بناااااااات من تعرف طريقه الاشترك في قروب قصيميه
تكفووووووون لاتردوووووووني

نواعم :

أي محلات السوق تنصحينن أروح له ؟؟ لأني عليمية بالسوق الداخلي !!
أما بنتي فسميناه رند .. الله يصلحه ..

دلوعة :

هذا مقشر .. وسبق اني قشرت بشرتي بوصفة طبية .. المسألة آمنة وما فيها حرق الا إذا استعملتي الشي غلط أو تعرضت للشمس بدون واقي ولفترة طويلة أو ما استعملتي مرطبات للبشرة أثناء التقشير ..
أما مشاكل بشرتي فما عندي مشاكل الا كلف الحمل الي قالب سنجتي الله لا يوريك مكروه .. مخلين شيفة تقل شيلة سوداء وخاصة رقبتي الي تعقدت منه!!!
أما تصورك لبنتي فنصه مضبوط ونصه غلط .. يعني بيضاء مع شعرتين زي ولد بباي !!
وشكرا حبيبتي على المطخة ..


أم رودي :

غريبة !! إجازة الوضع الي براتب كامل هي الي لازم لها تقرير طبي .. أما إجازة الرعاية الي بربع الراتب فما تبي الا موافقة المديرة وتوفر البديلة ..
وعلى قولتك : حسبي الله وبس !!

أمل الجنان :

صدقتي يا اخيتي ..

عسى الله يهون عليك يالغالية ..

هنودي :

ما عندي خلفية يا عمري . لكن ان شاء الله البنات يساعدونك .

ما شرتوا علي يا بنات بشان الحفايل واللوك الجديد تبعي !! وش تشيرن به؟؟

للرفع

هنودي

افتحي الصفحه الرئيسية للقروب ..بتلقين فوق بالأصفر كلمة Join اضغطي عليها وحطي ايميلتس وبعدين وشلون تبين الرسائل طبعا بتقولين توصل للأيميل وبعدين اوكي وبس

انا ما اعرف قروب قصيمية لكن حطيت لك طريقة الأشتراك بأي قروب :)
.
.

إبــــداع

ينفع تقشير للرقبه؟؟؟ بالنسبه للرتين آي كم استمريتي عليه لأني افكر اجربه؟؟

اما الحفايل .. اختي ولدت قبل فتره واقترحت عليها تشتري لحمولتهم يعني البنات والعيال طقم ساعات اللي تجي نسائي ورجالي كل واحد وزوجته وكل وحده وزوجها ... او تقدرين تاخذين للعيال ساعات حلوة والبنات تعليقات ذهب صغيره <-- أختي سوت كذا وحريم العيال خواتم حلوه او عطورات واكتبي عليهم من بنتكم رند عاد انتي بهالحاله بتخلين رجال البنات على جنب :D ..طبعا انتي حددي الميزانيه على حسب الحموله اذا هم كثارين ولا لا.. والخاله طبعا شي فخم طقم ذهب او اسواره حلوه.. حطيهم بأكياس حلوه في عند جرير اكياس هدايا روعه

او تقدرين تجيبين عطورات نسائيه ورجاليه للعيال والبنات وتحطين معهم علبة شوكولاته فيه عند باتشي علب حلوه وصغيره وفخمه وبكذا توفرين يعني ارخص :)

اما اللوك قصه الفراوله طايحين فيها الناس بهالوقت او قصة اللايرز كلهن حلوات بس اللايرز تبي شعر قصير مره .. الصبغه عن نفسي احب البني الغامق واشوف الناس تركوا الألوان حتى الكوافيرات يقولن نفس الكلام لكن اذا قصيتي الليرز تطلع احلى من الخصل عشان تبين التدرجات

ياكثر قرقي :unhappy: خلاص بطلع:icon35:

..