بنات شفتوا اجلوا رحلتهم حملة مواكب الاهله بدال ماهي السبت 7ونص في الليل صارت الاحد 4الفجر

من جد شي يقهر يتفقون معنا على شي بعدين يسوون شي ثاني هذا اولها الله يعين على تاليها

بنات بنصحكم بشي ..
ندمنا احنا وكثير ناس على التأفف من أخطاء الحملة أو حتى الأشياء اللي يمكن هم قصدوها..
ترى مقصد الحج هو امتحان صبر المؤمن..
ولو كان الحج سهل ماكان وُصف بأنه جهاد لا قتال فيه!

الصبر الصبر... وكظم الغيظ.. ناصحوا حملاتكم بس لا تتكلمون عنها وفيها..
وبتشوفون عجب.. لأن الحج موسم ضغط عالمي ملايين الناس
ومئات الألوف من المقاعد والطيارات والباصات..

انا ماودي تضيع أجوركم بالتجزع.. لأني ندمت قبلكم .. وبتذكرون كلامي بعد فترة..
احتسبوا الأجور.. وتذكروا أنها رحلة إلى الله.. لاتخلون عثرات الدنيا تمنعكم من الأجور ..

أحبكم في الله ولا كان مانصحتكم :)

مشكوره قهوه والله يصبرنا ويتمم علينا حجتنا

بس لازم هم يمشون على اتفاقيتهم ووعدهم وترا هذا اللي يصير من الغش للمسلمين والتغرير بهم

يعني اذا اتفقوا مع الناس وظمنوهم يغيرون الموعد كذا من غير احم ولا دستور صراحه شيء مؤسف اللي صاير

والله يعينا ويسامحهم اذا كان هذا اللي صاير غصب عنهم

ونعم الإجابة أختي..
كلنا يعلم أن الأصل بالمؤمن الوفاء بالعهود.. بس ياغالية حطي ببالك شيئين..
الأول- كثير من أصحاب الحملات يقول والله إني أخاف من يوم القيامة يجون هالحجاج يوقوفون قدامي ويآخذوني بالحساب..
يعني الغالبية يااختي تجتهد.. مانقول مافيه ناس تغش أو تدلس.. لا فيه.. بس الأكثرية نحسبهم كذلك يجتهدون.. بس هو حتى لو اجتهد وحتى لو حاول لاااااااابد بتواجهون مشاكل مختلفة بالحج.. حملات تواجه مشكلة تأخر الوجبات.. وحملات تواجه مشكلة تأخر الباصات.. وحملات تواجه زحمة ماتوقعتها بالخيام.. وهكذا ..
هي كلها مشقة ..الله أرادها تطهير للمؤمن.. أنا أقولكم كذا عشان مااتتوقعون حتى لو إنكم حجزتوا بأفضل حملة إنكم ماراح تواجهون صعوبات ومشقة .. (الحج جهاد)..
تصدقين أنا سبق كلمت اسأل عن فئة الvip وش قال صاحب الحملة ..قال ترى مانوعدك انه ماراح تلاقين مشقة.. هذا حج :)
الثاني- ترى كثير من الأمور تصير غصب عنهم.. الرحلات الخطوط لها دور كبير بتأخيرها وحوستها.. الباصات للحركة المرورية دور فيها وأكبر دور بعد..
يعني هم يجتهدون أختي بس لابد يخطأون أو تصير أمور غصب عنهم..
أنصحوهم بينوا لهم أخطائهم .. بس لا تتكلمون عنهم ..وأنصحك لوجه الله ترى يوم ماتروحين للحج بتلاقين حريم بالمخيم مالهم سيرة غير الحملة (ماحطوا.. ماسووا.. نصابين.. مانحللهم.. أكلوا فلوسنا...الخ!) والله بتسمعين وبتذكريني!

نصيحتي لك من قلب ابعدي عنهم.. واحفظي لسانك إلا من ذكر الله ..
أيام وتمر كالبرق... ويبقى الأجر بس..

وبتذكرين كلامي بإذن الله :)

جزاك الله خير ياقهوه كلامك سليم 100%

وان شاء الله هذا تاخير يكون خيره لنا

واشكرك لتنبيهك لي بعدم الخوض في تفاهات هذه الامور واكثر من العبادات والطاعات