tmatm :

اذيك يا مسلمة مرسى على الترحيب انتم كلكم بنات عسل والله وابله دون دى ست الكل انا فعلا استفدت من ملفات الاكل بتاعتها كتير على فكرة يا سمسم احنا جيران .. انا كمان من سكان الهرم فى الوقت الحالى بس ليه برده فى مصر الجديدة ومدينه نصر لان والدتى واخواتى واهلى كلهم هناك المهم .. بالنسبه لنقابة التجارين هى فعلا افشل نقابه على مستوى نقابات العالم .. بس فى موضوع المصايف والرحلات دة عاملين يعنى شغل معقول.. بصى يا ستى .. اولا هى القريه على ادها يعنى مش تقارنى بقرى شارم والغردقة منى حيث الفخامة والمنظرة بس هى نضيفة والاكل معقول وكتير واهم حاجة البحر يجنن طبعا الاسعار الى شوفتيها دى سعر الفرد مش الشاليه وهم بينزلوا فى الشاليه الواحد فردين او تلاته بالكتير يعنى لو انت حاجزة 5 افراد بيديكى 2 شاليه الشاليه عبارة عن حجرة واحدة بحمام وده النظام السائد دلوقتى فى اى مكان يعنى يعتبر حجرة دبل بس كل حجرة مبنيه على الارض لوحدها على هيئه شاليه هو صغير بس نضيف يعنى معمول سراميك لانه مبنى على ارض رمليه وطبعا فى خدمة بتعدى تنضفة كل يوم وكل ما تطلبى .. الشاليه فيه تلفزيون بوصله دش وتكيف وسخان وسرير وكنبه الفيلا بتبقى اكبر يعنى عبارة عن شقة صغبرة حجرتين ورسيبشن بالنسبه للترفيه -طبعا البحر ثم البحر ثم البحر مياه صافيه وهاديه ونضيفة .. -كفايه ان القريه مقفولة عليكى ورايقة مش خايفه حد من العيال يتوه -ممكن تستخدمى الشمسيات والكراسى على البلاج مجانا -فيه جيم على قده برده واستخدامه مجانا -فى بسين بس طبعا محدش بيعبرة فى وجود البحر -فى كافيه مفتوح على البحر وفيه شاشه بلازما كبيرة و اسعاره معقوله جدا - كل يوم بالليل بعد العشا فى باص بيتحرك من القريه علشان الى عايز ينزل البلد مرة سوق اسكندريه ومرة سوق ليبيا -بعد الغدا نفس الباص بيتحرك بيروح شواطئ تانية مرة الابيض ومرة عجيبه وكدة حجز الباص بمبلغ زهيد جدا للفرد جنيه بالنسبه للاكل بحس انه بيتى اكتر منه فنادق وسيت مينيو مش اوبن بوفيه بس متنوع وكتير ومش كنا بنلحق نجوع لدرجة ان معدتى وقولونى تعبونى وبقيت اطلب عشا خفيف (بيبقى جبنه ومربى وزبادى وشاى ) الفطار بيبقى فول وطعميه وبيض وجبنه الغدا يا رز يا مكرونه ولازم لحمة او فراخ او سمك ونوع خضار ويوم السمك بيخيرك قبلها بيوم عايزاه مشوى ولا مقلى العشا العشا عندهم بيبقى برده تقيل مرة كبده ومكرونه ومرة فطير مشلتت وجبنه وعسل المواصلات فى باص بيتحرك من قدام النقابه بـ 80 جنيه للفرد رايح جاى بالنسبه للتأمين بيكون 150 جنيه على الشاليه بتسترديهم لما ترجعى

اذيك يا مسلمة مرسى على الترحيب انتم كلكم بنات عسل والله وابله دون دى ست الكل انا فعلا استفدت من...

اميرةعربية :

اولا ميرسي جدا علي اهتمامك وردك بس انا بحب اكون نازلة في البلد نفسها عشان ماكونش مقيدة بمواعيد الباص اللي هيرجعني القرية اختك بتسهر للفجر في شارع اسكندرية وسوق لبيا (حمي الشراء بعيد عنك وعن السامعين:39:) فياتري لو مالحقتش الباص وده اكيد في مواصلات تاني ولا هلاقي نفسي تايهة في مطروح

اولا ميرسي جدا علي اهتمامك وردك بس انا بحب اكون نازلة في البلد نفسها عشان ماكونش مقيدة بمواعيد...

moslema_3 :

ما شاء الله عليكى عندك كل الاخبار جزاكى الله خيرا بس كنت عايزه أفهم هو السعر اللى مكتوب للفرد غير سعر الشاليه أو الفيلا؟

ما شاء الله عليكى عندك كل الاخبار جزاكى الله خيرا بس كنت عايزه أفهم هو السعر اللى مكتوب للفرد...