مليييييييت اريد اطلع اريد تغييييير

مافهمت قصدج بالضبط
هل تقصدين انه مايطلع معاج ولا مايخليج تطلعين ابد

لو على الطلعه معاج انتي قلتيها لاتقولون انها مش مهمه صج انها مهمه بس لو ماحصل لج شتسوين؟؟؟؟؟

انا بعد ماطلعت مع زوجي من 6 شهور بس الاختلاف ان زوجي عنده ظروف وصار مايحب يطلع

بس انا متعه نفسي بنفسي اطلع مع اهلي ولا مع عيالي الصغار يدوب اكبر واحد ماكمل 3 سنوات ونص

والله صدقيني الطلعه مع الاهل وايد احلى من الطلعه مع الزوج هناك ضحك وسوالف وتغير جو

ولو على زوجك حاولي تعودينه مش شرط تروحين المكان الي انتي يعجبج لا روحي المكان الي هو يحبه اول وبعدين

تدرجين معاه واطلبي الي تبينه

غريب ...
اول مره اسمع احد زي كذا وخاصه بمجتمعكم .. انا ماعندي حل ولا اعرف اكتب كلمتين على بعض .. :( بس ابي اقول لك ان زوجي بالبدايه كان كذا بس جلست احن وازن على راسه لين صار يطلعني باليوميه .. الزبده ان كثر الدق يفك اللحام .. وحاولي معه ولاتياسين
الحي عليه دايم ... والله يوفقك

الزوجه لها الحق في الخروج مع الزوج لشراء حاجياتها من الاسواق حسب الاهميه .. وهذا حق من حقوقها يجب على الزوج ان يقوم به ..

عليك ان تتفقي مع زوجك بالخروج على الاقل مرة في الاسبوع لاحدى المطاعم للعشاء وتغيير جو .. وليكن كل يوم اثنين او ثلاثاء من كل اسبوع .. او حيب اختياره .. بحيث يتعود على هذا الشيء باستمرار ومتفق عليه ..

ويكون يوم الاربعاء والخميس عند اهلك وعند اهله .. ويوما في الاسبوع الذهاب الى السوق .. ويكون كذا اربعه ايام بالاسبوع تخرجين من المنزل سواء للاهل او السوق او العشاء ..

يجب ان تتفاهمي معه بالهدوء واللين وتخبريه ان اغلب الزوجات هكذا وانتي من حقك ذلك .. ولكن اذا غضب او تنرفز يجب عليك السكوت مباشرة وابداء الزعل دون التقصير في واجباته الزوجيه .. ومن ثم كرري المحاوله مرات اخرى في الوقت اللي تشوفينه مبسوط ومرتاح ورايق ..

السلام عليكم

هذي النوعية من الرجاجيل يا كثرهم ... اعرف كثييييييييييييييييييييييير كذا اذا ناقشتة ما يرد ولا يحاول يتنازل

يمكن النوعية هذي يسمونها نوعية الدونية شايفها في زوجتة او انها ما يناظر زوجتة شي ؟؟!!

كثير الي اعرفهم ما يشوف زوجتة شي وخصوصا لما يسوي علاقات مع بنات أخريات يحاول يطلع معهم كل روح

الرومنسية والاشياء الي ما يسويها ما زوجتة .؟؟؟ قمة المرض قمة الانانية ؟؟

هناك اسباب كثثييييييييييرة لا اقدر ان احصيها عموما خليني اقول لك الحلول وزي ما قال اخوي وقفو شوي ابي اسردها

- فعلي دور اهلك شوي يعني مثلا روحي عن اهلك يومين مثلا قولي لة زوجك هذااااا انة يحطك عند بيت اهلك الاربعاء وياخذك الجمعه هذا احسن شي وانا اعرف اصدقاء لي هذا اسلوبهم مع زوجاتهم .
- حاولي تحسسينة انك محتاجة للطلعه وانك لازم تطلعين معه للتشاور مثلا اي مقاضي انتي حسسية ان الدعوة يبغالها
مشاورة وانك لازم ولابد انك تكونين معاه
- مقااااضي البيت حطيها صعبة يعني ما يقدر الرجال انة يلم فيها مثلا لا تقولين لة جب سكر لا قوليلة فية سكر شكلة كذا وماادري وشو يعني حسسية ان الدعوة يبغالها حرمة مهوب رجال
- شووووووفي انتي حسسية ان اخواتك عندهم اشياء احسن منك وان ازواجهم احسن منه خلية ينفجر من القهر
وان شاء الله يحاول ان يتقدم عليهم

ماادري احس اني كثرت الحكي وسامحيني طيب ما اقول اسأل الله العظيم رب العرش الكريم ان يحن زوجك عليكي

ويملا حياتك كلها سعاااااااادة وهناء ورضى يارب يارب يا مجيب الدعاء يا ربي اسعدها

والله المستعان ...

اخوكي اخو هند

شفي ياوخيتي
الرجال بعضهم يحبون العناد عشان كذا لاتكثرين زنن عليه بس جيبيها بأسلووب حلوو ودلع ومن هالحركات يعني مثلا يوم الجمعه يوم اجازه اقترحي مكان حلوو ومافيه صرف فلووس كثير ( في رجال مايحبون الطلعه عشان المصاريف) واقنعيه او قولي له انا عازمتك يعني خليه ينبسط معك بكم طلعه وبعدين عاد يتعود لو مره بالاسبوع طلعه خاصه ومره مقاضي زين ترا

بعدين اذا طلعتي معاه حاولي ماتتشكين من اي شيء عشان مايزهق اجلي المواضيع الممله بالنسبه للرجل وتكلمي عن اشياء حلوه ذكريات قديمه حتى تقدرون تروحون لاماكن اللي كنتم تروحونها وانتم في بدايات زواجك عشان تتذكرون

ماادري هذا اللي عندي والله يعينك

بس ترا انتي مو لحالك انا زوجي مو يرفض الطلعه الاماعنده وقت لنا دايم مشغول مشغول الله يعطيه العافيه بس الشهاده لله اذا فضى يطلعنا واحاول اريحه بالطلعه مو دايم بس احاول :27: