ملف لصاحبات العمليات القيصرية

اول عملية سويتها كان عمري 22 واول حمل ولاخبرة ولاشي كنت رايحة الموعد عادي قلت لهم ان الحركة شوي خفت عن قبل بس مسكوني ويالله فحوصات وتخرع واخر شي الجنين حجمه صغير مايتحمل ولادة طبعا مستشفى حكومي اتبهدلت انا وزوجي والمشكلة ان كل عملية تسويها الدكتورة تنضاف على راتبها وهي الكسبانه المهم ظليت في المستشفى واليوم الثاني قاللوا لي بنسويك طلق صناعي وافقت لاني صدق ياهل ومافادت معي التحميلة انتظروا زوجي يطلع من عندي وفتحوا كيس الماي وبعدها اتصلوا في زوجي وقالوا له مافي ماي وماعندك حل الا التوقيع على العملية والله انت المسؤول ووقعنا ويوم جيت ادخل العملية كانت بنت عمي وهي ممرضة في الدوام مسكتها وقلت دخلي معاي العملية قالت لي ليش جايه يالمجنونة من قبل الطلق ليش جايه هنا!!! ضحكوا عليك بكلمتين وخوفوك الحين مافي فايدة ودخلت معاي وبعد العملية قالت شفتي ولدك قلبه حديد ومافيه الا العافية لوماجيتي احسن والعملية الثانية كانت بسبب نزول السائل الامنيوسي وحطوا لي الطلق الصناعي وتوني منفتحة 2سم جت الدكتورة وقالت شيلوا عنها الطلق شكلها مابتولد ليش ماينتظرون ماادري مع ان في ناس يخلوا لهم مرة وثنتين الى ان يتوسع رحمهم ليش انا حظي كذا ؟؟ والحين انتظر مولودي الثالث وماعندي خيار الا العملية بعد عمليتين ا
اتمنى منكم التواصل معي وبنكمل ملفنا حول تجاربنا لاني متشوووووقة اسمع منكم

نداء خليل..
فعلاً اختي الوحده تصبر على نفسها شوي وماتطير على طول
المستشفى عشان لا يلعبوا فيها..
وحتى لو خافت على البيبي المفروض تروح كذا مستشفى لين تتأكد
ان كلامهم صحيح..

موضوعك حلو.. :)

مشكوورة ياختي scson على تجاوبك معي بس الظاهر انا الوحيدة اللي مسوية عملية وينكم بنننات

لا حبيبتي مو وحيده انا كمان سويت عمليه السب اني الخلاصه خضرا ومنتهيه والماي خضرا وقليله جدا وما كان في استجابه للطلق الصناعي ولاتوسع وانا الان حامل والله اعلم ايش بيصير معي الله يستر عمر بنتي 9 شهور تقريبا

هلا أختي نداء والأخوات الفاضلات


تراي اخت خوووله واسمي ام الوليد ومتابعه لكم باستمرار واشارك معاكم دايم



المهم انا بعد بحملي الأول ولادتي كانت قيصيريه والسبب الزلااال اللي كان


مخلي الضغط عندي مرتفع ولكن الدكتور خيرني بين الطلق الصناعي والعمليه



وبحكم اانه اول حمل وماعندي خبره الوالده الله يحفظهااختارت العمليه لأنها مجربه الأثنين


قالت الطلق يمكن يتعبك وانتي الضغط عندك مرتفع واحتمال تتعبين وماتستفيدين شئ


ويضطرون يصلحون لك عمليه ويصير التعب تعبين وانا خااااااايفه عليك يابنيتي



قلت من سمع كلا1111م امه ماخسر والحمد تمت العمليه بنجاااااااح


مع ان البنج كااااااان متعب والااااااام العمليه متعبه لكن الاجر من عند الله



الا بسألك هل كان البنج اللي حطوه لك نصفي ؟؟



واللي عندها خبره عن البنج النصفي تقووووولي لأن البنج الكامل مررررره متعب



لأني الحين حامل بالشهر الثالث و عمري ولدي لما حملت 6 شهووووور



وقاالي الدكتور لما راجعته احتمماال كبير عمليه لأن الجرح لسى ما مر عليه فتره


كبيره والله يكتب اللي فيه الخير للجميع ويرزق كل محروووووومه الذريه الصالحه يااارب


ام الووووووليد