والله تهبلون ومشكورات خواتي
وفعلا كلامك رائع يا اخت كلام العيون
بس صدقيني اذا تزوجتي غير انا قبل ما اتزوج كنت شي لدرجه ان كلا يغبط زوج المستقبل يقولون محظوظ الي بيتزوجك0000

لاني كنت مرحه ورومانسيه ونعومه وهادئي الله يا الدنيا الحين :27:

صرت مفترسه مع مرور السنين:30:

وانتي ياخت ونه خفوق والله تذكريني بحالتي انا وزوجي الي عندي

انتي العندك ابو الهول اجل انا وش اقول :06::19:

ولي عوده معكم

هههههههه الله يريح عليكم يا متزوجااااات والله سوالفكم ما تنتهي ...


تسلمين حبيبتي دلع انتي الاروع بس انا في رأي ما راح اتغير <<<< ايوه صح بنشوف :30:


لما اتزوج اوعدك اقولك لك تغيرت ولا لا ههههههههههههههه ( الله لا يقول )

لا تعقدوني بليز لأني للحين شايفه الامور ماشيه تمام التمام مع خطيبي وسمعت وقريت وشفت مشاكل وبلاوي

ومواقف وعقلي كبير وفاااااهم مثل ما يقولون بس كثرت هالكلام يخليني اقول نشوووف هل صحيح ولا لا :44:



بس بظل على رأي ونشووووف هل فعلا ان مو كل قاعده تعم على الكل ولا تعم :08: :09:

هلا كلام العيون


اثرك مخطوبه

اه
اه اجل بستقعد معك وخربك ههههههههههههههه

وارجع واقول تكفين استفيدي منا اكثر باحياتك عاد انتي بنت (الانترنت) مو مثلي تزوجت علي عماى الله يخلف:17:

هههههههههههههه <<< راح تشيل نفسها قبل ما تتهور وتخربينها :22:

الأخوات ما قصروا.. والأخت الرحيل كفت ووفت جزاها الله خير..
لكن يا أختي دلع شكلك عجولة شوي..
يعني مو لازم تقرين في الطب..
أنت شوفي وش الأشياء اللي يتابعها ويهتم فيها.. لازم تشاركينه فيها..
يحب الأخبار تابعيها.. يحب يعرف عن حياة الحيوانات.. الديناصورات.. السيارات.. الصواريخ.. الفضاء.. أي شيء.. تحسين أنه يهتم فيه.. اهتمي فيه.. بس لا تستعجلين..

لازم كلامك يعجبه علشان يسمعك.. لازم يكون مهتم بالموضوع نفسه..
لكن تكلمينه عن خواتك وجاراتك ولا عن مسلسل وسوالف حريم ما راح يهتم.. كلنا أزواجنا ما يحبون يسمعون هالسوالف..

مثلاً.. أنا عانيت مثلك في بداية زواجي..
بعدين صرت أحاول أعرف وشو يحب..
عرفت أنه يموت في الطيارات وعالم الطيارات.. صرت أشتري مجلات أجنبية عنها وأقراها علشان أصير بمستواه وأقدر أتكلم عنها معه.. وفعلاً صار يهتم بكلامي..
أيضاً طلع يحب الكمبيوتر وعالم الكمبيوتر.. صرت أقرأ عن كل شيء جديد في هالمجال لحد ما صرت الحمد لله أنافسه.. وصار كلامي مرة يعجبه..

حاولي تنالين إعجابه واهتمامه بالكلام.. علشان ينتبه..
يعني تخيلي نفسك يتكلم زوجك معك عن السباكة والمواسير وأنواع المواسير.. وأنت ما تحبين هالمجال هل ممكن تهتمين بكلامه وتلتفتين له؟
نفس الشي سواليفنا يا الحريم ما تعجب الرجال و لا تشدهم مثل ما نتصور.. لذا لا تستغربون أبداً لما تشوفونهم ساكتين في البيت ومع ربعهم ما شاء الله..

وعموماً حاولي تكونين صديقته.. واعرفي هو وشو سوا في يومه.. اعرفي مجال عمله.. وأوقاته وطبيعته.. أسماء زملاءه.. والأحداث اللي صارت في عمله واسأليه عنها كل يوم..
يعني مثلاً تخيلي.. أنا صرت أسأل زوجي كل يوم كذا:.. وش صار بمشروع الكابل لحد الآن؟.. هاه صلحتوا المكينة المحترقة؟ وش صار على كمبيوتر المدير.. اشتغل؟ سليمان ماجاب كبدة مشوية مثل ذاك اليوم؟ معاملة الرجال اللي جاكم يوم الأحد وتهاوش وش صار عليها؟

صحيح أن موضوع عملهم ممل بس على الأقل تنالين ثقته وإعجابه ويحس أنك عايشة عالمه..
والله يسعدكم.. :24: