بمسي علي احلي عرايس وحبيت افيدكم بمعلومه كده ان تلاجه توشيبا بها عيب وهي الارفف لا نها من خامه الباغا وبتتكسر بسرعه اما مثلا الكتروستار الارفف بتاعتها شبك وغير كده الفريزر بتاعها واسع جدا وربنا يوفقكم

والله معلومة مفيدة يا الحمد لله 3 انا عن نفسي مكنتش اعرفها كدة ممكن الواحد يعيد النظر في التلاجة وكويس انك لحقتيني عشان احتمال اجيب الاجهزة الكهربائية النهاردة ان شاء الله مع المراتب. شكرا ليكي يا قمر.

السلام عليكم يا بنات
باقلى كتير مش لحقه ادخل المهم الف مبروك على الشوبينج يا بنات

قطه ممكن تقولى اسم المحل اللى عجبك فى سيتى ستار اه واسعاره لو ممكن

على فكره فابيلوس حاجته تحفه بس استنى فى التخفيضات بيكون عامل تخفيض يوصل ل60%

هقرا اللى فات وارجه ليكم

على فكره يا بنات انا جبت المرتبه جاهزه من يانسن عامل تخفيض انا بتاعتى 180 كاننت ب980 بدل من 1250

الحمد لله 3 شكرا على المعلومه دى أنا فعلا كنت ناويه اجيب ثلاجه توشيبا مش عارفه دلوقتى بفكر أجيب ايديال نوفروست بيقولوا عليها حلوه

القطه الصغيره مبارك عليكى حاجاتك الجديده وبالنسبه للبس الخروج إن شاء الله المره الجايه لما تنزلى القاهره روحى روكسى والحريه مول أسعارهم بتبقى معقوله وجنينه مول فى مدينة نصر وبرده قوليلى على اسم المحل اللى فى سيتى ستارز