بسم الله الرحمن الرحيم

مساااااااااااااااء الفل عليكم

بالنسبه لفابيلوس بيبتدى تخفيضات مع موسم الاوكازيون العادى تقريبا بيبقى 15/7 مش كده برضه؟؟؟؟؟؟؟؟

شعلة الاسلام............ انا عاجبنى شوية حاجات فى اورفليم برضه وعاوزه اجيبها ولو انى مش عارفه كده يبقى بدرى اوى ولا ايه انا فرحىاول الصيف الجاى ان شاء الله ويا ريت لو تعرفى حد قريب منى اعمل عضويه من خلاله لانى من طنطا وايه شروط العضويه بالمره.............. ومبروك عليكى طقم الصينى يا قمر انا لسه جايباه انا كمان من حوالى اسبوعين تقريبا وانتى فرحك هايبقى امتى ان شاء الله؟

نجلا............. الله يسلمك يا جميل تسلميلى على سؤالك على بابا والحمد لله بيتحسن

عروسه مسلمه........... فعلا اصحابى قالولى الازهر مفارشه حلوة اوى ورخيصه والالحفه كمان

هيبو 19........... مبارك يا هيبو وربنا يباركلك ان شاء الله ........... بصى يا هيبو بما ان الفستان اصلا مطرز الموضه عندنا دلوقتى فى لف الطرح هيا حاجه اسمها تل كريستال حلو اوى بيبقى تل وبيبرق كله كده وفى اللف شكله جميل جدا وانتىممكن تجيبى واحده بيج وواحده دهبى ولو لقيتى وردات صغيره على روز شبكى بيها النفشاه اللى بتلمى بيها الطرحه على جنب هاتبقى تحفه ان شاء الله او ممكن اناشفت فكره ظريفه اوى تلفىالطرحتين واحده بيج وواحده دهبى وتجيبى نفس اللونين ممكن اورجنزا او شيفون او تل برضه من نفس الخامه وتخليهم 4 مستطيلات طوال 2 من كل لون وتيجى من ورا توزعيهم الاربعه منتحت على الكحكه وتسيبى التلت فوق والتلت اللى فوق ده بقى تبتدى تلميه بالدبابيس على هيئة ورده فاهمانى يبقى الاربع مستطيلات هايبقو متثبتين جنب بعض التلت لفوق سايب والتلتين بتاع كل مستطيل لتحت سايبين والتلت اللىفوق يتلم علىهيئة ورده يبقى عندك طرحه نازله على ضهرك بيج ثم دهبى ثم بيج ثم دهبى او ممكن تخلى السيبه دى دهبى وروز هاتبقى ناطقه اكتر وجربى كده سهله اوى فى اللف لكن نتيجتها ناعمه وشيك اوى والطرحه المدلدلهه على الضهر بتخلىالشكل احلى كتير وفىنفس الوقت مختلفه عن الطرحه البيضه وماتنسيش تلبسى بونيه لانه هوه اللىبيظبط الطرحه السواريه عشان ماتبقاش مبلطه علىالوش والقماش السواريه مايتزحلقش ......... ويا رب اكون عارفه اوصف

احلى دنيا.....................منور يا قمر يا بلدياتى احكيلى بقىكل حاجه منين بالظبط وعندك كام سنه وهاتعدىفين وكلل حاجه

randa_asmaa_EzaT............... منورانا يا راندا وربنا يبارك فيكى يا رب وماقلتيلناش انتى بقى مخطوبه ولا متجوزه ولا لسه بعقلك

مام 312............ بصى يا جميل بالنسبه للجيبونه هاتيها تل من التقيل اوى تمام...وهاتى جيبونه سلك قصيره تشيله بس وماتجيبيهاش ماكسى عشان ماترفعش الفستان من تحت وعلى فكره فى خطوبتى لما كنت اعد والحق اعدل لنفسى الجيبونه كانت بتبقىسهله اوى بايدىانا يا دوب برفع كام سم لفوق خفيف بتقوم مظبوطه عادى جدا انما لما حد بيعدلهالك مش بيبقى حاسس بيها علىجسمك فتببقى معاناه لكن الفكره اللى قلتلك عليها هاتوفر عليكى

بسم الله
سمسمة
بتهيألى لسه بدرى بالنسبة لك لو هاتتجوزى لسه الصيف الجاى انك تجيبى مكياجك دلوقت
أحسن خليه اخر حاجة تجيبيها أصلا اوريفليم بتعمل عروض كل شهر بس اصل الشهر ده بيحتفلو بعيد ميلادهم الاربعين عشان كده عاملين تخفيضات جامده
بالنسبة للاشتراك والعضويه كل اللى مطلوب منك صورة البطاقة وتروحى لاقرب فرع ليكى بس ده عندنا فى القاهرة عشان كده انتى لو بجد عايزة تشتركى انا ممكن أسألك واحدة بتشتغل فى اوريفليم عشان تعملهالك
أى خدمه انا موجودة
سلام

ميرسي جدا يا جماعه والله على ردكم الجميل ده وألف شكر ليكم بجد ادتوني أفكار حلوة أوي .ز والله يبارك فيكم كلكم ... وان شاء الله ربنا يتمملنا بخير كلنا ..
سمسة بجد ربنا يخليكي فكرتك حلوة أوي والله وفعلا انا المشكله مكنتش عارفه أجيب الخامات ايه لان الفكره في راسي بس مش عارفه الخامات اللي تنفع تتنفز بيها لاني عايزة أعمل الطرحه سبانش على جمب وفي نفس الوقت يكون شكلها رقيق وفيها الوان من الفستان إن شاء الله هاجيب الحاجات دي اللي قولتلي عليها وأجرب .. بالنسبه للتل الكريستال ده مش عارفاه أنا عندي من قماش الفستان كان فاضل يعني بس تل ومطرز طبعا من الفستان بس انا مش عارفه ده أعمله ازاي يعني الفه على ورا ولا اعمل فيه ايه هيه اللي فاضله كده مستطيل بس كبير شويه وبالنسبه للبندانه انا قولت هاحط واحده قطن تحت خالص مش باينه يعني وأثبت عليها بندانه اروجانزا لونها دهبي كده بس مش عارفه تنفع دي ولا ايه وتبأه حلوة ولا لاء .. وبعدين قولت أحط على البندانه قماش شيفون بيج بس مش عارفه ده يتزحلق ولا ايه مني وآخر حاجه بأه هاحطها التل المطرز ده اللي برده مش عارفه احطه ازاي بصراحه محتاسه يعني بس انا فهمت الطريقه بتاعتك وان شاء الله هاحاول أجربها كده بس معلش بالنسبه للمستطيلات دي يعني تبأه طولها قد ايه معلش هاتعبك معايا يا سمسمه ..
حبيبه وعلى نياتي دي حاجه بسيطه يابنتي انا قولت بس أخدم يعني هيه الاغنيه اصلها حلوة وانا كنت سمعتها فقولت يمكن تكون هيه دي اللي قصدك عليها ...

shewawa الله يبارك فيكي يا جميل وميرسي جدا على ردك عليا
أحلى دنيا ربنا يكرمك يارب وألف ميروك الخطوبة انتي كمان وإن شاء الله ربنا ييسرلك كل الامور على خير وباين من كلامك عن الفستان بتاعك ان شكله كان جامد :) وميرسي أوي على الأفكار بتاعتك واديني بحاول أهو أزبط .. دعواتك

up