جزاك الله خير

اللهم امين

تسلمين يالغلا

هذي العرايس سويتها بتاريخ 24 يناير 2009

اخذت طريقتها من المنتدى

لكن ماعرفت من صاحبتها

وصار لي كم وانا ابحث في المنتدى وابحث وابحث عسى بس القى موضوعها ولا في فايدة

المهم بنزل لكم التطبيق
وجزاها الله خير ويسعدها وين ما كانت:26:

ناخذ الخبز اللبناني



نقطعه نصين



ونمسحه بزيت الزيتون






ونحشيه بحمسة اللحمة المفرومة



ونحطه في الشواية



ويقدم ساخنا


وختاما دعواتي لصاحبة الموضوع جزاها الله خير:26:

هذي الكيكة قديمة جدا
مسويتها في 2005 وتوني لقيت الصور بس مازالت لذيذة

ذكرتني بايام حلوة


كنت مقطعة الروتي ومسوية منه كنابيه واحتفظت بالزايد عشان اسوي منه كيكة
خليته يومين وغطيته بجريدة حتى يصير يابس وبعدين اطحنه

بعد ما طحنته حطيته مع المقادير










الحين صار عندي تقريبا

كوب بقسماط

وكوب فستق مطون

وكوب سكر

ملعقة بيكنغ باودر

ثلاث ارباع كوب زيت

4 بيضات

فانيليا

نخلط الروتي المطحون مع الفستق والبيكنغ باودر



واخليها على جنب




اخلط البيض مع السكر والزيت



اصب خليط البيض في ملة



واضيف عليه الخلطة الاولى شوي شوي مع التحريك



لين تخلص الكمية



وبعدين اصبه في صينية الكيك المدهونة



وادخلها الفرن



اول شي من تحت حتى تنضج واخر شي من فوق

بعد ماتستوي





اكون مجهزة التوفو في الاثناء

وهو عبارة عن ربع كوب سكر + علبة قشطة + ملعقة زبدة

اذوب السكر على النار حتى يصبح لونه ذهبي

واضيف عليه القشطة والزبدة مع التحريك المستمر

ارفعه من على النار واستمر في التحريك واذا برد شوي

امسح على الكيكة




انثر عليها فستق مطحون






الطعم لذيذ ما يتفوت



جربوها بتعجبكم ان شالله:)