انا ولله الحمد اضبط الاطباق الشتويه بس عندي مشكله انا ماالتزم بمقادير ولا اعرف انزل صور بس انتظر اختي الصغيره تجي تعلمني كيف انزل الصور
اما المقادير بحاول احسبها وراح ابدا بالحنيني المفظل عند زوجي واولادي
المقادير:2كاس دقيق بر
بياله زيت
بيضه
2-فنجال سكر
ملعقه طعام خميره فوريه
ملعقه شاي بيكن بودر
نص ملعقه صغيره ملح
2-ملعقه كبيره حليب بودره
تعجن المقادير مع بعض ويضاف اليها الماء الى ان تصبح مثل الكيك
لا استطيع تحديد كميه الماء لأن الكميه تختلف حسب نوع الدقيق
تترك الى ان تخمر مدة نص ساعه
تدهن صينيه للفرن بالزيت ويصب فبها الخليط وتخبز بالفرن الى ان تتحمر من فوق وتحت
اذا طلعتيها من الفرن تحطين عليها نص قالب زبده وتخلينها الى ان تبرد شوي ويمكنك تفكيكها عن الصينيه وتقطيعها بشكل عشوائي علشان تبرد بسرعه
تجهزين تمر تخرجين نواه او تستعملن التمر المعبوط
تفرمين الخبز مع التمر بفرامة الحم بكميات قليله يعني لا تفرمينه مره وحده وكل مره ضعي معه شوي تمر طبعا حسب الرغبه لان فيه ناس يحبونه حالي مره وناس لا واذا انتهت الكميه ضعيه بقدر على نار هادئه وضعي عليه النص الاخر من الزبده وخله الى ان يسخن فقط مع التحريك واذا سخن قدميه مع حليب زنجبيل وابشري بالدفا
وبالعافيه

احب اكل الشتاء لان له طعم خاص مع البرد
ومع كثرة المصادر ما استمر عل نوع معين احب اتذوق واغير في مقادير الحنيني او العصيده او اي طبخه وبأي شكل


وهذي العصيده منقوله وان شاءالله بكره بسويها

المقادير ..

كوبين طحين ( محمر , محمص ) اكثر من تسميه له بس اهم شي يكون لونه فاتح
مو غامق ...
كوب سكر ( يعادل 5 فناجين سكر ) لاتقولون كثير لانها تحتاج سكر ولا بتطلع ماصخه
الماء ( عباره عن 6 اكواب ماء )
ملعقه كبيره زعفران منقعه بفنجان ماي ورد , ملعقه هيل مطحون
سمن مو زيت ..


الطريقه :
نحمر السكر على النار لين يصير لونه عسلي اهم شي لايحترق
نضيف عليه كوبين ماء فقط ..ونخليهم يطبخون لين يذوب السكر تماما

طبعا الطحين جاهز ومشفشف ... انخليه عشان الكتل تروح منه وضيفي عليه 3 اكواب
ماء وحركيه وخليه على جنب

اول مايطبخ السكر والماء عدل ضيفي ماء الورد والزعفران والهيل
...ومن ثم ضيفي الطحين ( الي خلطيته بالماء ) ضيفيه كامل مع الماي حقه

طبعا اول ماتضيفينه بتلقينه يغلظ حركيه ..وزيديه كوب ماء ( هذا اخر كوب )
وقعدي حركيه ..وخليه على نار هاديه ..وحطي زبده عليه تقريبا مقدار ملعقتين طعام
او اكثر على حسب الرغبه ... اذا حسيته يحتاج سكر زيديه لان حلاته بالسكر

وبعد 5 او 10 دقايق سكري النار وقدميه وهو حــااااااااااااااار ولو بغيتي حطي علي الوجه
شوي زبده ....وتمتعي بالطعم الرهييييييييييييييييب ..




مشكوره ع الموضوع الذييييييييذ الطعم :)

ياسلام الحنيني أكلتي المفضله

بصراحه كلكن ماقصرتن الله يعطيكن العافية والله عاجزة عن الشكر لمروركن

:angry:انا عندي طريقة القشد الملكي خاصه فيني

احم احم يعني من تاليفي والله عاجبتن
المهم بدون مقادير زبدة اذا ساحت حطي سميد واذا عندك رغبه شوي دقيق بر
بعدين نزلي عليه تمر خلاص وقلبه ووطي النار
واذا فتحتي التمرة لقيتي النواه مايله للسواد يعني قلبت من اللون الابيض للبني الغامق خلاص صبي فوقة طحينه ومكسرات
وحطيها بالصحن ورشي جوز الهند
وبالعافيه بس ما اعرف انزل صورةبس اذل ظبطت فمن الله