كوبونات الراقية تسجيل الدخول

ورق البردى
ورق البردى •
لوليتا الشعير ده زى النسكافيه بالضبط مع اختلاف بسيط فى الطعم يعنى حبيبات كده بودرة مش باكتس وممكن تشريه باللبن اوسادة
ام زوما الشيكولاتة اسمها Nussa من شركة اسمها cebe مش ده نوسة برضه ؟
basmahmed
basmahmed •
ورق البردى ورق البردى :
لوليتا الشعير ده زى النسكافيه بالضبط مع اختلاف بسيط فى الطعم يعنى حبيبات كده بودرة مش باكتس وممكن تشريه باللبن اوسادة ام زوما الشيكولاتة اسمها Nussa من شركة اسمها cebe مش ده نوسة برضه ؟
لوليتا الشعير ده زى النسكافيه بالضبط مع اختلاف بسيط فى الطعم يعنى حبيبات كده بودرة مش باكتس وممكن...
بنات ممكن اللى عندها بديل النسكافيه ده حطلنا صورته لانى بمووووت فى النسكافيه بس دلوقتى بقيت اتعب منه اوى دورت عليه عندى مالقتهوش خالص حتى سألت الراجل فى السوبر ماركت بصلى باستغراب وقالى مافيش حاجه اسمها كده :09:. وممكن طلب كمان علب اللوك & لوك اسعارها ايه عندى هنا لاقيت علبه صغيره خالص مستطيله كانت ب 20 جنية اللى تعرف ياريت تقولى علشان عايزه اجيب منها .


بالنسبه للمنتجات الكويسه واللى مش كويسه
اللبن كنت بستخدم بخيره بس مابقاش حلو دلوقتى بجيب بيتى طعمه جميييل جبت للبن مزارع دينا مره حسيت انه خفيف اوى بس الرايب تحفففه
الارز بجيبه سايب من السوبر ماركت نوع نضيف اوى
الدقيق الضحى اخر مرتين معجبنيش خالص جبت المنار برضه مش اد كده
المكرونه الملكه حلوه وفى نوع كويتى غالى شويه بس جميل اوى ومافيهوش نشا اسمه جنان بس دة انا جبته بالصدفه مش عارفه موجود كتير ولا لاء لانى مالقتهوش تانى
الصلصه فاين فودز حلوه وكمان مكعبات مرقه اللحمة طعمها جميل صوصو المكرونه من هاينز مش حلو
الطحينه البوادى احلى من الرشيدى الميزان وسايله مش مكلكعه
العصير بيور كوكتيل وبيتى كوكتيل واناناس تحفففه
الزبده بجيبها من السوبر ماركتمش مكتوب عليها اسم فيرن ماعجبتنيش
الزيت كريستال وزيت التموين للقلى العادى
السمن كنت بستخدم جنه حله وجبت كريستال حلوة جدااا
السكر سكر التمووووين احسن حاجه
مسحوق الغسيل كان فى بونكس بالياسمين كانت ريحته منعشه جدا دلوقتى اللى بلاقيه بجيبه
كلوريكس الازرق للالوان بيخلى ريحة الهدوم جميله
داونى الازرق ريحته حلوة
منظف الحمام هيربيك بس ماعرفش فى احلى منه و لاء لانى ماجربتش غيره
جميع منتجات دريم حلوه لكن حلو الشام لاااااااااااااااا وفايف منتس جربت منها كيك الفراوله والمهلبيه والكاستر كانوا تحففه
جبت مره ام على مونجينى ماعجبتنيش مع انى بحب مونجينى جداااااا
الجبنه كيرى ولا فش وبراميلى اسكندرانى سايبه ولانشوفن حلوانى الساده
الكوفى ميكس بتاع بونجورز حلو اوى ومنزلين هوت شوكليت تحففففه

كفاية بقه كده احسن تعبت لو افتكرت حاجه تانى اكيد هبقى اقولها ان شاء الله


om_maram
om_maram •
طيب انا الشامبو بانتين الجديد اللى لونه اخضر عاجبنى جدا

حمام كريم اسمه انرجى هو غالى بس رائع تقريبا 35 جنيه سويدى

كريم الشعر دابر فاتيكا راااااااااائع و مريح شعرى جميل بصراحة



الزيت يا جماعة هو مفيش حد بيستعمل هلا دا رااااااااااااااائع مش عارفة ليه مفيش حد بيستخدمه

الزيت اللى بقلى بيه اما قلية او زيت التموين

الحلاوة الطحينية لا يعلى على الرشيدى الميزان

المربى لا يعلى على فيتراك

اللحمة المفرومة و البرجر المراعى

صدور بانيه 3 شيف او اطايب و فى الغالب كله زى بعضه

الناجتس احسن حاجة كوكى او اطايب





الالوان الخشب لاولادى و الرصاص بيجيب ليرا حلو قوى ستادلر بحس انها بتدوب كده

دا اللى فاكراه دلوقتى



على فكرة يا روشانا البامية مكنتش عرض لا دا كان عادى و اعتقد جيفركس
ROSHANA
ROSHANA •
om_maram om_maram :
على فكرة يا بنات اللى بيسال على التابروير فى بنات كتير فى فتكات بتبيعه
على فكرة يا بنات اللى بيسال على التابروير فى بنات كتير فى فتكات بتبيعه
بيبعوها من غير تخفيض الاعضاء عشان يكسبوا وهى الحاجة غالية اصلا

تخفيض الاعضاء بيبقى فى حدود 30% على سعر الكتالوج والحاجات اللى بيبقى نازل عليها عرض برضه بنشتريها بتخفيض الاعضاء فبيبقى السعر معقول نسبيا
ROSHANA
ROSHANA •
جربى بامية زيرو من بسمة مش هتبطليها
انا بستطعمها اكتر من البامية فى الموسم بتاعها من السوق اريح واحلى