طيب على ما تردوا عليه هاتكل على الله واقول لكم على معلومتين يمكن يفيدوا حد
كان فى عضوة قبل كدة بتسأل عن بامبرز فاينى
وانا باستخدمة لابنىوعايزة اقول ان ارخص مكان ممكن تجيبى منه اى نوع بامبرز هو نجمه هليوبليس الى فى مصر الجديدة
والمكان ده هتلاقوا فيه حاجات كتير وعروض ارخص من باقى السوبر ماركت يعنى مثلا انا بجيب فاينى الوسط 30 حفاضة بـ 23.5 و كنت جايبه منه عرض زيت كريستال عباد 3 لتر بـ 23 جنيه وطبعا فى حاجات كتير
الحاجة التانيه كان بردة فى حد عايزنا نتكلم عن المصايف وبالذات مرسى مطروح وكانت مشكلتها فى الاكل الى هتتعب فيه والمواعين
طيب دى ليها حل انا الاسبوع الجاى ان شاء الله رايحة مرسة مطروح تبع نقابه التجارين (ومعظمنا ليه حد من التجارين يا اب يا اخ يا ابن) المصيف ده 8 ايام بالاكل 3 وجبات فى فريه كيلوباترا هناك
على فكرة دى تانى مرة اروح وانبسطت جدا المرة الى فاتت اكتر من اى مكان تانى زى الغردقة وشارم على الرغم انى كنت باروح تبع شغل جوزى فى فنادق 5 نجوم وفخمه جدا
طبعا هى مش فى نفس فخامة الفنادق دى بس هاديه جدا والبحر جميل جدا جدا
الى عايز تفاصيل اكتر انا تحت امرة
وده الموقع بتاع النقابه فيه الاسعار
http://www.cairotog.com/cairotog/active/
طيب على ما تردوا عليه هاتكل على الله واقول لكم على معلومتين يمكن يفيدوا حد
كان فى عضوة قبل كدة...
بصي يا ستي انا مش عارفة موضوعه اليواس بي دة(تكنولوجيا حديثة عليا) بس اللي اعرفه ان احسن نوع رسيفر هو استرا الكوري تجميع كوري
اسالي ازا كان في الامكانية دي هاتيه وانت مغمضة