ممكن تجاربكم عن صلاه الاستخاره

انا بقول وش صاااار لي بعد الاستخارة انا مطلقة تطلقت ظلم لكن في زواجي الاول ماصليت الاستخااارة خفت يطير العريس وياليتني صليتها فيهاخير كثير لكن الي خلاني مااصليها خطابي كثارين وماالله كتب لي التوفيق مايصير نصيب وقلت هذي فرصة اتزوجة بدون استخارة والحمدالله على كل حاااااال تطلقت منة وبعدها جاني خاطب شاب ماتزوج استخرت ربي فية وصليت وسبحان الله حلمت بان اخوي يقولي لاتوافقين لاتوافقين وفهمت معناها وفسرت عند كذامفسر ورفضت وعدها الرجاااال خطب بنت وحدد زواجة وقبل الزواج بشهر صدمتة سيارة ومااااات الله يرحمة
استحيري افضل والله يوفقك انا مخطوبة الان واستخرت وافقت لكن امرالله كلة خير

انا استخرت في خطيب اتقدم ليه وماحسيت بالراحه ابدا بالعكس متضايقه طول الوقت ورفضته ومدري ليه بعد الرفض حسيت اني تحسفت
مدري هو شعور طبيعي والا انا ماعرفت استخير

تجربتي انا استخرت كثير قبل ما اتزوج طبعا تاخر الزواج بعد الخطبة لكن لاني كنت ادعي ربي يخلي ذاك الرجال من نصيبي والحيت بالدعا شهوووور طويلة وربي ماكسر بخاطري وتزوجت والحين طالبة الطلاق لكن ذيك الايام وبسبب قربي من الله ودعواتي كنت اشوف احلام كثييرة وكانها كانت تدلني ع مستقبلي وكنت اقول من الشيطان وتعسرت امور الزواج وصارت مشاكل لكن ربي ماخيب لي رجا يومها وتزوجت واكتشفت ان كل احلامي اللي كنت اقول عنها كوابيس قبل الزواج صارت حقيقة بعده وان الرجال راعي بلا وبنات ومعاصي سبحان الله زي ماكان باحلامي قبل وعند اتخاذي قرار الطلاق استخرررت كثييير وربي مرتاحة للقرار ونفس الشي جتني احلام كثيرة وكانها توريني وش مستقبلي معاه والحمدلله حسيتها رؤى لان بعد ماطلبت الطلاق صار اللي شفته باحلامي كان يصير من وراي وهذا فضل من ربي اني كنت اريد زوجا يعلم الله بخبثه وحسن طويتي فاظهره الله ع حقيقته من قبل مايضيع عمري كله ،،حسيت بالنسبة لاستخاراتي دليلها تيسير الامور والاحلام كانت اشارة لي والله اعلم 

تصلين ركعتين وبعد ماتسلمين تقولين الدعا تلقينه بكتب الادعيه او بالنت وربي يسهل لك الخير مافي شي اسمه احس او كيذا يعني تمشين بتساعيل ربي

دعاء الاستخارة
قال جابر بن عبدالله رضي الله عنهما: كان رسول الله صل الله عليه وسلم يعلمنا الاستخارة في الاموركلها كما يعلمنا السورة من القران؛ يقول:(( اذا هم احدكم بالامر فيركع ركعتين من غير الفريضة ثم ليقل:اللهم اني استخيرك بعلمك واستقدرك بقدرتك واسالك من فضلك العظيم فانك تقدر ولااقدر وتعلم ولااعلم وانت علام الغيوب اللهم ان كنت تعلم ان هذا الامر (ويسمي حاجته)خير لي في ديني ومعاشي وعاقبة امري او قال عاجله واجله فاقدره لي ويسره لي ثم بارك لي فيه وان كنت تعلم ان هذا الامر شرلي في ديني ومعاشي وعاقبة امري او قال عاجله واجله فاصرفه عني واصرفني عنه واقدر لي الخير حيث كان ثم رضني به))
ومن ندم من استشار الخالق

لااله الا الله محمد رسول الله
اللهم صل وسلم على سيدنا محمد
لاحول ولاقوة الابالله العلي العظيم
سبحان الله وبحمده سبحان الله العظيم
الله يكتب لك الخير:biggrinlo:biggrinlo:biggrinlo