الله يعافيكم يا بنات ويسعدكم

خبز زعتر

العجينة

2 كوب طحين
ملعقة صغيرة خميرة فورية
ملعقة صغيرة ملح
ملعقة طعام سكر
فنجان زيت
حليب سائل حسب العجن
نعجن المواد الجافة مع بعض وبعدين نضيف الزيت واخر شي الحليب ونعجن
اذا ماكان متوفر الحليب السائل
ممكن نضيف 3 ملاعق حليب بودرة للطحين وبعدين نضيف الماي حسب العجن
يعطي نفس النتيجة


بعد ما نعجنها نخليها تتخمر لمدة ساعة

وبعد ذلك نفردها ونشكلها دوائر



ندهنها بزيت الزيتون ونمسحها بالزعتر والزيت وندخلها الفرن الحار


حلاته يكون الزعتر اكثر بس ذاك اليوم الزعتر ما كان عندي الا شوي وانا في خاطري خبز الزعتر ما صبرت وسويته:)






الف صحة وهنا

اصابع السينبون





العجينة


2 كوب طحين

ملعقة صغيرة خميرة فورية
ملعقة صغيرة ملح
ملعقة طعام سكر
فنجان زيت
حليب سائل حسب العجن


نخلط املواد الجافة وبعدين نضيف الزيت
واخر شي الحليب


نخلي العجينة ترتاح لمدة ساعة
وبعدذلك نفردها

نمسحها بالزبدة والسكر والقرفة والجوز المبشور



نقطعها شرايط ونثنيها من النص بالطول ونبرمها ونحطها في صينية الفرن



الفرن مشتغل من قبل 180 درجة

نخليه لين تتحمر الاصابع




نصب النستلة فوقها والمفروض هيرشي بس اللي عندي ما يبون

خليتها نستلة بس

ومن نفس العجينة سويت الشكل المألوف للسينبون

سويت صينيتين

وحدة لصديقة بنتي ووحدة لنا






حطيته في الكب كيك



غطيتها وخليتها ترتاح 10 دقايق

دخلتها الفرن 180 درجة




صبيت قوقها نستلة حسب الاوامر:27:



الف صحة وهنا

وهي حارة روعة ما شالله:cook:

تسلم الايادي
يعطيك العافيه