المكرونة: ريجينا بلا منازع
الرز : كنت بجيب السايب فترة وبعدين غلى لقيتها مش فارقة بقيت اجيب الضحى
زيت عباد او ذرة: كريستال

للتنضيف: كلوركس- بريل سائل - سيف زى ديف- دك للتواليت دايما ينزل عرض 3 ب 10
واساسى بيكربونات وملح ليمون وخل لازم يكونا متواجدين
والعملاق الاخضر جل للتنضيف وريحتة ديتول رائعة

الليف والسلك: بجيب نوع المانى اسمه فيلدا رائع وبيعيش والله لحد ما تبوظ وارميها عمرها ما تصدى

وبالمناسبة دورة السلك عندى الاول على الحوض للمواعين وبعدين تبقى مخصصة للبوتجاز او للحمام مرة ولا 2 قبل ما تترمى عشان ابقى استهلكتها لاخر فتفوتة


السمن الصناعى نوووووووووووووووووووووووو
متصدقوش الاعلانات يا بنات خطر جداااااااااااااا

سمن بلدى طبيعى يا ماما ربنا يكرمها تعمل وتدينى يا اما بشترية سايب بالكيلو من بورفؤاد لما بروح
وانا الحمد لله الكيلو بيقعد معايا كتييير لانى بستخدم معلقة ممسوحة على حلة الاكل وفى اكل بعملة بزيت ذرة فاستخدامى مش كتير للسمن

او احيانا لو مش عندى بجيب زبدة مستوردة برازيلى بجيب ربع يقضينى فترة على ما اتصرف فى سمن بلدى

الجبن: رومى المحل جنبى بيجيب نوع كويس منها
لكن الجبنة التلاجة والاسطانبولى كرهت كل الانواع فى القاهرة واغلبها مغشوشة
زى ما قلتلكوا قبل كده مش فاكرة هنا ولا فى حوا
يا ما حد يجبلنا من دمياط صفيحة وبنقسمها او فى بورفءاد فى واحد بيجيب نوع حلو من دمياط برضه بجيب منه او لو حد نازل يجيبلى


البيض: بلدى من الفلاحة او من ايزيس اورجانيك مش وحش بس اللى من الفلاحة بحسه طبيعى اكتر



مسحوق الغسيل: احترت واحتار دليلى مفيش حاجة عدلة فحسب العروض بجيب برسيل او اوكسي واحيانا اريال لو عليه عرض قوى
واحيانا بجيب فانيش السائل مش البودر بحطة مع المسحوق يساعد فى التنضيف شوية
الحلاوة : مش بجيبها كتير لكن كل فترة بجيب الرشيدى الميزان علبة صغيرة




الزبادى والالبان: كنت معتمدة دانون وازيس لكن من فترة اعتمدت البان دينا : زبادى ولبن ورايب

الصلصة : باستخدم بنسة كبيرة طماطم فريش لو متاحة او لو انا مصلصلاها ومخزناها او هاينز او فاين فودز مش بحس بفرق

الشامبوهات او الصابون
مش معتمدة حاجة معينة الموجود
والبنات صغيرين كان جونسون اساسي ليهم دلوقتى اى حاجة بتمشي الحال وتغسل الشعر

وبعد الشاور بدهنلهم ببالمرز الاصفر او كريم باراشوت بجوز الهند ولسلمى عشان المدرسة بدهنلها بليسيد

احسن مية معدنية طبيعية الصفا

عامة حاجة الجيش كلها حلوة

انا معتمدة المية

وجربت زيت الزيتون والمخلالات بتاعتهم تحفة

هما او ماركة لصالحية وبس لو هجيب مخلل جاهز من فترة لاخرى

الخضار المجمد بسلة او بامية الزيرو مبجيببش اى نوع بامية وملوخية
بسمة او مونتانا

ام مرام حكاية البامية البايظة دى دايما الاقيها فى العرض بتاع مونتانا 2 كيس ملوخية وعليهم بامية دايما بتبقى البامية مش حلوة بطلت اجيبه

لكن البامية الزيرو ممتازة واطعم فى الطبيخ

السكر وزيت القلية من التموين غالبا غير كده بجيب اى حاجة تقضى

أكذوبة الأورجانيك

مع تزايد معدلات الإصابة بأمراض السرطان والربط بينه وبين ما نأكله من مزروعات تم زراعتها بأسمدة وكيماويات مسرطنة.. أقبلت بعض الأسر المصرية علي ما يسمي المنتجات الحيوية الخالية من المبيدات المسرطنة (أورجانيك).. وقد صحا هؤلاء المتعاطون للأورجانيك في مصر علي صدمة دراسة أعلنتها جمعية (عين الحياة) بالتعاون مع جهاز حماية المستهلك والتي أكدت أكذوبة منتجات الأورجانيك في مصر، بل إن المعروض تحت تلك اللافتة قد يضر بالصحة.

أعرف أن بعض القراء قد يرون في الكتابة عن غش المنتجات الأورجانيك رفاهية.. وحجتهم أن كثيرًا من المصريين لا يجدون قوت يومهم حتي لو كان مزروعا بالمبيدات المسرطنة أو الكيماويات المحظور تداولها عالميا.. وربما رأي البعض أن تلك المشكلة خاصة بشريحة معينة من المجتمع لديها الكثير حتي تدفعه لتعيش كل حياتها أورجانيك.

ربما كان لهذا الرأي مبرره المنطقي، لكن إذا نظرت إلي الصورة من زاوية أخري فستجد أن النصب علي المواطنين لم يدع أحدا.. فقيرا كان أو غنيا.. جاهلا أو متعلما.. ريفيا أو مدنيا.

وعندما نشرت الجمعية دراستها عن أكذوبة المنتجات الأورجانيك.. شنت الشركات المنتجة للمزروعات العضوية حملة طعنت خلالها في هذه الدراسة وأكدت أن منتجاتها حيوية (أورجانيك) ومطابقة للمواصفات.

هب أنك أحد مستخدمي هذه المنتجات.. ما الذي ينبغي عليك أن تفعله إزاء تلك الدراسة العلمية؟. وماذا سيكون رد فعلك تجاه نفي الشركات المنتجة للمحاصيل الأورجانيك؟. ثم ماذا عن كل تلك السنوات الماضية التي عشتها في أكذوبة كبيرة مفادها أنك - وأسرتك - تتناول منتجات أورجانيك.. تكبدت خلالها مبالغ باهظة لتحمي صحتك وصحة أسرتك من المزروعات المسرطنة.. لكنك اكتشفت أنك تعرضت لأكبر عملية خداع و(سك ع القفا).. معذرة.. هل هناك وصف أقل من هذا؟

كيف تركنا أسواقنا طوال سنوات عديدة مفتوحة أمام منتجات توهمنا بأنها أورجانيك بينما هي خدعة؟. لماذا لم يتم تحليل تلك المنتجات أصلا قبل نزولها الأسواق؟. ثم اشمعني حبكت الدراسة الآن ومنتجات تلك الشركات مرطرطة أمام جمعية حماية المستهلك منذ سنوات؟. هذه هي أسئلة لتلك الجمعية التي تصدمنا تقاريرها كل فترة.. وبصراحة الناس في حيرة.. هل تصدقون تقارير جمعيات حماية المستهلك أم دفاع وحجة شركات الأورجانيك وأبسط حججها أنها تصدر لدول العالم الأوربية ولم تعترض حكومات تلك الدول؟.

في مصر لن تصل إلي الحقيقة أبدا حتي لو أنفقت نصف عمرك.

من القارئ هاني رمضان وصلتني هذه الرسالة: تعليقاً علي مقالكم بعنوان «فسادنا وصل فنلندا».. بداية أود أن أؤكد أن ما تكتبونه عن الفساد المنتشر في مصر طولا وعرضا ما هو إلا نقطة في بحر.. وهنا أتساءل دون تشكيك أبداً في الفائدة العظيمة التي يجنيها المواطن العادي جراء معرفته بما يحدث في أصقاع هذا الوطن.. لكن تساؤلي هو إلي متي سنظل ساكتين خانعين خاضعين إلي كل هذا العبث بمقدراتنا؟. وإلي متي سيبقي ضعفنا يهزمنا لمجرد غياب التخطيط لمواجهة هذه الكوارث المتتالية والمتعاقبة بيد النظام والحكومة وفي حماية الداخلية؟. دائماً ما نقوي من أنفسنا عندما نقول إن مصر ولادة ونبع لا ينضب من المفكرين والمثقفين الذين يستطيعون أن يقوموا اعوجاج السفينة لكن أين هم؟!

أنا شاب في منتصف الثلاثينات علي يقين بكل ما تقوله وأتابع بجدية أحوال هذا الوطن المنكوب، لكن هل ما زال عقلاء هذا الوطن يتمنون علي الله التغيير السلمي؟. سيدي العزيز أؤكد لك أن مصر لو أخذت كأس العالم فإنه لن يكون هناك تغيير سلمي.. التغيير لن يكون إلا بالمقاومة والضغط علي ترك السلطة ومحاكمة كل من تسبب في خراب هذا البلد وإهدار ثرواته.

أخيراً أقول إنه لا يصح أن تتصف بأخلاق الفرسان و أنت تبارز جبانًا.

على فكرة يا بنات اللى بيسال على التابروير فى بنات كتير فى فتكات بتبيعه