أم العلاء :

mona_abdelaziz :

سؤالين يا قمر الاول قوارب الكوسة دى تتقدم مع رز ابيض صح ؟؟ الثانى بقى يا قمر بصى بخصوص الملوخية الخضرا انا عاوزة اجيب كمية واخزنها فى الفريزر فحعمل الاتى شوفى كده وقوليلى ايه الغلط انا حجيبها واقطفها وبعدين حغسلها وبعدين اخرطها بعدين اعبيها فى اكياس واشيلها لحين الاستخدام صح؟؟؟؟؟؟؟؟؟؟؟؟؟ حد قالى لازم تبقى ناشفة وقت ما تخرطيها طب وانشفها ازاى يا دون مقدرش احطها فى البلكونة لا يجيى عليها تراب او تطير واللا انشفها بالسشوار هههههههه واللا منشفهاش بعد الغسيل افرمها وخلاص واكيس واشيل ومش حيحصلها حاجة وطريقتى دى فلة بيقولوا احطلها بيكربونات رشه كده قبل ما احطها فى الكيس ؟؟؟؟؟؟؟؟؟؟؟؟؟؟؟؟؟ مستنية ردك يا قمر

سؤالين يا قمر الاول قوارب الكوسة دى تتقدم مع رز ابيض صح ؟؟ الثانى بقى يا قمر بصى ...

don :

ازيك يا منمن ..... ممكن طريقة كمان سهلة جدا للملوخية و فله وحتدعيلى عليها انك ولا تتعبى نفسك ولا تنشفيها ولا سشوار يا منمن اصل انا شايفاكى نفسك تغمضى وتفتحى عينك تلاقيها جاهزة فى الفريزر ...صح ؟؟ روحى بقى اشتريلك كام كيس فروزن وحطيهم فى الفريزر اية رأأأأأأيك ؟؟؟؟:30: بس اوعى تقولى لحد على الطريقة السهلة دى :hahaha: بصى يا منمن تجيبى الملوخية وتقطفيها وتغسليها كويس وتفرشى جرنال فى اى حتة فيها هواء علشان تنشف على طول او تفرشى فوطة وتفرشى ورق الملوخية على الجرنال وكل شوية تروحى تقلبيها بايدك يعنى تجيبى اللى تحت فوق وهكزا علشان كلها تنشف وبعد ماتنشف تلميها وتخرطيها يا منى (انا بحب قوى تخريط الملوخية بالمخرطة ) او بالكبة وتروحى حطاها فى طبق غويط وعليها شوية ماء (فية ناس بتحط شوربة) يادوب شوية وتقلبى بسرعه بالمعلقة داير مايدور لحد ما يادوب تلاقيها فكيت وحتتحرك تروحى حطاها فى اكياس بلاستيك نضيفة وتبططيها يايدك من برة حتبقى شكل الكيس اللى بنشترية (مونتانا مثلا) وتلروحى قافلة الكيس وتدخليها الفريزر تقفلى الكيس بالماكينة بتاعة لحام الاكياس ولو معندكيش تروحى مسخنة السكينة على عين اللهب بتاعة البوتجاز لحد ماتسخن تروحى عاملة بسرعة بيها خط على طرف الكيس المفتوح حتلاقية لحم ولزق فى بعضه وقفل على طول يامنمن

ازيك يا منمن ..... ممكن طريقة كمان سهلة جدا للملوخية و فله وحتدعيلى عليها انك ولا تتعبى نفسك ولا...