امل ورجاء
امل ورجاء
بسم الله الرحمن الرحيم السلام عليكم ورحمة الله وبركاته اليوم راح اسرد لكم قصتي مع تجربة اطفال الانابيب سجلت موعد عند الدكتورة ثريا بناء على مدح بنات التجمع جيت للموعد الاول و لم تقابلني تحججوا بقرب العيد الموعد الثاني مافيه وقت عشان اجازة الربيع و الموعد الثالث كانت مسافرة مادري وش عندها حولوني على الدكتورة ريم الانصاري واستقبلتني و كانها تعرفني من عشر سنوات و كانت قمة في الاخلاق و التعامل و تكلمت معاي و فهمتني الخطوات اللي راح اتصير و اعطتني الابرة التحضيريه وبعد نزول الدورة اعطتني ابر التنشيط و كل شي ما شي تمام طبعا مع التصوير لمراقبة حجم البويضات و قالت لي اسبوع و بنشوف وبعده قالت حجمهم كويس بس راح اعطيك ابرتين زيادة وجيت للموعد قالت بعطيك ثلاث و ابرة التفجيرو المفروض عمليتي الثلاثاء او الاربعاء حسب كلامها و يوم الثلاثاء عطتني ابرتين وحدة المساء ووحدة الصباح و يوم الاربعاء الابرة التفجيرية الساعة ثنتين الفجر تخيلوا في حمد وزوجي المسكين عنده شغل الصباح طبعا العملية الخميس و من سبع موجودة و انا عمليتي الساعة وحدة وربع بعد الظهر لاني اخر وحدة رقم 13 خلصت قالوا الترجع يوم الاثنين ويوم الاحد دقوا علي بعد الظهر و قالوا لازم نسوي الترجيع اليوم و طبعا زوجي في الشغل دبرت عمري مع دريول من برى ورحت لهم وفي غرفة الترجيع تفجأت ان دكتورتي مسافرة و اللي راح يسوي لي الترجيع شحاته مع اني طالبه دكتورة مابي دكتور لان ما فيه ضرورة سالت دكتورة المختبر عن الاجنة قالت لي ممتازة طلعت و قالوا لي كلمي بعد ثلاثة ايام شوفي اذا فيه مجمد ولا لا كلمتهم قالوا مع الاسف ما فيه الاجنة غير صالحة للتجميد قلت الحمد لله و في فترة الانتظار جاتني حمى و حرارة ورحت لطوارى النساء و تنومت عندهم نصف يوم و سووا لي تحليل و ما بين معاهم شي و عطوني ادوية وقالوا تعالي على الموعد مال التحليل رحت لهم و كانت النتيجة سلبية طلبت اقابل الدكتورة عشان افهم وش اللي صار قالت لي بالحرف الواحد انتي اموركِ كانت تمام و بس مادري وش اللي حصل في المختبر يوم سويتي العملية انا كان مسافرة و كانت العمليات وايد و كان تعب على دكتور المختبر و على الاجهزه لان ما عندنا الا جهاز واحد واكيد كفأته بتقل مع الزحمة و الحرارة لانه شغال من الصبح و خيرها في غيرها ان شاء الله وراح كل شيء بكل سهولة لانهم يخلون العمليات في يوم واحد و هم ما عندهم الا جهاز واحد ودكتور مختبر واحد بس معقولة مستشفى بحجم مستشفى حمد ما عندهم اجهزة ولا كوادر و الحين مسجلة موعد عند الدكتورة مريم فيلامرزي في شهر خمسة والله كريم يرزقنا الذرية الصالحة و يغنينا عن غيره و اعذروني على الاطاله
بسم الله الرحمن الرحيم السلام عليكم ورحمة الله وبركاته اليوم راح اسرد لكم قصتي مع تجربة...
الله يعوضك يالغاليه نفس المشكلة ودايما نشتكي والله كريم وان شاء الله بتحملين قبل موعدك يارب
رووز باريس
رووز باريس
بنااااات

توه الحين كنت بقوم أتوضى للعصر

نزل علي قطراات دم ،،

تهقوووون الدوورة ؟
greengrass80
greengrass80
مرحباً صبايا
روز اذا النسبة ١٠٧ فحمل وانت بعد لسه في اليوم ١١ يعني ما شا الله نسبتج وايد عاليه أنا في اليوم ١٢ كان ٢٠ واحين بكمل الشهر الثاني من حملي ،،،
بس نقطة الدم ما ادري شنو ،،، ريحي نفسك
greengrass80
greengrass80
شيهانه حبيبتي الله يعوضك في المرة الجاية ومريم وايد زينه أنا ارتحت معاها ،،، اما المستشفى فحرام الي يسونه فينا من زحمه و انتظار ،، يعني المفروض هالقسم فيه اهتمام اكبر لانه موضوع الانجاب مهم جدا في حياتنا كأفراد وكشعب عدده قليل ،، بس الله يعينا ويرزقنا
ارضي السعودية
السلام عليكم


اليوم الساعة 7 وعشر

في محاضرةرائعة لشيخ المغامسي تابعها على هذا الموقع بث مباشر


http://www.liveislam.net/