dewDrops

شكرا حبيبتي ..

تقشير الرقبة البنات بالمنتدى مجرباته .. أنا أول مرة أجربه عشان الكلف ..
أما الرتن ايه فمجربته للوجه فقط من زمان وما أذكر كم كانت فترة استخدامي له لاني تعالجت به مرتين من حبوب الشباب ومن آثارها قبل سنوات في مستشفى دلة وفي مستشفى الحبيب ..
والنتيجة كانت زينة مرررة .. أزال الحبوب والىثار بالتقشير ..

أما اقتراحاتك للحفايل فأعجبن منهن كيس من جرير أحط فيه عطر حلو مغلف تغليفة كشخة مع علبة شوكولاتة من باتشي ( بس خابرة باتشي غالي يضرب باسعاره مع العلبات )!!
وعشان أرضي جميع الأذواق والاجيال أبحط كرتون كليجا وصينية سمسم من حلويات الجزيرة ..
وش رايك ؟؟

فيه اقتراحات أو إضافات ؟؟

إبــــداع : هذا الرد لتس بالتفصيل الممل , بس لا تملين من كثر خرطي لأني خراطة واحب القرق الكثير , بس من حبي لتس ودي اخليتس أحسن الموجودين وانتي طبعاً احسن
والله العالم اني احبتس قووه احس انتس مثل طبقتي منسمه و مصرقعه ,
خخخخخخ

عاد نبي نبدأ تحترمتس ونتكتف إذا جيتي صرتي خلاص أم عيال <<<<< هو هو لا يشوف الرد الأبو عاد يفكر بالعرس على ثانية فرقعين جدي , والله مهب لاقي احسن منتس , ياحبيلتس انتي وبنتس <<<<<< عاد يكفي القرق ابدي بالموضوع .....


أقولتس لقيت بلايز حلوه مره شتوية ( تريكو ) ألوانه ( بني , زيتي , برتقالي , وردي , كحلي ) عند الجعيدي تلقينهن مطرقات على الطاولة , أشتري وحدة منهن وأفضلهن البني لأنه لون شتوي
والنخيل والعثيم الله زين تلقين عندهم موضة السنة اللي هي جاكيت قصير , اشوف كل اللي بالعيد يجنن لبسهم ,,,

أما الهدايا , أقترح أنتس تشرين عطورات بناتية للبنات ويصير أحجامهم صغيرة أحسن أرخص هههههههه , يمكن تلقين عند مكياجي , وتسان ودتس تحطين روج بناتي عندهم ألوانه حلوه , مع علبة شوكولاته من آكار شوكولانا , لأن اشوف حلوياته هباااااااال ,
وخالتس اشري له طقم ذهب ( إذا صارت الميزانية تسمح ) أو اشري له سوارة حلوة أو ساعة ذهبية , وحطي معه مسك أبيض تلقينه عند العربية للعود فيه ب30 وفيه ب60 والله زينه ريحته تطول ,
والأطفال كان عندكم , حطي لهم ألعاب , أو دمى ( إسلامية ) ..

وتحطينهم بأكياس , بس الأكياس فكرة مستهلكة , لو أنك تغلفينهم تغليف هدايا اللي يصير فيه شريطة أحس انه فكرة جديدة ومحبوبة عند الناس , واشوف قرطاسية ركن المجتهد بالخليج مره غلفت عندهم وزين والله تغليفهم ورخيص بعد , شوري عليتس اذا صرتي تتغلفين الهدايا غلفي عنده لأنتس تتغلفين كثار وهو أسعاره زينه الا رخيصة مهب يضرب مع العلبات ابد ,,
وبعد انا يوم غلفت عنده قلت له اطبع لي كروت من الكمبيوتر وطبع وغلفه ببلاستيك مقوى


إقتراح هاااااااااااام :
إذا صار عندتس كرتون ( عاد ياكثر الكراتين , أزين كبير شوي ) عطيهن محل تغليف هدايا يغلف لتس اياه بخيشة ويحط أكيد بعض الزينة ويحط من داخل أربع مربعات يعني يقسم الكرتون , حطي عاد انتي بمربع كليجا ( عند العربي كليجا مره حلو والله وانا ناصحة لتس صغيرات وشكلهن جديد واظن بعد حشوتهن عسل يعني حركات حلوة ) , والمربع الثاني حطي به بقل ( إقط ) عند آكار شوكولانا << الأحت مسوي له دعاية اليوم , بس والله يستاهل عنده بقل زين , طازج يعني إذا قلتي له قالتس تعالي بكرا علشان يصير طازج , وصغيرات مرره يشهن والله , والثالث حطي به سمسم زين ما تقولين , والرابع حطي به مكسرات أو أي شيء تراثي أو ان بغيتي تحطين قرص عمر اللي تبين برايتس بس بصراحة هذي الفكرة أزين من فكرة التنك القديمة , وتحسين انتس شياكة , بس محافظة على الأصول ,

أما وش تقصين قصي دقردية <<<< والله يمكن تسذا ما أدري , مرره حلوه والله , وانا ما ضبطت معي ذي القصة إلا مع الكوفيرة مرام تسان تبينه اعطيتس رقمه ,

مشكورة حبيبتي واتمنى ان افيدتس ولو بالقليل ,

السلام عليكم,,,
أحس أنك مهمه ياأبداع<<<<<<<وحده نحسه:)
المهم إذا كان شعرك قصير لا تفوتك قصه كوكتيل تراه حلوه مره بس أنا ماجربته بشعري أحتريه يطول علشان أقصه ,,,وصراحه فكره العطر والشكولاته أحسه مره حلوه وشياكه.


بنات ودي أسألكم وين ألقى أطقم الحمام(أكرمكن الله)الحلوه أبي أشكال وألوان حلوه طراره وتشرط:)

يابنات ابغى واحد يوصل للمشاوير بس معه محرم
ارجوكن جاوبنني وحبذا لو يكون اندونسي

والله انا ما اعرف اندونيسي ..اللي اعرفهم سودانيين..وكلهم معهم زوجاتهم

أبو محمد
0507264812

أبو عبدالله
0501017484

دعواتك لاتنسين:27: