حبيبة ألبي دون
كل عااام وأنت بخيررررررررر وصحة وعااافية
والله لا يحرمككك الأجر يالغالييية ويجعل كل ما تقوميننن فيه في مواااازين أعمااالك
مل طبق أحلى من الثاااني
واللسااان يعجز عن التعبيرررر صراااحة ...
أم الحص
ماااشاء اللله رووووووووووووووعة
تسلم ايدددك ويعطيك العافيييية
بس نفسي أعررررف
الحنااام المحشي عندكم يالمصريين بيطلع طويل زي اللي أنت عاملاه يا دون وكذا مرررة شفته في التلفزيووون
ولما عملته أم الحص ما طلع طويل ^_^
ليييييييييييييييه ؟؟
سؤال عبقري ههههههههههههه
بس نفسي أعرررف
حبيبة ألبي دون
كل عااام وأنت بخيررررررررر وصحة وعااافية
والله لا يحرمككك الأجر يالغالييية...
كل سنة و انتم كلكم بخير و يا رب تكون سنة مليئة بالخير و الصحة و السعادة للجميع
دون يا حبيبتي بارك الله فيكي و في صحتك و جزاكي الله خيرا. انا اول مرة عملت فيها البط عملته بنصايحك و ارشاداتك و توجيهاتك و كان بالبظبط زي ما في الصورة اللي حطيتيها و مش حاقولك اد ايه بقى حاجة سهلة جدا عندي في العمايل، و كررته اكتر من مرة لحد ما ادمنوه بس اضطريت مؤخرا اوقفه عشان الدسم و صحة والدي زي ما انتي عارفة، بس بجد تسلم ايديكي و عجبتني اوي ملحوظتك لام الحص بخصوص جناح الحمام و الجزء البارز فيه، و ده ان دل على شئ يا دون فانما يدل على انك مش واخدة الموضوع تسلية و تضييع وقت، لا انتي فعلا بتراجعي كل حاجة في الصورة او الوصفة و توضحي الاخطاء فين و الصحيح فين، بجد يا دون ربنا يبارك فيكي و يحميكي و يبارك لك في اولادك
تسلم ايديكي يا ام الحص بجد المحشي و الحمام هايلين ربنا يكرمك و يبارك لك. و زيودة تسلم ايديكي عالبشاميل و على فكرة نصيحة دون في محلها تماما و شاطرة انك نفذتيها، انا امي الله يرحمها كانت بتعملها بنفس الطريقة و تبطن الصينية بالبشاميل و كانت بتبقى تحفة
اقولكم على اكلة بسيطة و لذيذة عملتها قريب و هي خفيفة في نفس الوقت
عملت خضار سوتيه و جنبه ارز بالقرقة و الزبيب و الخضار
اولا الخضار السوتيه:
2 كيس خضار مشكل (نقيت منه شوية بسلة يعني حبة ملو اليد و كان مكعب جزر برضه ملو اليد و حاقول بعدين ليه)
بصلة متوسطة
ملح و فلفل اسود و نص ملعقة صغيرة خلطة ميلرز بنكهة الدجاج (ممكن الاستغناء عن ميلرز لكن بتدي طعم حلو)
زيت ذرة
الطريقة:
في حلة نحط الزيت و بعدين نخرط البصلة رفيع و نصفرها فيه يا دوب تدبل و بعدن نضيف الخضار و نضيفله الفلفل و الميلرز بس بدون الملح، و نخلي النار تحته هادية مع التقليب من وقت للتاني و اذا احتاج مية نضيف شوية بشوية، و متقلبيش كتير عشان الخضار المجمد بيتهري من التقليب، بس لما يحتاج مية عشان ميلزقش في الحلة. و قرب ما يستوي نملحه حسب الرغبة و نطفي عليه و كده يبقى جاهز.
الارز:
انا عملت 1 و نصف كوب ل 3 افراد
1 و نصف كوب ماء
ملو ايديك زبيب
البسلة اللي حشناها على جنب و مكعبات الجزر (المكعبات قطعتها شرايح بالسكينة لاني كنت عاوزة جزر مبشور بس مكنش عندي في البيت فاتصرفت بتقطيعه رفيع جدا)
ربع ملقعة صغيرة قرفة
ملعقة صغيرة ملح
زيت ذرة
نصف ملقعة صغيرة خلطة ميلرز بالدجاج
ذرة فلفل اسود
الطريقة:
في حلة الارز نضع الزيت و عليه البسلة و الجزر على نار هادية و نشوحهم كويس و بعدين نضيف الزبيب و نشوحه شوية و بعدين نضيف الماء و عليه الفلفل و الملح و الميلرز و القرفة و نغطي الحلة و نرفع النار. نغسل الرز و لما المية تغلي نضيف الرز و نسويه بالطريقة العادية.
كنت عاملة جنب الاكلة دي كفتة في الفرن و عند التقديم قدمت الطبق كالتالي:
نصفه الارز بالخضار و النصف التاني الخضار السوتيه و وزعت اصابع الكفتة حول الطبق و على خط التلاقي بين الرز و الخضار و بين كل صابع كفتة و التاني شريحة طماطم و عليها حلقة خيار. كان نفسي يكون فيه جزر عشان احط حلقة جزر كمان عشان الالوان بس المرة الجاية بقى.
معلش معنديش كاميرا و الا كنت صورتها، بس جربوها و الله اكلة خفيفة و طعمة و كل حاجة فيها تتاكل لوحدها. و على فكرة انا جمعت اكتر من فكرة نفذتها في الرز يعني هو مش جديد و لا حاجة بس تجميعة افكار و بالهنا و الشفا