spanishflower :

السلام عليكم صباح الفل يا دينا سلمي عامله ايه النهارده؟ مش عارفه اقولك علي اللي عندي و لا بلاش خلي الخيبه مستخبيه؟ هاقول و خلاص انا كنت فاكره ان الكسبره الناشفه مش بتستخدم غير مع الملوخيه بس طلع ان في ناس بتطبخ بيها كل حاجه معانا واحده تونسيه هنا اكلت عندها مكرونه كانت تحفه سالتها علي الصوص بتاعها قالتلي من ضمن البهارات كسبره ناشفه و كمون انا جربت النهارده و عملت اسباجيتي و عملت صوص طلع وهمي قطعت بصله جوانح و خليتها تصفر علي النار و حطيت عليها (طماطم مستويه و جزره مضروبين ناعم جدااا في الكتشن ماشين) و بروكلي و مش هتصدقي باذنجان اسود مقطع مكعبات صغيره و صلصه طبعا و البهارات ملح و فلفل و كمون و كسبره و رشه كاري طلعت حلوه مووووت اعتقد انها معلومات قديمه صح؟ بوسه ليكيييييييييييي

السلام عليكم صباح الفل يا دينا سلمي عامله ايه النهارده؟ مش عارفه اقولك علي اللي عندي و لا بلاش...

spanishflower :

مانا باقولك يا دون حسيت اني متاخره جدااا بس من ساعه ما عرفت و باحطها في كل حاجه بس علي فكره الصوص ده ياباني يعني صاحبتي اليابانيه هي اللي حطت الباذنجان المقطع و انا جربته و ممكن كمان تحطي اي حاجه تانيه مشروم مثلا معاه طيب النهارده عملت صينيه فراخ هاقولك ازاي و شوفي برضه جديده و لا ايه الظروف فراخ مخليه مقطعه التتبيله ( زبادي كتير 250 جم -خل-صويا صوص-بصله و فلفله خضرا مضروبين ناعم جدااااا -البهارات ملح و فلفل و بهار فراخ و كاري و زنجبيل و كسبره طبعا و كمون معلقه صغيره من كله ) و نسيبها حوالي ساعه كده نقطع معاها بصله كبير و بطاطس و جزر و فلفل اخضر كله تقطيع كبير و معاهم مثلا مشروم و بروكلي و تحطيها علي النار لحد ما تستوي من غير ما تحطي مايه خالص تستوي في الزبادي بعد كده باحط معلقتين دقيق علشان الصوص يتخن شويه بعد كده حطي نصها في بايركس و رشي عليها جبنه مبشوره و حطي نص الفراخ التاني و علي الوش جبنه كتير و دخليها الفرن ربع كده بتطلع حاجه فظيعه فظيعه سلام يا حبيبي

مانا باقولك يا دون حسيت اني متاخره جدااا بس من ساعه ما عرفت و باحطها في كل حاجه بس علي فكره...