ممكـــــــــن مســـــــــاعدة عاجـــــــــــــلة ....إذا سمحتوا

السلام عليكم ورحمة الله وبركاته ،

هلا وغلا ام تركي .. ولا يهمك عزيزتي احنا بالخدمة ..

عزيزتي انا عندي طريقتين لتتبيلة الدجاج والإثنين طيبين ان شاء الله .. (طبعا مش رأي بس رأي اللي داقوه)

الأولى :
دجاجة (ممكن مقطعة أربع قطع .. أو مثل الشيش طاووق )
6 ضروس ثوم مدقوق
2 ملعقة كبيرة خردل (مستردة معجون)
3 معلقة كبيرة معجون طماطم
ربع كوب زيت زيتون
ربع كوب ليمون
ملعقة كبيرة زعتر ناشف
رشة ملح - رشة فلفل أسود

الطريقة:
- إذا كان الدجاج قطع يفضل عمل شقوق طويلة بلحم الدجاج على شكل مربعات .. يعني تمسكي الصدر مثلا تقطعي خطين بالطول ثم فوقهم خطين بالعرض .. حتى يتشرب جيدا ويستوي بالشوي ... واذا كان اللحم فيليه مثل الشيش طاووق يقطع قطع مربعة كبيرة وليست صغيرة .
- تخلط المقادير كلها مع بعض باليد .. ثم تضاف على الدجاج وتفرك جيدا بالدجاج .. تغطى وتوضوع بالثلاجة أقل شيء 6 ساعات .
- ثم تكون جاهزة للشوي ... اذا استعملتي الشيش طاووق يفضل وضع بين قطع الدجاج قطع من الفليفلة (الفلفل الحلو ) وقطع من الطماطم المقطعة مربعات .
- طبعا ضاعفي الكمية لأن أكيد عدد الدجاج حيكون أكتر من واحدة .

الثانية:
دجاجة (مقطعة أربع قطع أو شيش طاووق)
نص راس ثوم مدقوق
عصير ليمونتين
فليفلة (فلفل حلو) مطحونة
نص كوب عصير طماطم
ربع كوب زيت زيتون
ملعقة صغيرة زعتر ناشف
2 معلقة كبيرة معجون طماطم
رشة ملح - رشة فلفل أسود .

الطريقة:
مثل الطريقة أعلاه .

أما بالنسبة للمقبلات .. طبعا أهمها الحمص بالطحينة ، سلطة البطاطا والذرة بالمايونيز ، الفتوش أو تبولة ، كبة مقلية ، ورق عنب بالزيت ..

وإذا تذكرت مقبلات تانية رح أقولك .. وان شاء الله تعجبك واحدة من الطرق .. او ممكن الأخوات يعطوكي وصفات أخرى .

وصحتين وهنا للجميع .,., وان شاء الله تبيض وجهك وجه زوجك العزومة .

اختي ام تركي الله يبلغك فيه المبلغ الحسن ان شاء الله
بنسبه للتبيل اختي عابرة سبيل مقصرت وطريقتي اتبله بليمون والخل والبهارات وشوي كتشاب
اما المقبلات ( حمص+ متبل( بابا غنوج)+سلطات +بطاط مغلي وباذنجان +ملفوف محشي+فريك وانت يمكن تعرفين الفريك ( لاانه باين انك من اهل السعوديه( الزلفي) هم اهل الاسترحات) الخبز المفروم ونحط معه بصل مقطع ناعم ومحموس مع شوي سمن ودبس او عسل.
والله يبيض وجهك ويستنس زوجك من شغلك ان شاء الله

بسم الله الرحمن الرحيم


ألف ألف ألف شكر لك يا أختي الحبيبة -عـــــــابرة سبيل- والتتبيل باين عليه روووعه ما شاء الله عليك وإنشاء الله رايح أسويه ......ومشكورة على هالمقبلات الجميلة لكن عندك طريقة مضبوطة للكبة .؟؟..أنا عارفة إني كثرت عليك طلباتي ....لكن من باب الأخوة والحب والطمع الزايد في كرمك .......وتقبلي كل شكري وأمتناني



مرحــــــــــــبا أختي العزيزة أم منورة

شكرا جزيلا على التذكير بهذه المقبلات الرائعة ورايحة بإذن الله أختار من بينها اللي أقدر أسويه ......أما بالنسبة للفريك فأنا أعرفه بالرغم من إني مو من الزلفي بل من سدير ولكن الطريقة شوي تختلف عنكم حيث أننا ما نحط فيه بصل ....................على العموم ألف شكر على المشاركة الغالية
وعلى الدعاء الله يتقبل منك ويخلي لك منورة ويكبرها لك وتشوفينها عروووووووووسة بإذن الله ..................

السلام عليكم ورحمة الله وبركاته ،

هلا بام تركي .. كيف حالك عزيزتي .. ولا يهمك ولا كترتي طلبات ولا شي انا بالخدمة .. واذا ما ساعدنا بعض بالعزايم امتى حنساعد بعض .. استني شوي بس ارفع اكمام فستاني عشان اشتغل معك وأساعدك ..

رأي : بالنسبة لتتبيلة الدجاج .. اذا كان عندي شوي .. بقوم بعمل التتبيلتين .. وبتبل الصدور بالتتبيلة الأولى والأفخاذ بالتتبيلة الثانية أو العكس أو نص الدجاج بتتبيلة والآخر بالتتبيلة الثانية .. عشان التنويع .. ممكن تعملي نفس الطريقة .. وبالنسبة للمقادير بامكانك عمل مقدار مضاعف مرتين واخلطيه مثلا مع 4 دجاجات واذا حسيتي انه الصوص قليل جهزي مقدار واحد وأضيفه .. يعني مش بالضرورة تتقيدي بمقادير الدجاجة الواحدة .. قد تكفي مقادير دجاجتين لثلاث دجاجات .

عزيزتي انا حكتب لك طريقة الكبة .. بس العملية نفسها مش سهلة .. وخصوصا لأول مرة .. وطبعا اذا كان عندك ماكينة فرم اللحمة وعمل الكبة بيكون افضل وأسهل لك ..

مقادير الكبة:
نص كيلو برغل أحمر ناعم (وفيه ناس بتحط كيلو لكل نص كيلو لحم .. يعني لو زادت كمية البرغل شوي مش مشكلة) .
نص كيلو لحم عجل بدون دهون مفروم ناعم (ممكن بلحم الغنم .. بس لحم العجل أفضل عشان ما فيه دهون)
2 ملعقة صغيرة ملح - ملعقة صغيرة من كل من (فلفل أسود - كمون - قرفة - مردقوش: نوع من الأعشاب مثل الزعتر موجود بالجمعيات وهو خاص للكبة ) .
بصله صغيرة مفرومة
ملعقة طعام نشا


مقادير حشو الكبة:
ربع كيلو لحم غنم مفروم
2 بصلة كبيرة مفرومة ناعم
رشة ملح - رشة بهار وفلفل
2 ملعقة طعام زيت
3 ملعقة طعام صنوبر مقلي (حسب الرغبة)

الطريقة:
حضري الحشو .. حمي الزيت ثم ضعي اللحمة وقلبيها على نار حامية حتى تتلون ثم اضيفي البصل وقلبيه جيدا مع اللحم ثم البهارات والملح .. واتركيه على نار متوسطة لمدة 5 دقائق .. ثم خفضي النار واتركيه لمدة عشر دقائق أو حتى تستوي اللحمة وينشف ماؤها ضعي الصنوبر وقلبيه قليلا مع اللحم .. اطفئ النار واتركي اللحمة تبرد .

تحضير الكبة ..
- غسلي البرغل وانقعيه في الماء لمدة خمس دقائق فقط مش أكتر .. ستلاحظي ان البرغل تشرب الماء تقريبا .. ارفعي كمية بيديك واعصريها جيدا وضعيها في طبق ثاني .. وهكذا حتى يتم عصر البرغل كله (سبب العصر حتى لا تكون عجينة الكبة لينة جدا فلا تستطيعي التحكم فيها)

- اخلطي اللحم والبرغل والبصلة والبهارات والملح مع بعض جيدا بطريقة دعكهم باليد (اذا كان عندك مفرمة افرميهم مع بعض على الخلاط مرة أو مرتين حتى يتجانسوا .. ومع ذلك لازم تخلطيهم بايديكي بين كل فرمة والثانية) .

- دوقي شوي من عجينة الكبة عشان تعرفي اذا بدها ملح أو رشة بهارات .. لازم طعمها يكون طيب حتى وهي نية .

-العجينة لازم ما تكون ناشفة كتير ولا لينة كتير .. امسكي قطعة بيدك وشوفي بتقدري تشكليها بسهولة على شكل حبة كبة .. اذا كانت العجينة ناشفة ضيفي عليها رشة ماء بارد واخلطيها .. واذا كانت العجينة لينة ضيفي عليها رشة نشا عشان تمسك .. المهم اذا حسيتي انه العجينة كويسة (بالنسبة لأول مرة حيكون صعب التحديد.. بس مع التكرار حتصيري باذن الله فنانة) ابدئي بتشكيلها .

- بالنسبة للتشكيل بتاخدي .. اذا كان عندك الآلة اللي بتشكل الكبة (قطعة تابعة لمفرمة اللحم) .. استخدميها .. عن طريق
وضع كمية في المفرمة والضغط عليها بقوة حتى يظهر لك حبل طويل فارغ من الوسط .. قومي بتقطعيه قطع بحجم قطعة الكبة .. بللي ايديك بماء بارد خدي كل قطعة واقفليها من جانب ثم احشيها من الجانب الآخر واقفليها وكل هدا بسماعدة الماء البارد حتى تتماسك العجينة ولا تفتح معك (تقريبا تشكيلها شبيه بكبة البطاطا بس كبة اللحم بتكون مدببة من الأطراف ) .

- طريقة القلي.. ضعي كمية كافية من الزيت تغمر الكبة .. اتركيها حتى تحمي .. ضعي الكبة واتركيها قليلا على وجه ثم قلبيها على الوجه الثاني .. خففي النار واتركيها الى ان تنضج وتحمر .. ارفعيها على ورق المطبخ حتى يمتص الزيت الزائد .

-اذا الكمية كبيرة بامكانك الاحتفاظ بنصفها بالفريزر لحين الاستعمال .. وذلك بوضعها في صينية ثم ضعيها بالفريرز إلى ان تجمد جيدا .. ثم ضعيها في كيس محكم القفل أو بعلبة بلاستيكة محكمة.. وأعيديها للفريرز لحين الاستعمال .

سامحيني طولت عليكي .. بس لأن طريقة الكبة بدها شوية شغل وصبر .. والأفضل تعمليها قبل بيوم من العزومة عشان تتأكدي انها نجحت معك قبل تقديمها .. يعني تقلي كام حبة وتذوقهم ... واحتفظي فيها بالفريزر ليوم العزومة .

وان شاء الله تنجح معك .. وصحتين وعافية على الكل .

الله يسامه اختي عابرة سبيل كل شي قالته وجزاه الله كل خير عندي طريقة كبه سهله مره كبة التوست وهي تسوين لحم مفروم مع بصل محموس بعدين تجيبين التوستوننزع اطرفه ثم نغمسه بحليب ويشكل وتحش وتشكل مثل الكبه ثم تغمس با البيض والبقسماط وتغلى