس متوقع ما تكون مرتفعة وايد ..لان الحمل للحين في اوله .. حسب موقع...