شكرا يا ام مرام وان شاء الله برضو هجرب نسكافية جولد.. بالنسبه لرابط الدايت سويت مضر ولا صحي انا علي طول بستعمل سبلاندا للشاي والنسكافيه حتي العصائر

السلام عليكم وحشتوني انا بغطس وبقب تاني بس نفسي ااقعد كتير معاكو

ام مرام يا حبيبتى انا بحطها فى الصينيه بعد دهنها زيت خفيف جدا وادخلها الفرن على نار متوسطه وكل ربع ساعه اطلعها ادهنها من الصوص اللى بينزل منها واخر ربع ساعه ادهنا بربيكيو صوص ده بجيبه جاهز بس بيخلى طعم الاكل كانه بجد مشوى على الفحم بعد ما بقفل عليها بكون مجهزه فحمه مولعه واحطها فى فويل مع نقطه زيت واحطها فى صينيه الكفته واقفل عليها قوى بغطا حل واسيبها عشر دقايق وبعدها بقى كلى احلى كفته مشويه

وعادى يا قطه اسالى براحتك





شوفى يا اميره الاميرات انتى من كلامك كده بشرتك مختلطه او مركبه
بالنسبه لاوبتيمالز وتى ترى حلوين جدا واوريفليم ماركه كويسه وموثوق فيها وطالما جربتيها وعجبتك خلاص استمرى بالنسبه للشتا وبين الفصول وقفيهم لانهم هينشفوا البشره زياده فانتى هتستعملى غسول يكون اخف شويه من التى ترى لو عايزه من اوريفليم ممن تجربى البلو بيرى او اى غسول انتى تحبيه بس يكون على كريم مش اويل فرى
وبالنسبه لجفاف الوجه ممكن تدهنيه كريم مغذى للبشره الجافه بس تجنى تدهنى الانف والجبهه لكن لو الجبهه جافه ادهنبها هى كمان

بالنسبه بقى للحبوب انتى سنك كام يعنى فى العشرينات ولا الثلاثينات والحبوب دى على طول ولا فى اوقات معينه بتطلع فيها مثلا زى وقت البريود وهل ليها راس بيضاء او سوداء ولا بدون راس مجرد ارتفاع احمر وبس

على فكره يا بنات انا الكريمات اللى بكتبها لمعظمكم غاليه شويه بس ده صدقونى نتاج خبره وتجربه فعليه انا كنت بشتغل فى السعوديه قبل ما اقعد عشان يوسف ابنى وانتم عارفين السعوديه فيها جنسيات مختلفه كتير فى منهم اللى ثرى جدا ومنهم اللى غنى ومنهم اللى ماشى حاله فكنت بكتب مثلا العلاج تسالنى ده هيتكلف كام اقولها كذا تقول لا غالى اكتبلها البديل وهكذا وفضلت اتابع حالتهم عشان اعرف ايه اللى بجد بيجيب نتيجه وايه اللى ملوش لازمه وايه اللى قلته احسن وانا كمان كنت بجرب ساعات حاجات على نفسى كانت بتجيلى هدايا من شركات الادويه:39: ففى حاجات كانت فعلا حلوه وحاجات اخرها ترميها فى الزباله:mad:
من الاخر لقيت ان الغالى ثمنه فيه وخصوصا الشركات الاجنبيه مبيغشوش زى مصر واغلب العالم العربى ونتايجه حلوه ممكن تخيب مع ناس بس الاغلبيه بيجتمعوا عليها ولكن فى حاجات برضه حلوه وسعرها معقول بس بقى عاوزه طوله بااااال وفى بقى الاحلى من ده وده الطبيعه الزيوت العطريه والماسكات بس دى بقى عاوزه برضه طوله بال ومدوامه ودراسه وانا للاسف مش دارسه الطب الطبيعى فمقدرش افيدكم من الناحيه دى :27:
انا بس حبيت اوضح ليكم الموضوع ده لان ممكن حد يقول ان الكريمات دى غاليه قوى ليه :mad:ومش ليه وكده وبعدين الاقى حاجه اتحدفت فى وشى ولا واحده جوزها :arb:جاى يقتلنى ولا حاجه فحبيت اوضح الامور
وبرضه اللى قلتله حاجه وعاوزه حاجه سعرها يكون اقل شويه وبرضه كويسه بس هيطول باله شويه معاها مفيش مشكله خالص مالص يقولى وانا اكتبهاله:39:
:icon28:

دكتورة هبة بارك الله فيك هافضل اقولك كتر خيرك بس يا ريت تقولي على الماركات الي مش كويسة خالص ماقصدش الي تناسب حد و حد لأ اقصد انها كمنتج مش كويس نهائي لأن دي بقى الي حرام يندفع فيها فلوس
وبعدين بيتهيألي الحاجت دي لو استعملناها صح بتقعد وقت طويل لأن المفروض تستخدم طبقة خفيفة صح?
ومعلش سؤال تاني
انا لقيت عندي لوريال الي هو revitalift المجموعة كاملة باستعملها بس مش كل يوم ممكن كده ولا برضه هتزود الحبوب اصلي مستحرمة اشتري و انا عندي