صح :)
بعيد الشر عنك..

يا سكرة شو بدك بقصص المشدات, لاحقة حبيبتي..
ما تعتلي هم على بكير..

يا ستي, هي الوحدة بس تولد, بتاخد وقت لتروح الكرش يللي قعدت 9 شهور تحشيها شحم و دهن :10_8_9:
مشان هيك بتلبس مشد ليشدلها جسمها و الناس تفكرها رشيقة... :10_8_10: الله يرحم أيام الرشاقة :icon36:
و كمان الولدانة قيصري بريحها المشد, بس كيف, ما بعرف.. ما جربت ولا بدي جرب... الله يبعد القيصري عنا..

أهلين أختي سكرة هانم :26:


الصور يا غالية أحلى وصف و أفضل من الكلام و أنا مالي شاطرة بالشرح كتير حبيبت ألبي :) .

إن شالله عن قريب يارب بس هالفترة بالنسبة إلي مضغوطة بشكل مو طبيعي أي و الله .

أي نعم حبيبتي يوجد كتب مليان بس و الله ماجربت أي كتاب منها بتعرفي الشوام مالهم بحاجة كتب و بينقلوا الطبخات من وحدة لوحدة :) .. و بالنسبة للبهارات حبيبت ألبي , نزلي على البزورية و بتلاقي أشكال و ألوااااااااان .

بالنسبة لبودرة الياسمين أختي موجودة بسوق الحميدية لكن يوجد أنواع مغشوشة و مخلوطة بس الشاطر يللي بيحصل على هالبودرة من أفضل مكان و أحلى الأسعار و أنا آسفة أختي الغالية لا أستطيع ذكر إسم المحل الذي اشتري من عنده بودرة الياسمين أتمنى أنك تعذريني روحي :26:
أما بالنسبة لكريم ديرماكول و الله أول مرة بسمع عنه .

بالنسبة لي أنا أغلب مكياجاتي (( لأني مابوضع مكياج إلا بالمناسبات )) بشتريها من السوق الحرا أو من عند محل بالشعلان أسمه ديم , هاد بيجيب شغلات أجنبية بس غالي شوي , و في محل كمان بالقصور بيجيب شغلات أجنبية و لئطة ..

لا حبيبت ألبي , الماركات بسورية محدودة جداً , يعني عندك بينيتون , ستيفانيل , ناف ناف , كيكرز , أظن من جديد سمعت أنه فتح فرع لاسينزا بس ماشفته للآن بس هيك سمعت من رفقاتي , نيكست , mg و بس .

بالنسبة للعطورات أختي أنا بصراحة مابشتري شي من هون لأن العطورات الماركات غير متوفرة و إن توفرت بتكون أسعارها نار , لذلك بوصي عليها إما من السعودية أو من السوق الحرا , بس إذا كان قصدك على العطورات الزيوت يعني مثل الياسمين و الزنبق و الفل , هالشغلات كتير متوفرة بسوق الحميدية و كلها ظريفة و أصلية ..

بالنسبة للتكاسي و الله أنا و بنت البلد دائماً بترك إضافي للسائق حرام بيتعب طول نهار و بحتسبها صدقة عني لأن أغلبهم فقراء , بس يللي لاحظته بشكل مو طبيعي أن أغلب الركاب من السيّاح , عم يفاصلوا التكاسي بشكل مو طبيعي لدرجة أنهم صاروا يفاصلوا على القرش و الفرنك و الليرة أكتر من أهل البلد .....
هلأ صحيح سائقين التكاسي بيطمعوا أحياناً لكن هدول الطماعين مكشوفين دائماً , بس و الله في سائقين بيكونوا ولاد حلال كتير و بيستاهلوا الواحد يكرمهم اي و الله يعني الإنسان لازم يحكي كلمة الحق دائماً مهما صار .
بدل ما يكرموهم , صاروا يفاتشوهم على الليرة و الفرنك ....
يعني يللي بيكون بسياحة مالازم يدقق بهالشكل و دائماً بيحسب زيادة بالمصاريف و هذا الكلام حبيبتي و الله للعموم و ليس لك أنا عم بحكي بشكل عام .
فبالنسبة للتكاسي , يعني لو كان مشوارك قريب بياخد أقل شي 25 ليرة يعني ريالين تقريباً , و لكن إذا مشوار بعيد مثلاً من داخل البلد إلى دمر أو قدسيا أو هالمناطق , بياخد أقل شي 200 ليرة يعني بحدود 18 ريال لأن هالمناطق بعيدة كتير ...

مالك غير سوق الحميدية , بتنزلي مشي عليه و بتفتلي فيه و بتلاقي كلللللللل طلباتك يا غالية . ملياااااان أشكال و ألوان ...

أتمنى أني كون جاوبتك ياغالية بالشكل المطلوب و أفدتك , تمنياتي لك بالتوفيق و بقضاء أجمل الأوقات بالشام ... و أمانة عزيزتي أي سؤال تاني تفضلي تكرم عينك و مايردك غير لسانك :26::26::26:

عروش الشام
يسلموا يا قمر عالشرح ..
انا مش فاهمة شو يعني مشدات لهيك بسال
طبعا اناب بعرف الكورسيه بس يعني مافهمت ليش مشدات للحمل
فانتي شرحتي وتسلمي ياقمر على ذوقك..


المحبة للخير
تسلمي يا قمر على الاجابة الكافية والوافية
جزاكي الله خيراا..
كفيتي ووفتي يوانا ان شاء الله رح اسجل كل المعلومات في ملف
قلتي انك مش حابة تقولي من وين؟؟؟بودرة الياسمين ؟؟؟
الحقيقة ماتوقعت هيك الاجابة منك انتي بالذات لان معلوماتي عنك انك محبة للخير
مش اسمك لا بطبعك....وبروحك..محبة للخير
بكل انواعه واللي بيبحب الخير بده يكون يحبه بكل اشكاله وقد مايكلف
ومن خلال تصفحي للموقع ومواضيعك عرفت انك انسانة فيكي خير كثير احسبك كذلك ولا ازكيكي عالله

بخصوص بودرة الياسمين ...انا بدي اجيبها لحالي مش عشان التجارة...يعني هي شيء شخصي ولا اني حاطة ببالي تجارة او منافسة ....هدا الشي اخر مابفكر فيه
لو هايجيبيلي ملايين.....
يعني مافي في الموضوع منافسة ولله الحمد....
وكنت افضل انك تحكيلي حتى برسالة خاصة او اي وسيلة .....حتى ولو قابلتيني في سوريا و
دليتني عالمحل ...ولو طلبتي وقتها اني ماحكي لحد وامنتيني تاكدي اني رح اكون قد الامانة
لكن تتركيني انا ونصيبي سواء لقيت في محل بيغشوه او لقيت الاصلي
او اني اكون شاطرة او لا
انا عن نفسي لو كنتي انتي مكاني وانا بربح من هالبودرة الملايين ماراح اقصر معك ولا
مع اي اخت تطلب ....لانه بخاف الله يسالني عن اي معلومة خبيتها لحالي ووفرتها
ومانفعت فيها اخواتي في الله...
لانه المفروض ان اخاف على اخواتي في الله وماعرضهم حتى لموقف انهم ينغشوا
ببودرة ممكن تجيب عليهم الضرر ..وبالتالي ممكن اكون السبب بشكل ما في ضررهم
وانه والعياذ بالله الله يحاسبني او هم يدعوا عليا ...او انهم يدفعوا مصاري في شي مغشوش
وبالتالي اني اكسب اجري من عند الله افضل عندي من اكسب اجري من عبيد الله....
واني اعمل تجارة مربحة ماديااااا ......وخاسرة عند الله
عموما الموضوع ليس بالشيء الهام .....عندي
سواء وجدتها ام لم اجدها عندي ثقة في الله انه هايدلني باي وسيلة كانت
اني الاقي اللي مش مغشوشة من غير نصاحة ولا شطارة ...
لو فيها خير الي
ولو مافيها خير الي اكيد اكيد رح يبعدني عنها .....

جزاكي الله خيرااا على كل الاجابات الكافية والوافية
وياريت تكملي معانا بصورك الحلوة
واي استفسار اكيد رح اسالكم

ياللا اتمنى الموضوع يكبر ويحلى ويكون فعلا مرجع كبير وحلو

اف والله فاجاتيني اختي المحبة للخير هيك صارت اسعار التكاسي ما بتصور انا من شهرين كنت بالشام وكنت روح على مشروع دمر عداد ونص ب100 ليرة ..............بعدين سؤال تاني لشو بتستعمل بودرة الياسمين