كيكه البرتقال بصوص البرتقال اللذيذ



المقادير

1 كوب سمن او زبده او زيت
2 كوب سكر
4 بيضات
1كوب عصير برتقال
2 م ص مبشور برتقال
3 كوب طحين
2 م ص بيكنج باودر

التزييين
1/2 علبه حليب محلى ومركز
4 جبن كيري
2 م ص عصير برتقال
1 م ص مبشور البرتقال ( حذار وانتي تبشرين لاتاخذين القشر الابيض عشان مايصير مر )

اضربي الزبده وضيفي لها السكر لغايه ماتصير مثل الكريما

ضيفي البيض وبعدها ضيفي مبشور البرتقال

بعدها ابدي ضيفي الطحين شويع والعصير شويه لغايه ماتخلصين المقدار

دخليها الفرن 180 درجه لمده 45 دقيقه

اخلطي مقادير الصوص كلها مع بعض وبعد ماتبرد الكيكه زينيها ورش عليها لوز محمص

وبالعافيه

واوووووو روعه تسلم ايدينج..... وانشاءالله راح اجربه يوم الآربعاء لآنه عند صديقتي عزومه راح اسوي هالكيكه واخذلها..... ممكن كيكه فانيليا مع صوص اذا ما عليج امر لآني اعتمدت كيكاتج وننتظر المزيد(طماعه خخخخخخ)

ماشاءالله
صج فنــــــــــــــــانه

ياسلاااااااااااام كيكة البرتقال مشهيه
على فكرة جربت كيكة التمر وطلعت لذيذه الكل إنهبل عليها
تسلم إيدينك ماقصرتي
وننتظرمنك المزيد

um_hailana

اذا بغيتي كيكه الفانيلا جربي نفس كيكه البرتقال بس بدل كوب العصير حطي كوب حليب وبدل مبشور البرتقال حطي م ص فانيلا وقللي السكر شوي بدل كوبين حطي 1 3/4 الكوب جربيها ترا انا اسويها بهالطريقه واذا تبين صوص جربي نفس الصوص اللي بكيكه البرتقال بس بدون البرتقال او جربي هذا

كوب سكر بودره
10غ زبده (اللي هي المربعه الصغيره )
1-2 م ط ماء
1 م ص فانيلا

خلطي هالخلطه كلها مع بعض وحطي تحتها اناء فيه ماي ساخن وذوبيها وصبي الخلطه وهي دافيه على الكيكه


& هايلين &

والله الفنانه انتي يالغاليه يكفينا الملف اللي سويتيه سهل علينا البحث

هنـــــــادي

وانا انصحج سوي هالكيكه اللي الحين بنزلها بما انكم كلكم محبين للتمر قلت بسوي كيكه ثانيه فيها تمر ومحشيه كريمه بس عاد وشو تجنن وجربي كب كيك الفراشات ترا رائع بدون مبالغه وصحه وهنا على قلبج انشالله