بصراحه اختي غلايه10 قالت اللي فخاطري أقوله.. بس هي ماشالله عن تجربه.. وانا سمعته من دكتور علم نفس..

في وحده من الدورات كان يتكلم الدكتور عن الصمت بين الزوجين.. وقال عن قصة زوجه كان زوجها كله في السطوح يموت في شي اسمه حمام.. ما يسولف ولا يقعد معها.. كل فكره مشغووول في الحمام.. قامت الزوجه اشتكت للدكتور وكانت على وشك طلب الطلاق.. بس قال لها الدكتور انزين بعطيج فكره لو ما مشت اطلبي الطلاق.. (قال جيه لأنه يعرف إن الفكره بتنجح),,, وطلب منها تروح تقرى كتب عن تربية الحمام وتسأل مختصين وتتثقف في هالموضوع..

وطبقت النصيحه... وصارت كل ما تقعد معاه تعطيه معلومات وتناقشه في أنواع الحمام وغذاءه وطرق تربيته إلخ... والريال ماشالله استانس صار ما يمل من قعدتها...

الحين دورج اختي دلع تشوفين شو اهتمامات زوجج.. قلتي عنده دراسات عاليه.. في شو؟؟ إن كان في الطب مثلاً.. إقري في كتب الطب مع نية ابتغاء الأجر.. وإن كان في السياسه.. الله يعينج على متابعة الأخبار والجرايد.. وثقفي نفسج عدل.. خلج جاهزه لأي سؤال منه... خليه يشوف انج مب هينه وعقلج واعي وكبير..

وماشالله عليج دام انج تعرفين الانترنت ماشي أسهل من البحث عن أي معلومه اهني...

وصدقيني بتشوفين تطور كبييير ان شالله في علاقتكم وسوالفكم.. بس عليج بالصبر :26:

شوفي حبيبتي عنده دراسات عليا او صغرى هو رجال و هذا طبعهم كلهم فأحسن شيء انك تتقبلي الوضع مثل ماهو .

والله ما قصرتوا يا اخواتي

بس فكره اني اشاركه صعبه شوي لان مجاله طب وكله Eوانا خبرتي ومعرفتي بسيطه با الانجليزي


بس انا ما ابغ اسولف له انا ابغى يسمع لي

الحمدلله يابنات يوم قرات هذا الموضوع ارتحت تدرون ليه:30:
نفس مشكلتى مع زوجى مايحب يتكلم ولايسولف ولايسمعلى بعد
ولايسالنى
:06: يعنى كلنا فى الهوى سوى
بس الحمد لله ان هذا عيبهم مو شى ثانى

ومن سمعك ........ياوخيتي كنت بالاول اضيق بس ها الحين اريح احسن وش بيجينا من حكيهم
اذا هو انسان محترم وماشي صح لايحكي .......... انتي اشغلي نفسك عنه ابدئي اقرئي ولا تصيرين هذره وشوفي وشلون هو بيبداء يسال ويحكي بس جربي بايام اجازه لانه هالحين مو فاضي