والله أنا جربت التفريز وما يغيرؤ من الطعم كنت أطبخ خلال النهار طبختين أو ثلاث للأسبوع كامل وأقسمها أجزاء لاجل التبريد يكون فعال أكثر وحين أطلع الأكل يكن مثل الطازج

قبل ماتزوج ماشاء الله اهلي بيتهم يومين ثلاث وضيوف ابويه الله يعطيه الصحه والعافيه يحب يعزم دايما ومع كذا ماقد فكرنا نفرزن مع اننا نتعب مره بس احيان كنا قبل السحور نسوي الحلا والعصير والسمبوسه ونحطها بالثلاجه
وامي تحب تفرزن بس الطماطم

والحين تحمست افرزن بس مافي الا انا وزوجي ومااعرف احد بالرياض فممكن اقطع الدجاج واوزعه واللحم وممكن اسوي بف باستري واحشيه وافرزنه وانا احب اجيب سبرينق رول محشي وجاهز من ماركه الكبير بالجبن
شخصين ماناكل كثير بس شوربه وسلطه وطبق جانبي يامكرونه ياصينيه وحلى كل يومين او ثلاث والحمد لله



اهم شي بالتفريز يكون الطبق اللي تحطين فيه محكم الاغلاق ماتدخل لارطوبه ولاثلج
وانا صراحه مع التفريز للعوائل الكبيره واللي يعزمون كثير

السمبوسه منطقي والكبه الكذابه بس شوربه ولا بصل احسها صعبه
المهم انتي قبل لا تفرزنين تأكدي من تاريخ الصلاحيه للمكونات وانو مايدخل البيض فيها
وتكون محكمة الاغلاق لارطوبه ولا هوا يدخلها ولو الفريزر قوة تجميده سريعه بيكون أفضل لانه بيحتفظ البقيمه الغذائيه والطعم

بالعكس التفريز يفك ازمه برمضان

ترا نفس الشي ماتقبلت التفريز بس بدت اختي تفرزن شوي شوي مثل السمبوسات والسبرنج رول وطلع طعمها رووووووووعه كانك دوبك مسويتها

وصرنا الحين اغلب الاشياء نفرزنها بس الصلصات والشوربات لاء بصراحه مدري لسا ما اقتنعت فيها

بس صرنا نفرزن انواع السمبوسه لح جبن خضار السبرنج رول الكفته وكفته البطاطس ورق عنب محشي ملفوف

يعني الاشياء الي تصلح تتفرزن

اما الصلصات والكشنات ماجربتها بصراحه بس اعتقد ماتاخذ وقت في المطبخ عكس الف والحشو تاخذ اليوم كله

الله يبلغنا رمضان ونحن على اتم الصحه والعافيه يارب

التفريز ما ينصحون فيه كمان الشوي والطبخ ع الفحم زمان ماكانو يطبخو إلا ع الفحم والحمد الله بصحه وعافيه العيب إنا ما طبقنا الحديث الرسول ف معناه ثلث للأكل وثلث للشرب وثلث للنفس