don :

حبيبتى اماريج انا اسفة مشفتش مشاركتك يا حبيبتى انا اسفة طبعا بالنسبة للخميرة زى مابيقولوا دى تبوظ اجدع عجينة بالنسبة للبيكنج بودر حطى معلقة فى كوباية مياة وقلبى اذا فارت يعنى عملت فوران تبقى سليمة ونشيطة والخميرة بيرة او الفورية حطيها مع شوية سكر وماء دافء وقلبيها كويس وغطيها شوية اذا لقيتى الخميرة فقفقت وذادت وارتفعت لفوق تبقى كويسة وخلى بالك يا اماريج فية حاجات بخلاف الخميرة ممكن تبوظلك العجينة زى درجة الحرارة بتاعة الماء يعنى ولا تبقى باردة ولا تبقى ساخنة تبقى دافية وكمان الفرن مهم جدا ولا يبقى بارد ولا يبقى ساخن جدا علشان كدة فى الوصفات بنحدد ان كان حار او متوسط الحرارة او تشغلية قبلها ب 10 دقايق كل دى حاجات مهمة يا اماريج طالما انك طبعا مقتنعة انك بتخدمى العجن كويس وفية كمان الوقت اللى بنسيب الحاجة تخمر فيها لاوم تلتزمى بيها يعنى ماتزوديش وقت التخمير عن المطلوب ولا العكس

حبيبتى اماريج انا اسفة مشفتش مشاركتك يا حبيبتى انا اسفة طبعا بالنسبة للخميرة زى مابيقولوا دى تبوظ...

don :

el3rooos والله الرد دة كتبتة لتانى مرة بس ولا يهمك انا تحت امرك بصى يا ست الكل بالنسبة للمهلبية انا اشك اولا ان الكوب بتاعك كان اكبر من الكوب المعيارى اللى انا عاملة بية او مكنتيش مليا معلقة النشا عموما لو المهلبية كانت خفيفة فكان ممكن تلاحظى وانتى بتصبيها فى الكاس او الاطباق يبقى كان فى الحالة دى وانتى شيفاة نازل خفيف انك تضعية تانى على النار وتضعى ربع كوب ماء او حليب فى كوب وتدوبى فية معلقة كبيرة نشا كويس وتروحى منزلاها سرسوب واحدة واحدة على المهلبية لحد ما تلاقيها تماسكت تروحى مقلبه كويس لمدة 2 او 3 دقيقة علشان النشا تكون استوت وتروحى صباة فى الاطباق لحد ما تتماسك وتبرد وكل الحكاية بتكون نص ساعة او ساعة مش 6 ساعات خالص حتى فى الارز بالحليب نفس الشىء ولو لقيتية العكس يعنى تخن منك تروحى مزودة شوية حليب واحدة واحدة لحد ما يفك التماسك وبالنسبة لماء الورد او الما زهر فملهاش علاقة بالموضوع وعادة لما تيجى تضعية او تضعى فانيليا بنحطها فى الاخر قبل ما نطفى على طول وقبل مانصبه فى الاطباق وياريت لو تجربيها كمان مرة وتقوليلى الاخبار وانا ان شاءالله حصورلكم مقياس الكوب والمعلقة بتوعى

el3rooos والله الرد دة كتبتة لتانى مرة بس ولا يهمك انا تحت امرك بصى يا ست الكل بالنسبة للمهلبية...