أيه يابنات محدش فيكم قالى رأيه فى قوايم التجهيزات ؟
ايه اللى جرالكوا ؟انتوا نمتوا خالص؟ انتوا بتمتحنوا ولا ايه؟
؟؟؟؟؟؟؟

بسم الله الرحمن الرحيم

ازيكم يا ينات معلش النت كان فاصل عندى واناكنت فاصله معاه شويه

تسلم ايدك يانجلا وانا بسجل معاكى بس كده مش كتير ولا ايه على قمصان النوم وخصوصا الساتان اسعاره غاليه اوى عندى لو لقيتيه سعره كويس ابقى قوليلى فين لما انزل القاهره اشوفه

القطه الصغيره............الف مبروك ياقمر ربنا يتمملك بخير يا رب ان شاء الله......بصى بالنسبه للصينى لو ينفع تيجى طنطا على السريع انا عندى 3 محلات فيهم اللى انتى عاوزاه واحد منهم جمله واسعاره حلوة اوى ........ اللاستثمارى اللى هوه المصرى الالمانى من 1200 ل 1600 كويس اوى وشيك جدا والبولندى وباقى المستورد من 1650 لحد 1950 اشكال تحفه برضه ......... والكاسات انا شفت الوان السنه دىدرجه مندرجات الازرق تحفه غير الوردى اللى على موف ناعمين اوى ب 135 والبوهيمى الكريستال ب 160 .......... لو عاوزه تنزلى قوليلى وانا ممكن اوصلكم للمحلات فى اى وقت تنورى ......... وبالنسبه للكوافيرات فيه واحد دايما معظم البنات بتروحله بس عموما هاسالك احسن ناس فى المحله وان شاء الله ارد عليكى قريب لانى من طنطا فهاتاكد من بنات المحله ان شاء الله

بالمناسبه حد بيشوف برنامج جديد فى جديد اللى بييجىعلى قناة الناس ؟ شفتم الالحفه اللى بيجيبها انا كان عاجبنى فكرة الشمواه اوى جديده وتديكى احساس بالرفاهسه والدفا بس طبعا اخاف اجيب حاجه من التليفزيون ........ فيه محل عندى بيجيب حاجاتتحفه بصراحه عديت عليه امبارح وسالته على الالحفه الشمواه ورانى مجموعه خرافه رقيقه اوى وعليها تطريز فى منهى النعومه والوانها حلوه اوى والضهر طبعا قطن عشان مايضايقش ومعاه ملايه قطن مطرزة و2 كيس خداديه و2 كيس ملايه واحد كله بنفس تطريز الللحاف والتانى كله قطن وبتطريز الملايه ومن بقه قالى 440 وقالى لما تجيبى الحاجه مش هانختلف........ دى اخر اخبار الشوبينج بتاعى

أنتى تقصدى أنه ستان ياسمسمه الستان دوشيس ولا العادى أصل أنا بصراحه مش بفهم فى الأقمشه اوى وبعدين فى الأبيض بتاع أول ليله وفى القصير ايه االى انتى شفتيه غالى بالظبط

السلام عليكم جميعا

معلش يا جماعة انا معرفتش ادخل على المنتدى اليومين اللي فاتوا لاني كنت في القاهرة وكنت مشغولة جدا.

أولاً باشكرك جدا يا شكلاتة على المعلومات القيمة دي وشكرا كمان يا شيواوا ويا سمسمة على مساعدتكم ليا.

تاني حاجة عايزة اقولكم انا كمان اخبار الشوبنج معايا.. انا كان نفسي اروح كايرو مول بس الوقت مكفاش للاسف. انا روحت الأول وسط البلد شارع قصر النيل وطبعا زحمة جدا كالعادة جبت من هناك شباشب البيت (أكرمكم الله) وشوية قطنيات من فابيلوس مع اني كنت جايبة كمية كويسة من القطنيات بس بصراحة فايبلوس القطن بتاعه ميتعوضش بس انا مخطرش على بالي اجيب من عنده الا في الاخر. ونصيحتي للي لسة مجبتش اقطان تروح لفابيلوس لأن حجاته خامتها حلوة اوي وناعمة جدا وبتبقى مظبوطة اوي وشيك في اللبس.

وبالنسبة للبس الخروج كان صعب شوية الاقي حاجة مناسبة ليا واكون مرتاحة ليها في وسط البلد ومعرفش اجيب الا 2 تونك وجيبة والوقت مكفنيش اطقم عليهم. تاني يوم بقى رحت سيتي ستار طبعا حجاته نار نار نار بس هو فيه محل واحد بس هناك اختي قالتلي عليه انه اسعاره معقولة بالنسبة لأن حجاته حلوة ومميزة وخاماتها احسن من الحجات اللي في وسط البلد والمحلات التانية بصراحة. فا جبت من عنده كذا بلوزة وتونك كلاسك لأن لبس العروسة يستحسن يكون كلاسك في الغالب على حد علمي وقلت ممكن اليق عليهم حجات من بره بقى بحيث تكون اسعارها اقل شوية في المعقول يعني.

ورحت مول بلاتنيوم في شارع شهاب بس الخامات هناك مكنش عجباني معرفتش اجيب الا بنطلون واحد على تونك كنت جايباه من سيتي ستار.

وملحقتش اكمل لف بقى عشان كان عندي شغل النهاردة الصبح. فا هاروح اكمل وقت تاني ان شاء الله. وناوية اشوف الشوزات والشنط في سور نادي الزمالك وفي طلعت حرب لأن دول أحسن مكانين باحب اجيب منهم الحجات دي.

انا كنت عايزة اعرف يا بنات محل كويس فيه انتيكات حلوة لاني محتاجة فازة طويلة اوي اللي بيتحطوا على الارض بس تكون خشب عشان دي اللي هتناسب الانتريه عندي فا لو حد يعرف مكان كويس واسعاره معقولة يدلني من فضلكم