Darawshe:26:

أهلين وسهلين

أكيد بدنا طريقتك

أصلا المعمول الفلسطيني من أشهى وأزكى وأطيب أنواع المعمول

بس لا تطولي علينا يا قمر :27:

أهلا وسهلا

كيف الحال
ايوه هيك لازم الكل يفيد ويستفيد وشكرا لكل من وضع وصفة او تعليق

اما بالنسبة الى طريقتي
2 كوب سميد ناعم + 2كوب سميد عادي + سمنة تقريبا 1 وشوي + شوي زيت وبهارات الكعك
بس الطريقة مو كتيير وانقطعت فترة كنت اجيب جاهز من السوق زلا طيمو اذا ستمعين فيه او جبري
بس هلأ العيلة كبرت وما عدت لحقت فلاززززززم وحتما أعمل بالبيت السنة
وكمان راح أعمل غريبة (بيقولوا اني بعملها منيح)
وراح اعمل انشاء الله فستقية شكلها حلو على الضيافة
بسس أهم شي الكعك وطبعا محتاجين الخبرات
انا اعتقد انه السميد كتيير مهم يعني لو تعملي بسميد راح يكون يفتفت معاك
وانتبهي لا تضعي ماء كتير وانت تعجني واصلا معروف انه السميد ما بينعجن كتير ولا شو رأي البنات
يعني الماء بوخي بخ بايدك (انشاء الله فهمتي متل الكوي يعني)
وماما كانت تغلي يانسون وتستعمل مائه وشوي حب منه ويطلع بيجنننننننننن
فيه كمان طريقة جارتي معمولها طيب كتييير
راح اكتبه الكم بس اتصل عليها كمان شوي واخد الطريقة استنوني
اه وفيه كمان طريقة الف باء الطبخ
وطريقة الشيف رمزي راح اكتبها انشاء الله
وفي من كتاب قديم كان مركون عندي
وانت بتقدريي تقراي الطرق وتختاري او تقربي بينهم كلهم
انا جربت الي بالقشطة ما عجبني ابدا ابدا
استنوني

عندي طريقة الكعك الي على شكل حلقة
عملتو قبل يومين طلع طعمه زاكي
المقادير:
5- كاسات دقيق
2- كاس سميد
1.5- كاس سمنة
1- قليل من حبوب اليانسون والحبة السواء
م.ص خميرة
م.ص بيكينج باودر
ماء للعجن..

بس بدي طريقة الي بالسميد. :26: :26:

كل عام وانتن بخير
عندي طريقه للمعمول مجرباها
لكل 4 كاسات سميد عادي( يعني مش ناعم كتير) كاسه سمنه+اصبع زبده يخلطوا جيدا ويتركوا لمدة حوالي 24 ساعة
تكوني حضرتي الحشوه وبجانبك ماء الزهر وماء الورد يعني تعجني العجينه بهم وليس بحليب ولا ماء وخلي ماء الورد دايما نسبته اكثر من ماء الزهر يعني كل مقدار للورد مقابل 1\4 (ربع) للمازهر والكميه حسب النظر يعني لحين تتكون العجينه طرية نوعا ما حيث السميد يتشرب الماء وخلال الحشو كل ماتحسي انه العجينه يبست زيدي ماء الزهر وهكذا لحين ماتنتهي وتخبز انتبهي لاتحمري كتير علشان ماتيبس

انتبهتوا مافي لاخميره ولا بهارات الكعك وطبعا تزيدي بالمقدار حسب الرغبه يعني لكل 4 سميد 1 و 1\4 دهن
وصحتين وعافيه :p

السلام عليكم

حبيباتي انا جبت الكم اليوم طريقة جديدة
انا بنفسي جربتها عند وحدة من صديقاتي
اول شي بالسميد
رطل سميد = 3 كيلو سميد
3 اواقي سمنة يعني لكل كيلو وقية سمنة الوقية = ربع كيلو
1 ك كبير المج يعني زيت سيرج = زيت سمسم
محلب
2 م ك خميرة
حليب دافي للعجن

بس شوفي زيت السمسم شو بيعمل بلعجين مو معقول يخليه طري جدااااا
طبعا انت بتفركي السميد بالسمنة الساخنة وتتركيه لثاني يوم
وذا كان السميد مو ناعم اضفي لكل كيلو سميد 1 كوب دقيق

هلأ الطرقة الي بالدقيق بس وهادي الي بنعملها بالاردن
4 ك دقيق
2 م ك حليب بودرة
1 م قزحة
1 ك سكر كوب شاي صغير
محلب
شومر
يانسون
ماء دافي ويكون مغلي فيه يانسون
1 م ص خميرة
1/2 ك زيت عادي او زيتون مو مشكلة
1 كوب سمنة
وطبعا تفركي الدقيق بالزيت والسمنة
وضيفي باقي المقادير وتعجني وتتركي العجينة ترتاح شوي
وبعدين تبدي شغل

ولسة في طريقة امس اكلتها بالدقيق بس مو طبيعيييية بتجنن
وسألت الي عاملتها قامت تتحجج لما راح الوقت ورجعت على البيت
بس على مين ايوووووم لازم انشاء الله اجيبها شاءت ام أبت

يلا وينكن اليوم