اختي سمانه انا جربت الرجيم
رهيب
اكثر رجيم عجبني
اول مره سويته ثلاث ايام نزلت 2 كيلو بس طبعا خربتها ورجعت كيلو ( كنت ابدل الجبنه على الفطور بكاس حليب خالي الدسم )
وانا طبعا ما بقى رجيم في الدنيا ما جربته واغلب الايام كنت اسوي رجيمات تنزل كثير و اواصل عليها اربع ايام لو اسبوع بدون نزول .. اما هذا نزلت من اول يوم

سويته مره ثانيه وثاني يوم خربته لان كميه الفجل فيه كثير ومو دايما كانت تتوفر عندي

اكرر نزولي صعب صعب صعب للغايه
لاني صار ليي سنه وثلاث شهور رجييييم جسمي صارت عنده مقاومه والحرق عندي صار بطيء واذا سويت نظام لاول مره انزل عليه .. اما اذا كررته فجسمي يرفض النزول :icon28:
وبعدين وزني مرتفع عن الطبيعي فقط بـ 7 كيلو وهنا حرق الدهون يصبح اصعب


المره الثالثه
كان عندي مع اخصائية التغذيه موعد وقالت لي نسبه الدهون عندك كثير 32 والطبيعي من 20الي 25 ولازم تشدي في الرياضه والرجيم واعطتني موعد بعد شهر
سويت اتكنز اسبوع ما نقصت ولا ربع
سويت تخفيف اسبوع ونفس الحاله
سويت الكيمائي اسبوع وانصدمت اكثر لما ما نزلت
قلت ما يصير اروح لاخصائية التغذيه وزني مو متحرك
فطبقت هذا النظام مع شرب مغلي بذر الكتان على الريق
وتمارين بسيطه جدا
نزلت كيلو ونصف في اربع ايام وكان بالنسبه لي انجاااااااااااز وفرحت جدا جدا
والي فرحني اكثر
ان الدكتوره تفاجئت لما شافت الدهون ناقصه من 32 الي 26
رغم ان النزول بس كيلو وشوي
وقالت ليي مو مهم كم نزلتي المهم ان الدهون والشحم عندك بدا يروح
وسألتني شسويت عشان نزلت الدهون بها الطريقه .. قلتها النظام وقالت لي خلاص استمري عليه وضيفي حبة توست على احد الوجبات عشان يصير النظام كامل

وكان مبين على جسمي اني نازله كثير وليس فقط كيلو ونصف

بالنسبه لي عجبني ..
كنت في العشا اقطع الخيار والطماطم الى شرائح والفجل شرائح والخس قطع كبيره .. فكان يصير صحن سلطه كبير اكله بالشوكه وكنت اخذ وقت وانا اكله واشبع قبل ما يخلص ( سوي مثلي وما راح تحسي بالحرمان ) ما كنت اجوع واذا جعت يكون وقت الوجبه الثانيه جا احيانا اضيف شرائح جزر على السلطه

واحيانا اكل جزر او خس بين الوجبات اذا جعت بعد العشا يعني مو شرط مره تتقيدي

حاليا صرت هذي السلطه ما استغني عنها ولازم فيها فجل .. وكل البيت صارو ياكلوه معاي .. خصوصا انه يساعد على حرق الدهون وتصفية الدم من السموم


قلت لكم قصه حياتي :D
بس عشان اوضح تجربتي وتستفيدو منها
والحين انا شريت ليي كميه كبيره فجل عشان ارجع اعيده وقابله لو بكيلو واحد اسبوعيا ( نعمه )

انتوا تقصدون الفجل الاحمر الصغير؟؟؟

ممكن تخلون رابط الرجيم ؟؟

مشكوورين :)

ايوا اختي الفجل الاحمر
كبير او صغير نفس الشي
بس مشكلته انه بالصيف يصير حار
اما في الشتا يممم كبير وبارد

الابيض والاحمر كلهم زين
با النسبة لي انا ابغي شهرين واخلص رجيم
بحاول انظم وقتي بعد الاختبارات وارجع امشي

وان شاء الله نلاقي الفائدة اختي اشكرك جزيل الشكر

وان شاء الله نسير على نهجك


سلام

قريت موضوع في منتدى ثاني خلطة نحفت عليها صاحبة الموضوع حوالي 9كيلو في الشهر
خاصة الأرداف دون رياضة أورجيم بس بتخفيف بسيط
والخلطة هي ملعقة جزر مبشور + ملعقة فجل أبيض مبشور+ كأس ماء + رشة ملح
وتوضع على النار دقائق ثم تصفى وتشرب
وأكل الفجل مع الأكلة الدسمة يخفف نسبة الدهون 80%