هيا وينك خيرك معاش كملتى الملف يالله نستنوا فيك رانا متبعينك يا حلــــــــــــــــــــــــــــــــــــــــــوة :26:

السلام عليكم ورحمة الله وبركاته
اختيobaii
بارك الله فيك وجزاكي الله خير وان شاء الله نحصل دعيوة باهية من مرة خوك ربي يهنييها امين:26:


ام نضال اهلين بيك وهذه طريقة المقروض لكن الحق ماجربتهاش هنا لان هنا السمدينة ناقصة لكن صاحبتها تشكر فيها هلبة وان شاء الله تمشي معاك
المقروض
المقادير
اربع كوب سميد
اثنين كوب دقيق
اثنين كوب زيت( ما دبيك زيت زيتون)
ملعقة سكر عادى
ملقة صغيرة بيك بودر ولكن اذا كان الدقيق فيه خميرة لا تضيفى خميرة
ملعقتين كبيرة سمسم قليلا محمس على النار
الطريقة
نسخن الزيت ولكن مش لحد ما يدخن نسخنه شوية قليلا
نخلط السميد مع الدقيق مع كل المقادير اللى فوق بعده نبداء نبسس فيه بالزيت حتى يصبح الخليط كله معجون بالزيت بعده نترك هذا العجين قليلا ثم نبداء بتعصيد التمر مع شوية زيت ومع شوية قرنفل ولكن ما تعصديشي زين لان التمر ييبس بسرعة نعصده بحيث يصبح لين وبعده نشكل التمر على هيئة عبابيد باش ما نتعبش لما نجى انشكل المقروض
الان ناخذ كاس امياه ونضع فيها ماء زهر وناخذ مقدار قليل من العجينة اللى درنها فى الاول ونخلط العجينة بالمية فى صونية بروحة برة ما نخلطش العجينةكلها بالمية دفعة واحدة كل ما نبى انشكل نخذ ونعجن بالمية عجينة لينة رطبة اشويه بحيث لم نبى اندوره يدور بعد مانضع التمر فيه من الدخل فى الاول انفطح العجينة على طاولة مدهونة بالزيت بشكل عبود وتضع التمر وتلف علية العجينةلازم مايكونش العبود عالى هلبة لانه مازال ينتفخ من الخميرة بعده اتقطع حسب الرغبة ( زي المعين) وتاخذ تنقش لو عندك نقاشة ويوضع فى طاجين بشكل متباعد لانه يزيد يكبر وهكذا بالتدريج حتى يكمل المقدار ولازم اتكون امسخنة الكوشى قبل ما ادخليه فيها بعد ما اتطلع الطاجين يفترض انك اتكوني اموتية شراب العسل ومقاديره هى كل كوبين ونصف ماء مع كوبين سكر ولازم اتذوبى السكر فى المياه قبل وضعه على النار لان العسل لازم يكون ثقيل اشوية و تعصر اشوية ليمون مش ليم هلبة اقل من نصف ليمة وتضع قرفة فيها وين ما قريب اتطفي عليه وهى ساخنة تضع فيها كشيك عسل نحل طبيعى بيش يعطيه نكهة قنينة لازم تصبى العسل على المقروض وهو فى الطاجين ساخن بعد مااتطلعه من الكوشة وتتركه حتى يشرب العسل ما تقربيشي وهو ساخن باش ما يتفترشش منك ولو حسيت ان المقروضة من فوق ما فيهش عسل بعد مايبرد تقلبه على وجهه الاخر تتركه فى الطاجين حتى تتاكد من انها شرب العسل وبعده تاخذ بالوحدة وتضعه فى السلالات امتع الورق( والله نسيت اسمها) امتاع الحلويات ولو نرغب فى تزيينه ترش فوقه المركب( حلوة ملونة) او جلجلان محمس اشوية
وان شاء الله تطلع معاك باهية وكان هذا عندي طريقة ثانية نعطيهالك يالله توة سلامات

:26:

السلام عليكم ورحمة الله وبركاته
اهلين بشجرة النارنج بالنسبة الي( ويني) كنت واخذة بردة ربي يحفظك وان شاء الله حنكمل الملف يالله مع السلامة توة:26: :26: :26:

شكرا اسماء الغالية على طريقة المقروض لكن هناك امر قلتي في البداية ما عندكش سمدينا وبعدين في الطريقة قلتي سميد يا ريت لو توضحي لنا سميد او سمدينا لأني بتجربها ونقوللكم النتيجة وبارك الله فيكم جميعا زوخاصة اختي اسماء

أم أبيّ :24: :24: :24: :24:

والله مشكورة جدا جدا يا اسماء وبارك الله فيك \ بس نبى انقولك على شى انا قلتلك عندى المقادير ناقصة بس هى نفس المقادير غير انت الدقيق كوبين وانا كوب \ المهم وضحتيلى بارك الله فيك وحنجربها ورد عليك انشالله \ والله ما يحرمنا منك يا اوخيتى \ سؤالى كم مقدار العجينة اللى نخلط معها المية يا ريت تقوليلى \ :27: :cook: :26: