مشكورة لوزة على المعلومات القيمة انا لى تعليق على الكوافير
انا كنت عاملة كتب كتابى اسلامى فكنت عادى بشعرى ورحت لكوافيرة كويسة جدا ورا مصرللطيران اللى فى اخر عباس العقاد واتفقت معاها وقالتلى اجى قبل المعاد بيومين عملتلى حمام كريم وعملتلى وشى كله بالفتلة وبعدين طبعا بخار وماسك وعماتلى بروفة ميك اب وتسريحة وبعدين يوم كتب الكتاب عملتلى حمام كريم تانى وماسك ومانكيير وباديكير فى ايدى ورجلى طبعا والتسريحة والميك اب طبعا والصراحة كان شكلى تحفة حتى العريس مكانش مصدق نفسه اختى بتقولى انه بعد العقد لما دخل القاعة اللى انا فيها تقريبا ماكنش شايف حد غيرك ودخل من باب القاعة للكوشة وعينه منزلتش من عليا وهو بعيها قاللى انه ماكنش مصدف نفسه لما شافنى
عارفين بقى عملتلى كل ده بكام؟







ب 250 جنيه بس واللهى
لو حد عايز نمرتها وعنوانها انا فى الخدمة هى اسمها مدام سهى والكوافير اسمه بيوتى سيسترز

صحيح يا بنات محدش من اللى جهز خلاص يعرف سشوار براون بكام ؟ واحسن مكان نجيبه منه فين؟.

لوزه
أنتى فرحك امتى ياقمر؟ومبروك عليكى حجاتك
أولا بالنسبه للمفارش انا اسمع عن محل اسمه العدوى فى امبابه عنده مفارش هايله لكن معرفش عنوانه بالتفصيل ياريت اللى يعرف يقولى
ثانيا هى الدلكه دى عباره عن ايه؟
ثالثا محل الباز أنا كمان جبت منه الدبله والمحبس لكن مرديش ينزلى ولا جنيه بس فعلا عنه حاجات دوقها حلو
رابعا ياريت تقوليلى محل ريم فى أنه دور فى جنينه مول

ويابنات ياترى الأوكازيون بدأ فى المحلات ولا لسه؟

شعلة الأسلام ياريت تقوليى عنوان وتليفون الكوافير

من عنيا يا شيواوا
العنوان 11 ش عمر حفنى الدور الارضى
التليفون 0224177481
بس انتى عارفة هيا كانت عايزة الاول 300 بس انا فاصلت معاها وبعدين كانت لسه قريبتى عاملة عندها فرضيت بس هيا ملتزمة جدا ومنتقبة ومابتعملش ماك اب اعتقد الا للافراح الاسلامية