newstudent :

فوووووووووووووووووووووق نبي الفايدة للجميع

فوووووووووووووووووووووق نبي الفايدة للجميع

أهات حجازية :

أنا من ناحيتي لي طريقة خاصة شوفوها وقلولي رايكم الفطور 1- تجيبين طحين بر وتعجنينه وتسوين خبزة وتقدرين تحطين معها حبة سوداء طريقة الأكل متنوعه يأما مع مرق والا مع سمن وعسل والا روبة والا جبن والا قشطة بلدي 2- حيسة التمر وهي جيبي دقيق بر وحمسية بقدر بسمن لين يصير بني فاتح ويشقر وحطي عليه تمر مخلي من النوى وخلطيهم زين إذا تبين تضيفين دويان مو شين 3- عصيدة التمر والفلفل الأسود وهذي عندي الوالدة تسويها لي والا جارتي حساويه الله يجزاها خير اسوي كمية وأحطها بالثلاجه وأسخن قد اللي بأكله وتحطين عليه زبدة وفلفل أسود والا أبيض 4- بيض مسلوق مع فلفل أسود وخبز بر والا أي طريقة بيض تفضلينها بس نصيحة إذا ناوية الغدى ثقيل خلي فطور خفيف الغداء قبل ما أولد بيوم والا يومين أسوي مرق لحم كمية كبيرة وأستخدم هبرة اللحم بس بدون عظام أقطعها صغار وأسوي المرق بدون ملح ولا ماجي بس بهارات وطماط والا معجون طماط وأبرده وأقسمه في علب أهم شئ أول 20 يوم اللي ما تقدرين تتحركين واجد يعني أحسبي حسابك على عشرين علبه بلاستيك وروحي لمنوجات القصيم وأشتري مطازيز بر ورقاق للمرقوق بر وخبز ثريد بعد بر وأشتري مكرونة بر من السوبرماركت وكل يوم طلعي علبه وسخني المرق لين يأخذ له غلوة وحطي عليه خضرة ورشاد شوي وملحية والا حطيله ماجي بكيفك وقطي عليه اللي تبين مرقوق والا مطازيز والا ثريد والا مكرونه بكيفك العشاء 1-يأما من وجبات الفطور 2-والا أجيب نص دجاجة وأتبلها وأحطها بصينية بالفرن مغطيتها بقصديروعطيها 20 دقيقة وبعدين شيلي القصدير وخليها تتحمر وبالعافية 3-شوربات ماجي وكنور وعلالي بكل الأنواع سويها وكلي معاها صامولي بر 4- إذا تبين تخبصينها مرة بالأسبوع من برى بس المشاوي اللي مسموحه فقط لا غير المشروبات بارد ممنوع ممنوع ممنوع بس حوار ودوافي على الأقل لين ينقطع عنك الدم مع أني أفضل لين تخلصين من أخت الأربعين حليب حار بترمس على مجلى المطبخ زنجبيل مغلي إذا تحبين لحاله والا مع الحليب زهورات والا شاي أعشاب قشر قهوة وبس وهذا الكلام طبقته بنفاسي الثاني لأني ولدت وأهلي مو حولي وتنفست ببيتي أول الأمر ما كنت أقدر أقوم كنت أقول لزوجي شيسوي وهو يسويه وبعدين يوم جت الخدامه صارت هي تسويلي لأنها وصلت ثالث يوم من نفاسي على فكرة أنا ولدت قبل وقتي بس خذيت 4 أيام من التاسع ويوم قالت 1 سم بس رجعت البيت وسويت المرق وجهزت باقي الأشياء حتى الخضرة قسمتها بأكياس كل كيس حبه من كل نوع عشان الأخ ما يعرف أسامي بعض الخضروات بس وإن شاء الله تستيفيدون وأدعولي أني أحمل هالشهر بتوأم بنات يارب

أنا من ناحيتي لي طريقة خاصة شوفوها وقلولي رايكم الفطور 1- تجيبين طحين بر وتعجنينه وتسوين خبزة...