انا صراحه حريصه شوي ..حتى مع المتزوجات ما ادري ليه ...بس احس ان كذا احسن

واستغرب من بعض البنات اللي ما لهم شهر متزوجين ...ويتكلمون عن اشيا خاصة بكل جراه


انا احيانا ارد عليهم اذا سالوني سؤال خاص ممكن يستفيدون منه ....

.بس ارد عليهم بخجل وفي حدود المعقول

.. مع ان لي 11سنه متزوجه...يعني المفروض اكون جريئه...بس هذا طبعي

في مثل يقوووووول:

كــــــــل شي بوقته حلووووو

يعني البنت لما نتخطب والا تملج هني تقدر نعلمها ونقول سوي كذا ولا تسوي كذا وهذا حرام وهذا حلال000

لكن اذا كانت بنوته وصغيره ولا تعرف في امور الزواج شي00لييييييييش نتكلم قدامها في هذه المواضيع...؟!

اول شي مو وقته وثاني شي راح يسبب عندها مثل العقده ويشغل تفكيرها على خالي بلاش000

وحتى اذا كانت البنت كبيره شوي ولكــــــــــــــــــن غير متزوجه..............!!!

عمر البنت سواء كان صغير والا كبير ما يبيح لنا اننا نتكلم عنده بهذه السوالف000

اللي يبيح لنا ويعذرنا اهو حالتها الاجتماعيه بمعنى هل هي متزوجه او مخطوبه والا لأ....؟!

لأن هذه السوالف محرم اننا نتكلم فيها(أقصد اللي يحصل بين الازواج)

يعني ما يصير ان الوحده تسولف عند صديقاتها عن اللي صار بينها وبين زوجها والاشياء الخاصه000

وثاني شي ان البنت يصير عندها مثل الانحراف في التفكير وتصير تفكر في هذه السوالف وهذا شي خطير جدا000

وحتى انه يحببها في الزواج اكثر واكثر وتتمنى الزواج بأي طريقه00لنفرض ان الله ما كتب لها الزواج شنو يكون مصيرها.....؟!

اما انها تنحرف........!!

او ان يصير فيها حاله نفسيه من التفكير.......!!

وانتي اللي راح تاخذين ذنبها00

وحتى في مشكله هني في منتدى حواء تكلمت عنها احد الاخوات وهي تتكلم عن نفسها00

وتشكو نفس هذه الحاله ان صديقتها تتكلم عندها عن جمييييع الاشياء الخاصه والعامه اللي تصير بينها وبين زوجها00

لين البنت صارت تتضايق من عدم زواجها وانها تتمنى الزواج بأي وسيله وتعبت نفسيها بشكل كبيييييييير00

فهي ما تقدر توقف صديقتها عن الكلام لأنها عودت صديقتها على هذا الاسلوب ولا هي قادره انها توقف نفسها عن التفكير بهذا المجال00

والشي الاهـــــــــــــــــــــــم...................!!!

ان ممكن هذه السوالف تحبب البنت في زوجك انتبهوووووووووا00ممكن انها تحبه من كلامه واسلوبه معاج00

ومعليش على الاطاله :)

تحياتي،
دمــــــــوع

مرحبااااااااااااااااااا

انا في رايي انه على حسب الموضوع وعمر البنت وطبيعتها... يعني في مواضيع عامه تقدرين تتكلمين فيها قدام الكل
اما المواضيع الخاصه انا من ناحيتي ما اتكلم فيها مع اي احد سواء بنت او متزوجه
واذا احد تكلم في هالمواضيع اموت من الخجل ويصير وجهي اخضر واحمر و........

انا الصراحه ما احب اتكلم في هالسوالف لا جدام البنات ولا المتزوجات
ولا احب افتح هذى المواضيع وما احب حد يسالني عن شي في هذى المواضيع
لاني استحيييييييييي
لاكن في المنتدى عادي لاني لا اشوفهم ولا يشوفوني ههههههههههههههههههه