شوكولاته
انتى فين من زمان؟ ايه اخبارك؟

يا اهلالا بيكى انتى يا سمسمه
انا يا ستتى هجوز ان شاء الله هنا ف طنطا مافيش مشاريع سفر حاليا دا غير انى اعتبر اكتفيت سفر كمان لانى مواليد السعوديه وكنت عايشه هناك كمان تقريبا 20 سنه من يوم ما اتولدت لحد ام نزلنا نهائى
وانا يا ستى عندى 24 سنه
واحكيلى عنك انتى بقى ولو نتعرف اكتر ع الميل لو تحبى ابقى ابعتيلى ميلك على رساله خاصهواهو نفيد بعض بقى ف كل حاجه ان شاء الله
هيبوو.. تسلمىى يااااررب يا جميل والله يبارك فيكى يا حبيبه قلبىى وربنا يتمملك على خير ان شاء الله
بس ابقى ورينى بقى عملتى الطرحه ازاى.. طبعاا بينى وبينك مش هقولك ع العاام
هههههههههه
وان كان ع الفستان هما بيقولوا كان حلوو اووووى وهو كان عاجبنى بس اكمن حصل لخبطه ع الاخر كداا كنت ملألأه شويتين بس ما كنتش شايله هم الحمد لله وكنت مستغربه من كداا
اصل ما اعتقدش حد كان عنده الورقان بتاعى دا يوم الخطوبه انا استلمت الفستان الساعه خمسه او خمسه ونص يوم الخطوبه لانه كان لسه بيكمل الشغل بتاعه لانه كان اول لبسه ولسه جديد
دا غير ان كان معادى عند الكوافير من الساعه تلاته اصلالا وطلعت من الاتيليه ورحت جبت وراحده صاحبتى انتيمى من صغرى من السعوديه من الموقف وروحنا عند واحده صاحبتى واتغدينا يا روقانى

ف رحت الكوافير على المغرب والحمد لله ان الكوافير كان رايق ومافيش عرايس هناك ورحت كله كان بسرعه جدااااااا لبست بسرعه جدا وعملتلى المكياج والطرحه بسرعه ومن غير ما اعمل لا ماسكات ولا غيرررررره خاالصصصصصصص بس الحمد لله كنت طالعه كويسه الحمدلله

وطلعنا ع الاستوديوا كان زحمه لدرجه حتى مافيش مكان نركن فيه لفينا شويه على ما راق الاستوديو وخلصنامنه ورحنا الفرح على عشره ونص وعلى فكره دا كان فى عز الشتااااااا والتلجج يعنى حكايه ان عروسه تروح الفرح متأخر كدا دى غريبه شويتين

المهم رحت الفرح لقيت كل الناس واقفين ف الشارع وقلقانين ومستنييناا ههههههههههه
وانا رااايقه والحمد لله الفرح عدى على خيررر والكل كان بيشكر فيه جدااا والحمد لله ما حدش ما انبسطش ف الفرح

وعقالكم يا عرايس كلكم بس من غير روقانى وحالاتى الغريبه دىىى

والله سبحان الله كنت متوقعه وعندى احساس ان فى حاجه هتمشى مش زى الناس الطبيعيين واديها حصلت معاياا

بس الحمد لله كله خيررر خيررر خيرررر

السلام عليكم ياعروسات مصر...ربنا يوفقكم ويسعدكم ويكرمكم ..

انا عندي قليل من الاستفسارات ..(بعد اذنكم) خاااارجه عن الموضوع ....

انا زوجي جايله انتداب عمل عندكم بمصر..وانا باسمع من زميلاتي كلام مش كويس وببدى اقلق!!

(شوفوا يبنات الكويس والوحش في كل مكان في السعوديه ومصر وقطر ودبي و..و..و.الخ)

بس انا بسمع كتير عن الرئصات عندكو (روسيات) في كل مكان ..صحيح؟؟

الاغلبيه عندكم ناس حشمه وبتاعين ربنا ولا لا؟؟

السواح السعودين كيفهم بمصر وحشين ولا بس كويسين ؟؟

وشكرااااااااااا

لو عشتى فو مصر هتعرفى ان الروسيات مش موجودين الا فى اماكن معينه انا عن نفسى لم اشاهد الروسيات سوى فى الفنادق او الاماكن السياحيه على عكس ما اشاهده هنا فى قطر او دبى وهو انتشار رهيب لكل الجنسيات اللى ممكن تشوفى مناظر للعرى وغيره بشكل كبير وده شئ مش موجود فى مصر انا كنت مصدومه لما جيت مع زوجى للعمل فى قطر فهم تقريبا اكثر من السكان الاصليين للبلد كل من يقول هذا الكلام هو جاهل بما هو واقع حقيقى فى مصر وان شاء الله هتشوفى لما تنزلى مصر

حبيبتى شيواوا انا موجوده وباتابعكم باستمرار بس فى كسل شويه ياله بقى عايزين شويه حماس